THUVARHAI 1:28 - Pathien Lekhabu Inthieng (BSI)

²⁸ Chun, kei chu mi hung ko an ta, nisienlakhawm, dawn naw ningah; Nguntakin mi hung zawng an ta, nisienlakhawm, mi hmu naw hi hai.

THUVARHAI 1:28 ပူးပေါင်းရင်းမြစ်များ

INṬANNA 6:3

Chun, Lalpa chun, “Ka thlarau chu thi thei mihriema chun chêng kumkhuo naw nih; anni chu tisa el an ni si a, chuongchun, an dam sûng kum khawm kum za le sawmhni ni raw se,” a ta.

JOB LEKHABU (THE BOOK OF JOB) 27:9

Pathien chun a khêkri chu a ngai ding am a ni, A chunga buoina a hung tlung pha chun?

JOB LEKHABU (THE BOOK OF JOB) 35:12

Chutaka chun an khêk a, nisienlakhawm, tukhawmin dawnna an pêk nawh, Mi suolhai chapona lei chun.

INPÂKNA HLABU 18:41

Anni chu an khêk a, nisienlakhawm, sandamtu ding tukhawm an um si nawh, Lalpa ngei chu an ko va, nisienlakhawm, a dawn si nawh.

INPÂKNA HLABU 18:42

Chu phingleh, pilvut thli ilên ang el hin ka vuok nâwi neng a, Tuollaia chirhak ang el hin ka peihâwn ta a.

INPÂKNA HLABU 66:18

Ka lungrila suolna ka ngaisak chun, Lalpa chun mi ngaisak naw nih.

THUVARHAI 15:29

Mi khawhlova inthawkin Lalpa chu a hla a, Mi fel ṭawngṭâina ruok chu a hriet hlak.

THUVARHAI 8:17

A mi hmangaituhai chu ka hmangai ve a, Chun, nguntaka a mi zawngtuhai chun mi hmu suok bawk an tih.

HLAHAI HLA 5:6

Ka hmangaitak chu ka hawngpêk a; Nisienlakhawm, ka hmangaitak chu a lo intâwlhmang a, a lo fe hmang ta a, Thu a hung hril lai khan ka thlain a mîn âwimâwtir a; Ama chu ka zawng a, anachu ka hmu naw a; Ama chu ka ko a, anachu a mi dawn nawh.

ISAI 1:15

Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip si a.

JEREMIA 11:11

Chuleiin, Lalpa chun hieng hin a tih: Ngai ta, an chungah thil ṭha naw, an pumpel thei dêr lo ding chu ka hung intlungtir ding a nih; ka kuomah hung khêk an ta, nisienlakhawm, anni chu lo ngai naw ning ah.

JEREMIA 14:12

Bu an nghei pha khawm, an khêkri chu ngai naw ning a; inthâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwlhnâm le, ṭâm le hripuiin sukbohmang lem ka tih” a ta.

EZEKIEL 8:18

Chuleiin, kei khawma lunginsenin thaw vêng ka ta, ka mitin anni chu hla naw ni a, lunginsietna nei bawk naw ning; ka naa chun râwl inringtakin hung khêk hai sien khawm, anni chu lo ngai naw ning,” tiin.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

HOSEA 5:6

An berâm ruolhai le an bâwng ruolhai leh, Lalpa zawng dingin fêng an ta; Nisienlakhawm, ama chu hmu nâwng an tih, An kuoma inthawkin ân siekieng ta a nih.

AMOS 8:12

Lalpa thu hre châka zawngin, tuipuia inthawka tuipui dangah, Hmartienga inthawkin saktieng tlânvêl an ta, nisienlakhawm, hmu naw ni hai.

MIKA 3:4

Chu pha chun Lalpa chu ko an ta, nisienlakhawm, anni chu dawn naw nih: anih, chu pha chun an thil thawah an thaw ṭhat nawzie ang peiin, an kuom tieng a hmai thup a tih.

ZEKARIA 7:13

Chun, ama a khêk laiin an ngai naw a; chuongchun, anni chu khêk an ta, kei khawma ngai naw ningah, sipaihai Lalpa chun a tih.

DÂN PAHNINA 1:45

Chun, in hung kîr nâwk a, Lalpa hmaah in ṭap a; nisienlakhawm, Lalpa chun in râwl chu a ngai nuom naw a, a na khawm a hung sit nuom nawh.

JAKOB 4:3

in hni a, in hni indik naw leiin in hmu nawh, in inhawitirna dingin hmang in tum si a.

1 SAMUEL 8:18

Chun, chu nia chun in la thlang ding in lal lei chun la khêk suok in ta, nisienlakhawm, chu nia chun Lalpain dawn naw ni cheu,” a ta.