THUHRILTU 9:16 - Pathien Lekhabu Inthieng (BSI)

¹⁶ Chun, kei chun, “Hrâtna nêkin varna hi a ṭha lem a ni hi, mi pasetak varna chu hmusit niin, a thuhai chu ngaisak ni naw sien khawm,” ka ti a.

THUHRILTU 9:16 ပူးပေါင်းရင်းမြစ်များ

THUVARHAI 10:15

Mi hausa hausakna chu a khawpui det a na, Mi pasie suksietna ruok chu an pasietna a nih.

THUVARHAI 21:22

Mi var chun mi hrât khawpui chu ân khi a, Chutaka inringzona hrâtna chu a sukhnuoi hlak.

THUVARHAI 24:5

Mi var chu a hrât a nih; Anih, hrietna nei mi chun hrâtna a sukpung hlak.

THUVARHAI 8:14

Thurâwnna chu ka ta a na, hrietna hrisêl leh, Hrethiemin ka um a, thilthawtheina ka nei a nih.

THUHRILTU 10:10

Thîr chu a mâwla, miin a sîr chu a tâtngei naw chun, Hrâtna tam lem a hmang a ṭûl a; Nisienlakhawm, hlawtlingna ding chun varna a ṭhangkai.

THUHRILTU 7:12

Tangka chu inhliekhuna a ni ang bawkin varna khawm chu inhliekhuna a na; Hrietna ṭhatna chu: varna neitu hringna chu a vawng himpêk a nih.

THUHRILTU 7:19

Varna chu mi var ta ding chun khawpuia rorêltu sâwm umhai nêk chun hrâtna a ni lem.

THUHRILTU 9:18

Varna chu indona thuomhnawhai nêkin a ṭha lem a; amiruokchu, mi suol pakhat khawma nasatakin a suksiet a nih.