THUHRILTU 9:12 - Pathien Lekhabu Inthieng (BSI)

¹² Mihriem chun a hun chu a hrietthiem naw a; ngahai chu lên ṭiuma mana an um ang le, vatehai chu chânga an âwk angin chuong ang bawk chun, an chunga a hung tlung thut pha chun mihriem nauhai khawm chu hun ṭha nawa chun âwkin an um hlak a nih.

THUHRILTU 9:12 ပူးပေါင်းရင်းမြစ်များ

1 THESSALONIKA 5:3

“Muongna le himna,” tia an hril lai takin, nuhmei nauhase angin kârlovin an chungah bohmangna hung tlung a tih, pumpel naw tawp an tih.

THUVARHAI 29:6

Mi suol bawsietnaa hin châng a um a, Mi fel ruok chun hla a sak a, a hlim hlak.

2 TIMOTHE 2:26

Pathien dit zâwng thaw dingin Lalpa suoka manin, Diebol chânga inthawkin an suok thei hlau rawi mawh.

2 KORINTH 6:2

“Hun lâwmumah ka ngaithlâk che a, Sandamna niah ka ṭhangpui che,” a ti si a. Ngai ta u, tu hi hun lâwmum chu a na; ngai ta u, tu hi sandamna ni chu a nih.

THUVARHAI 6:15

Chu huna chun sietna hung tlung thut a ta, Mitkhap kâr lovin, siemṭhat ruollo sietna tlung a tih.

2 PETER 2:12

Nisienlakhawm, hieng thilhring, ngaituona nei naw, mana sukbohmang dinga sa chaua pienghai ang hin, thil an hriet nawhai chu hrilsein; anni sietnain se ngei an tih.

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.

LUKA 12:39

Amiruokchu, hi hi hre ro, inru a hung ding hun in neitu chun hre sienla, vêng a ta, a in inverpawptir naw ni.

LUKA 12:20

Nisienlakhawm, Pathienin a kuomah, ‘Invêt, vawizân hin i thlarau an hni ding che a nih; i thil suksuokhai kha tû ta am ni tâng a ta le?’ ” a ta.

ISAI 30:13

hi khawhlona hi nangni ta ding chun lung bang insângtak a se lai, chim vâng vâng, pâwng pûr, kârlova, mitkhapkârlova se rup ding ang hi a ni ding a nih.

THUHRILTU 8:11

Sin ṭha naw chunga thu rêl thlûk chu inrangtaka suksuok a ni ngai naw a, chuleichun, mihriemhai naupasalhai chun thil suol thaw dingin an lungril chun a tin rân hlak a nih.

INPÂKNA HLABU 11:6

Mi rilohai chunga chun chânghai insûrtir a ta, Mei le kât le thil lumtak chu an no chan ding nîng a tih.

THUHRILTU 3:19

Chu thil mihriem nauhai chunga tlung chu ramsahai chunga khawm a tlung si a; pakhat a thi angin a dang khawm chu an thi a. Thuok angkhat nei seng an ni a, mihriem chun ramsahai nêka chunghnungbîkna a nei nawh; thil po po chu teplo el a ni si a.

THUHRILTU 9:13

Hieng ang kawng bawka hin nisa hnuoia chun varna chu a hmu a, ka ta ding chun ropuitakin ân lang a.

ISAI 24:18

Chuongchun, ṭitum ria inthawka tlânhmang chu khura chun tlâng a ta; khur sûnga inthawka hung suok chu chângah âwk a tih; chungtienga tukverhai chu hawngin a um si a; leihnuoi innghatsan chu ân hnîng bawk a nih.

HOSEA 9:8

Ephraim râl vêngtu chu ka Pathien kuoma um a na, Zâwlnei hlak chu a lampui intluonin chângkamtu châng kam a um a; A Pathien ina khawm intaina a um.

THUVARHAI 24:22

An lunginzîngna chu kârlovin a ṭuong ding a ni si a; Anni ve ve bohmangna chu tuin am hrieng a ta?

THUHRILTU 8:8

Thlarau chu chel dingin, thlarau chunga thuneina nei mihriem an um nawh; thi ni chunga khawm chun thuneina an nei bawk nawh; chun, indonaa chun châwl a um bawk nawh; chu chu kuoma pêka um ta chu rîtlona chun ama rîtlona chu sansuok naw nih.

EZEKIEL 32:3

Lalpa Pathien chun hieng hin a ti a nih: Mipui tamtakhai le chun i chungah ka lên hung keiphar kan ta, Ka lêna chun hung fûn dawk kan ti che.

HOSEA 7:12

An fe chu an chungah ka lên hei dêng ka ta, Chunglêng vate man angin man ka tih; An thil suol thaw ang huin anni hrem ka tih.