THUHRILTU 9:3 - Pathien Lekhabu Inthieng (BSI)

³ Nisa hnuoia thawa um po po lai hi hi thil suol a nih: mi po po chunga thiltlung hmunkhat vawng a ni hi; anih, mihriem nauhai lungril chu thil ṭha nawa sip a na, an dam lai chun an lungrila chun invêtna a um a, chu hnung hlak chun mithi kuomah an fê ta a.

THUHRILTU 9:3 ပူးပေါင်းရင်းမြစ်များ

INṬANNA 6:5

Chun, Lalpa chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

INṬANNA 8:21

Chun, Lalpain riminhnik chu a hriet a; chun, Lalpa chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol si a; tuta ka hrem ang hin thilsiem hringna nei tinrêng chu hrem nâwk ta ngai nâwng ka tih.

JOB LEKHABU (THE BOOK OF JOB) 15:16

Mî, khawhlona tui anga dâwntu chu, Tirdak a va umin a va pawrche zuol âwm de!

JOB LEKHABU (THE BOOK OF JOB) 21:26

Pilvuta chun angkhat charin an zâl vê ve a, Anni chu ngehai chun ân khum a nih.

JOB LEKHABU (THE BOOK OF JOB) 9:22

A rêngin angkhat vawng a nih; chu lei chun annâwm, ‘Ama chun mi tluong le mi khawhlo khawm chu a suksiet ve ve,’ ka ti chu.

INPÂKNA HLABU 51:5

Ngai ta, rîtlonaa inngîrin ka um a, Ka nuin suolin a mi vawn a,

INPÂKNA HLABU 64:7

Nisienlakhawm, Pathien chun anni kâp a ta, Kârlova thala inhliemin um an tih.

THUVARHAI 14:32

Mi khawhlo chu a thilthaw rilova chun sukthlûkin a um a, Mi fel ruok chun a thinaa chun beiseina a nei hlak.

THUHRILTU 1:17

Chun, intlâwkna le invêtna hre dingin le, varna chu hre dingin ka lungril ka sêng a; hi khawm hi nuomhmanglo el a niin ka hriet ta a.

THUHRILTU 12:7

pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.

THUHRILTU 2:14

Mi var mithai chu a lua chun a um a, mi invêt ruok chu inthimah a lâwn; amiruokchu, an rênga chungah khawrêl angkhat a tlung tho ti ka hmu a.

THUHRILTU 7:2

Ruoiṭhena ina fe nêkin, lusûnna ina fe chu a ṭha lem; Chu chu mi po po tâwpna a ni si a: Mi dam chun a lungrilah sie tlat a tih.

THUHRILTU 7:25

Ka ngha kîr a, ka lungril chun, hre ding le, zawng ding le, varna zawng suok dingin le; rîtlona hi invêtna a nih ti hre ding le, invêtna chu intlâwkna a nih ti hre dingin ka thlîr vêl a.

THUHRILTU 8:11

Sin ṭha naw chunga thu rêl thlûk chu inrangtaka suksuok a ni ngai naw a, chuleichun, mihriemhai naupasalhai chun thil suol thaw dingin an lungril chun a tin rân hlak a nih.

THUHRILTU 9:11

Ka thlîr nâwk a, nisa hnuoia chun intlânsiekna chu a hrâthai ta ding chau a ni naw a, indona chu a hrâthai ta ding chau a ni naw a, bei chu mi varhai ta ding chau a ni naw a, hausakna chu hrietthiemna nei mihai ta ding chau a ni naw a, ditsakna chu themthiemhai ta ding chau a ni nawh; amiruokchu, hun le remchâng chu an rênga kuomah a tlung seng a ni lem ti ka hmu a.

THUHRILTU 9:2

Thil po po chu mi po po chungah angkhatin a hung tlung vawng a; mi fel le mi rilo chunga thil tlung khawm thuhmun a nih, mi ṭha le mi suol, mi inthieng le mi inthieng naw chunga khawm; inthâwi hlak le inthâwi ngailo mi chunga khawm; mi ṭha chunga ang bawkin mi suol chunga khawm a nih, inkhâmtu chunga ang bawkin inkhâmna ṭitu chunga khawm chun.

THUHRILTU 9:4

Mi hring rama la um ta ding chun beiseina a um a; sakeibaknei thi nêk chun ui hring chu a ṭha lem.

JEREMIA 16:12

in thlatuhai nêk hman chun thil suol in thaw lem a, ngai ta u, mi tin el chu mâni lungril ngarna ang peia fein, keia thu chu in ngai ta naw a;

JEREMIA 17:10

Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 17:9

Thil po po nêkin lungril hi ân khêl a; a se bik rieu a; tuin am hre thei a ta?

LUKA 15:17

“Chun, ân hriet suok phingleh, ‘Ka pa kuoma inhlâwfahai bu fâk sêng lova nei an tam vei leh, kei hlak chu hitaka hin phîngṭâmin ka thi ding a ni si a!

LUKA 6:11

Chuongchun, an lungsen chun an puokkawi vâng vâng a, Isu chunga an thaw dân ding an inrâwn a.

THILTHAWHAI 12:23

Ama chun Pathien kuomah chawimawina chu a pêk naw leiin kârlovin Lalpa vântirkoin a man a, rulrukûtin a fâk a, a thi ta a.

THILTHAWHAI 26:11

Chun, inkhâwmna in tinah ka hrem rawp hlak a, Pathien inhrilsiettir ka tum hrâm hlak a; an chungah ka rilo bêk bêk a, ram dang khuo chena khawm ka suknawmna hlak a.

THILTHAWHAI 26:24

Chun, chuong anga a thiemna thu a hril laiin, Festa chun rawl inringtakin, “Paula, în vêt a nih, în chûk tamin a sukvêt che a nih,” a ta.

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni si a.

2 PETER 2:16

Nisienlakhawm, ama chu a bawsietna leiin kâwkin a um ta a; Sabengtung ṭawng thei naw chu mihriem ṭawngin a hung ṭawng a, zâwlnei invêtna chu a khap a nih.