THUVARHAI 11:20 - Pathien Lekhabu Inthieng (BSI)

²⁰ Lungrila khêlinhliphai chu Lalpa ta dingin tirdakum an na, An lampuia fel famkimhai ruok chu a lâwm zâwng an nih.

THUVARHAI 11:20 ပူးပေါင်းရင်းမြစ်များ

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân ta a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

INPÂKNA HLABU 101:4

Lungril kâwmâw chun mi mâksan a ta, Thil suol hrim hrim hre naw ningah.

INPÂKNA HLABU 11:7

Lalpa chu a fel si a, felna hi a ngaina hlak, Mi indiktakhai chun a hmêl la hmûng an tih.

INPÂKNA HLABU 119:1

Kawnglama mi ṭha famkimhai chu an hamṭha ie, Lalpa dân hrawtuhai chu.

INPÂKNA HLABU 140:13

Matheilovin mi felhai chun i hming inpâk an ta, Mi indikhai chu i hmaah um an tih.

INPÂKNA HLABU 51:6

Ngai ta, sûngril tiengahai hin takna i dit hlak a, Chuongchun, ân lang naw tienga hin varna mîn hriettir i tih.

THUVARHAI 11:21

Mi rilo chu hrem naw ni naw ni, Mi fel thla ruok chu sanhim nîng a tih.

THUVARHAI 12:22

Hmûr khêlinhliphai chu Lalpa ta dingin tirdakum an na, Indiktaka thawtuhai ruok chu a lâwmna an ni hlak.

THUVARHAI 13:6

Kawnglama mi tluong chu felnain ama a vêng a, Khawhlona ruok chun mi suol chu a buon thlûk.

THUVARHAI 14:9

Mi suol chun suolna chu an nuisan a, Mi tluonghai laia ruok chun Pathien ditsakna chu a um.

THUVARHAI 15:26

Remruotna rilohai hi Lalpa ta dingin tirdakum a na, Thu lâwmumhai ruok chu ân thieng.

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

THUVARHAI 16:17

Mi tluong lamtluongpui chu rîtlonaa inthawka fe hmang hi a na; Mi a lampui vêng ṭhatu chun a lungril chu a vawng ṭha.

THUVARHAI 21:29

Mi khawhlo chun a hmai a sukngar a, Mi tluong ruok chun a lampuihai a rêl fel.

THUVARHAI 3:32

Khêlinhlipna hi Lalpa ngaia chun tirdakum a ni si a. A thurâwn ruok chu mi tluong kuomah a um.

THUVARHAI 6:14

A lungrila chun kâwmâwna a um a, thilsuol a rawt suok rawp a, Indarna a tu hlak.

THUVARHAI 8:13

Lalpa ṭi chu suolna theidana ding a na, Chapona le, insuklienna le rîtlona kawng leh, Bau chapo hi ka theida a nih.

THUVARHAI 9:7

Hmusittu siemṭhatu chun inzakna a hmu hlak a; Mi khawhlo kâwktu chun kut thlâkna a tuok hlak.