THUVARHAI 10:9 - Pathien Lekhabu Inthieng (BSI)

⁹ Mi tluongtaka fe chu ngamtakin a fe a, A lampuihai pêtsantu ruok chu hriet nîng a tih.

THUVARHAI 10:9 ပူးပေါင်းရင်းမြစ်များ

INṬANNA 17:1

Chun, Abram chu kum sawmkuo pakuo mi a niin Lalpa chu Abram kuomah a hung inlâr a, a kuomah, “Kei Pathien Iengkimthawthei ka nih, ka hmaah um la, ṭha famkimin um rawh.

JOB LEKHABU (THE BOOK OF JOB) 8:20

Ngai ta, Pathien chun mi fel chu pei thla naw ni a, Thil suol thawtu chu tungding bawk naw ni.

INPÂKNA HLABU 23:4

Anih, thina hlim varuom hraw lang khawm, Thil ṭha naw hrim hrim ṭi naw ningah, nang ka kuomah i um si a: I hembâwk le i hmawlin a mi thlamuon hlak a nih.

INPÂKNA HLABU 25:21

Lungril ṭhatna le indiknain mi vawng ṭha zing raw se. Ka nghâk zing si che a.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

THUVARHAI 17:20

Lungril chapo neitu chun thil ṭha a hmu ngai naw a, Lei khêlinhlip neitu chu pawitâwknaah a tlu lût hlak.

THUVARHAI 26:26

A theidana chu ama le ama vervêknain inkhum sien khawm, A suolna chu mipui hmaa phuongphotaka inentir nîng a tih.

THUVARHAI 28:1

Mi suol chu tukhawm ihnawt naw khawmin a tlânsie a, Mi felhai ruok chu sakeibaknei angin an huoi.

THUVARHAI 28:18

Tukhawm tluongtaka fe mi chu sanhim nîng an ta, A lampuihaia pêthmangtu ruok chu, kârlovin tlu nghâl a tih.

THUVARHAI 3:23

Chun, i lampuiah himtakin fe tâng i ta, I ke khawm insui ta naw nih.

MATTHAI 10:26

“Chuongchun, anni chu ṭi naw unla; inlang lo dinga thup hmang iengkhawm a um si naw a; hriet naw dinga ip iengkhawm a um bawk nawh.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

1 TIMOTHE 5:25

Chuong ang bawkin thil thaw ṭhat ân lang zing chi a um a, chuong ang nawhai khawm chu thup thei a ni nawh.