THUVARHAI 12:8 - Pathien Lekhabu Inthieng (BSI)

⁸ Mi chu a varna anghu peiin hrilmawi nîng a ta, Lungril khêlinhlip nei mi ruok chu ngainêp nîng a tih.

THUVARHAI 12:8 ပူးပေါင်းရင်းမြစ်များ

INṬANNA 41:39

Pharao bawk chun Josef kuomah, “Pathienin chuong po po chu ân hriettir che leiin, nang anga bengvâr le var hrim hi an um nawh:

INPÂKNA HLABU 132:18

Ama dotuhai chu muolphonain inthuom ka ta, Ama chunga ruok chun a lallukhum chu tle sur a tih,” tiin.

THUVARHAI 1:26

Kei khawm in lunginzing nia chun innui ka ta, In ṭitna hung pha khawm chun nuisan ka tih,

THUVARHAI 12:7

Mi khawhlohai chu pei thlâkin an um a, an um ta naw a, Nisienlakhawm, mi fel insûng ruok chu a ngîr zing hlak.

THUVARHAI 12:9

Mi mâni le mâni insiechunga, fâk ding nei lo nêkin, Mi ngainatum raklo, siehlaw nei si kha a ṭha lem.

THUVARHAI 29:27

Mi indik naw chu mi fel ta dingin tirdakum a ni a, Mi tluong chu mi khawhlo ta dingin tirdakum a ni ve thung.

THUVARHAI 3:35

Mi var chun ropuina chu hluong a ta, Amiruokchu, invêthai kaisângna chu inzakna nîng a tih.

THUVARHAI 5:23

Inchûktirna tlasamin thîng a ta; Ân vêtna nasat lei chun ama chu invâkhmang a tih.

THUHRILTU 8:1

Mi var ang hi tu am a um a? Thil umze hrie tu am a um a? Mi a varna chun a hmêl chu a sukvar a. A hmêl inrumna khawm chu a danglam tah.

ISAI 19:14

Lalpa chun Aigupta mihai laia chun kâwmâwsietna thlarau ân umtir tah; chuongchun, zu inrui chu ama luoka a pêm a pêm ang hin Aigupta mihai chu an sinthaw tinrêngah an infe kâwitir ta a.

DANIEL 12:2

Chun, mi tamtak hnuoi pilvuta lo in tahai chu tho an ta, aṭhen chu chatuona hringna changin, aṭhen ruok chu chatuona thiemnaw le inzakna changin.

LUKA 16:8

Chun, a pu chun, sum enkawltu fel naw chu a rem hriet leiin ân pâk ta a; var nauhai nêkin khawvêl nauhai hi an tulai dâna hin an var lem a nih.

THILTHAWHAI 12:23

Ama chun Pathien kuomah chawimawina chu a pêk naw leiin kârlovin Lalpa vântirkoin a man a, rulrukûtin a fâk a, a thi ta a.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

2 KORINTH 10:18

Mâni inhrilmawi chun inpâk a hlaw si naw a, Lalpain a hrilmawi chun inpâk a hlaw lem hlak.

1 SAMUEL 13:13

Chun, Samuel chun Saula kuoma chun, “I thil thaw dân hi ân vêtthlâk ngawt el: Lalpa i Pathien thupêk, thu a pêk che hi i zâwm naw a nih; Lalpa chun Israelhai chunga în lalna hi kumkhuoa dinga sukdet tum chu a ni a.

1 SAMUEL 16:18

Chuongchun, tlangvâl pakhat chun a dawn a, a kuomah, “Ngai ta, Bethlehem mi Jesai naupa pakhat chu ka hmu ta a, ama chu kei thiemtak, mi huoitak, indo mi, thuhril thiemtak, hmêl ṭhatak a nih; a kuomah Lalpa khawm a um a nih,” a ta.

1 SAMUEL 18:30

Chuongchun, Philistin mi lienhai chu an vân thawk hlak a; chun, an hung inthawk dawk po leh David chu Saula siehlawhai po po nêka fel lemin a châng hlak a, chuongchun, a hming chu an chawisâng hle el ta a.

1 SAMUEL 2:30

Chuleiin, Lalpa Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin Lalpa chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni si a.

1 SAMUEL 25:17

Chuleiin, ieng am a na i thaw ding, nguntakin ngaituo ta khai, kan pu sûngkuo le ama chunga hin thil ṭha naw thaw tumna a um a nih; ama hlak hi Belial naupa a ni ringawt el a, tu ibiek thei khawm a ni si naw a,” a ta.