THUVARHAI 11:31 - Pathien Lekhabu Inthieng (BSI)

³¹ Ngai ta, mi fel chu hnuoia hin thung nîng a ta, Mi suol le mi khawhlohai khawm chu thung an va ni nasa awm de!

THUVARHAI 11:31 ပူးပေါင်းရင်းမြစ်များ

2 SAMUEL 22:21

Lalpa chun ka felzie ang peiin ka chungah a thaw a, Ka kuthai ân thieng ang ngeiin a mi thung a nih.

2 SAMUEL 22:25

Chuleiin, Lalpa chun ka felzie ang peiin a mi lo thung ta a; A mithmua kân thiengzie ang peiin.

1 LALHAI 13:24

Chun, a fe chu lampuia chun sakeibaknei le an intuok ta a; a lo se ta a; a ruong chu lampuia chun inthal dêr hin a um a, sabengtung chu a kâwla chun a ngîr a, sakeibaknei khawm chu ruong bula chun a ngîr ve zing a.

THUVARHAI 12:1

Inchûktirna ngainatu chun hrietna a ngaina a, Kâwkna theidatu ruok chu intlaw a nih.

THUVARHAI 13:21

Thil ṭha naw chun mi suolhai chu a hnawt pei a, Mi fel ruok chu thil ṭhaa thung nîng a tih.

THUVARHAI 26:10

Mi inlawn mei meihai ruoitu le, mi invêt ruoitu chu, Thal kâptu mi po po sukhliemtu ang chu a nih.

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawng uongna chu sukbo ka ta, mi ṭium chapona chu sukhnuoi bawk ka tih.

ISAI 3:11

Mi suol chung chu a rik de! An la se ding a nih; an kuta thilthaw thungna chu an kuoma pêk a la ni ding a ni si a.

JEREMIA 25:29

Ngai ta, ka hming chawia khawpui inbûka uma chun thil ṭha naw ka thaw ṭan ta si a, hrem dêr lovin in um ding maw? Hrem lo ni naw ti niu; hnuoi hluotuhai po po chunga chun kâwlhnâm kân lêngtir ding a ni si a, sipaihai Lalpa chun a tih.

EZEKIEL 44:10

Nisienlakhawm, Israelhai, an milimhai hnawta an invâk hmang laia keimaa inthawka hlataka fe tahai Levi mihai chun anni suolna chu phur an tih.

HOSEA 4:9

A mipui ni leh, a thiempu ni leh angkhat nîng an tih, An lampuihai lei chun anni chu hrem ka ta, An thilthawhai chu thung ka tih.