THUHRILTU 9:9 - Pathien Lekhabu Inthieng (BSI)

⁹ Nisa hnuoia a pêk che i teplo dam sûng nihai po poah nuhmei i hmangai le chun hlimtakin um rawh; chu chu nisa hnuoia i sininrimnaa le i dam sûnga i chan a nih.

THUHRILTU 9:9 ပူးပေါင်းရင်းမြစ်များ

INṬANNA 26:8

Chutaka chun sâwttak a um hnungin, Philistin mihai lal Abimelek chun tukvera inthawkin a hei thlîr a; chun, ngai ta, Isak chun a nuhmei Rebeka chu ân saipui lai a hei hmu a.

INPÂKNA HLABU 144:4

Mihriem hi iengkhawm ni lo ang a na, A dam sûng nihai chu hlim inhmang hlak ang hi a nih.

INPÂKNA HLABU 39:5

Ngai ta, ka dam chen hi kutpha bawk chen chauin i siem a, Ka kum hi i mithmua chun ieng khawp khawm a ni naw a; Mi tin an ṭhat lai tak khawmin an pumin iengkhawm an ni nawh.

THUVARHAI 18:22

Tukhawm nuhmei hmutu chun thil ṭha a hmu a nih, Lalpa ditsakna khawm a chang a nih.

THUVARHAI 19:14

In le hausaknahai hi thlatuhaia inthawka rochan an na, Nuhmei var ruok hi chu Lalpaa inthawk a nih.

THUHRILTU 2:10

Chun, ka mithaiin a châk taphawthai chu, chuonga inthawk chun kân sûm naw a, hlimna ienga inthawk khawmin ka lungril chu kân sûm ngai naw a, ka sininrimna po poa chun ka lungril chu a hlim a; ka sininrimna po poah hi hi ka chanpuol a nih.

THUHRILTU 2:24

Miin a sinthaw inrimnaah a lungril a sininrimna a dâwn a, a fâk nêka ṭha lem, mi ta dingin ieng dang khawm a um nawh. Hi khawm hi ka hmu ta a, Pathien kuta inthawk bawk a nih.

THUHRILTU 3:13

Chun, mi tinin a sinthaw inrimna po poa thil ṭha a chêna, a dâwna a fâk chu Pathien thilthlâwnpêk a nih.

THUHRILTU 3:22

Chuleiin, miin a sinthawhaia a hlim nêka ṭha lem iengkhawm ka hmu nawh; chu chu ama chanpuol a na, ama hnunga thil hung um dinghai chu hmu dingin tuin am ama chu hung ṭhuoi kîr tâng a ti leh?

THUHRILTU 5:18

Ngai ta u, mi ta dinga ditum le ṭha âwma ka hmu chu, Pathienin ama a ipêk a dam sûng po poa, nisa hnuoia a sininrimna, a sininrimna po poa chun thil ṭha chu chên a, dâwna fâk hi a nih; chu chu ama chanpuol a ni si a.

THUHRILTU 6:12

A dam sûnga dingin tuin am mihriem ta dinga thil ṭha chu a hriet a, a dam sûng teplo nihai po po chu hlim angin a hmangral el a ni naw maw? Nisa hnuoia hin ama hnungah ieng am a hung um ding tuin am mi a hril thei a?

THUHRILTU 7:15

Ka teplo nihaia chun hi po hi ka hmu ta a; mi fel ama felnaa thi bohmang chu a um a; mi rilo a thil suol thaw pum zinga dam sâwt hrep chu a um bawk a.

MALAKI 2:15

Chun, hringna chi chu a nei leiin, ama chun pakhatah a siem a ni naw am a nih? Ieng leia pakhata siem am a na? Pathien chi chu a zawng a nih. Chuleiin, in thlaraua chun fîmkhur unla mi tukhawma a tleirâwl nuhmei chu khawhlotakin thaw naw raw se.