THUVARHAI 12:16 - Pathien Lekhabu Inthieng (BSI)

¹⁶ Invêt lungsenna chu hriet uor a ni hlak a, Mi var ruok chun inzakna chu a thuphmang hlak.

THUVARHAI 12:16 ပူးပေါင်းရင်းမြစ်များ

JOB LEKHABU (THE BOOK OF JOB) 5:2

Lunginsenna chun mi invêt chu a sukhlumin, Îtthîkna chun mi intlâw chu a that hlak si a.

THUVARHAI 10:12

Theidana chun inkhingna a chawk suok a, Hmangaina ruok chun bawsietna po po ân khum hmang.

THUVARHAI 12:17

Thutak sâksuok hlaktu chun felna chu ân entir a, Hrepuitu inkhêl ruok chun hlêmna ân entir hlak.

THUVARHAI 14:33

Varna chu mi hrietthiemna neitu lungrila chun a chêng a, Invêthai lungrila um ruok chu ân hrietsa zing a nih.

THUVARHAI 16:22

Hrietthiemna hi a neitu ta ding chun hringna tuihnâr a na; Invêthai inchûktirna ruok chu an invêtna a nih.

THUVARHAI 17:9

Bawsietna inkhumtu chun hmangaina a zawng a, Thil hril hriltu ruok chun ṭhien bul a ṭhe.

THUVARHAI 25:28

Mi a lungril vêng ṭhatna neilo chu, Khawpui chim tahnung, kul bang khawm nei lo ang chu a nih.

THUVARHAI 27:3

Lung chu a rik a, phaiphin chu a khîn a; Amiruokchu, mi invêt lunginsenna chu a ieng lem lem nêk khawm chun a rik lem.

THUVARHAI 29:11

Mi invêt chun a lunginsenna thu po po a sâksuok hlak a, Mi var ruok chun a kawl tlat a, a sukdei hlak.

JAKOB 1:19

Unau dittakhai, chuong chu in hriet; nisienlakhawm, mi tinin ngai inchu sienla, thu hril inchu lovin, lungril sukuoi raw se;