THUHRILTU 8:10 - Pathien Lekhabu Inthieng (BSI)

¹⁰ Chun, mi rilo chu phûma a um ka hmu a, thlâna chun an hung a; chuong thil thaw diktuhai chu hmun inthienga inthawk chun an fê hmang a, khawpuia chun anni chu theinghil an ni ta a; hi khawm hi teplo bawk a nih.

THUHRILTU 8:10 ပူးပေါင်းရင်းမြစ်များ

THUHRILTU 9:5

Mi hring chun an la thi ding a nih ti an inhriet si a; mi thi ruok chun iengkhawm an hriet nawh, lâwmna iengkhawm an nei ta naw bawk a, anni chu hriet zing an ni ta bawk nawh.

THUHRILTU 2:16

Mi invêt ang thoin mi var khawm chu kum khuoa hriet zingna um naw nih. Mi invêt ang bawka mi var khawm chu a thi ngei dingzie chu aw!

THUVARHAI 10:7

Mi indik hriet zingna chu malsâwmin a um a, Mi khawhlo hming ruok chu thâm hmang a tih.

HEBRAIHAI 10:38

Nisienlakhawm, ka mi fel chu Ringnain hring a tih; A hnungtawl ruok chun, Ka lungrilin amaa chun lâwmna hrim nei naw ni,”

THILTHAWHAI 6:13

Chun, hretu tehlêmhai an siem a, chuhai chun, “Hi mipa hin In Inthieng le Dân hi a hrilsiet rawp hlak a;

LUKA 16:22

Chun, hieng ang hi a na, kutdaw chu a thi a, vântirkohaiin an fepui a, Abraham ângsûngah an sie a. Mi hausa khawm chu a thi a, phûmin a um ta a.

JEREMIA 17:13

Aw Lalpa, Israel beisei, nangma nghatsantuhai che chu inzak an tih; nangma mâksantuhai chu, Lalpa, tuihring tuikhur chu an nghatsan tâk leiin hnuoia chun ziek nîng an tih.

THUHRILTU 1:11

Hi hma thilhai hriet zingna a um naw a, La hung um ding thilhai khawm chu Suon hung um dinghai laia tukhawmin hre zing chuong naw nih.

INPÂKNA HLABU 31:12

Mi thi an theinghil ang taka theinghilin ka um a, Bêl kawi ang el ka hung ni ta a.

JOB LEKHABU (THE BOOK OF JOB) 21:18

Thli hmaa pâwl kûng ang el an na, Busi thliin a lên hmang hlak ang chu an nih.

THUHRILTU 9:15

Chun, a sûnga chun mi var pasetak hi a um a, a varna chun khawpui chu a sansuok ta a; amiruokchu, chu mi pasetak chu tukhawma an hriet zing naw a.