THUHRILTU 7:2 - Pathien Lekhabu Inthieng (BSI)

² Ruoiṭhena ina fe nêkin, lusûnna ina fe chu a ṭha lem; Chu chu mi po po tâwpna a ni si a: Mi dam chun a lungrilah sie tlat a tih.

THUHRILTU 7:2 ပူးပေါင်းရင်းမြစ်များ

INPÂKNA HLABU 90:12

Kan dam sûng nihai tiem dân ding mîn chûktir la, Varna lungril kan nei pha hielna dingin.

THUHRILTU 2:14

Mi var mithai chu a lua chun a um a, mi invêt ruok chu inthimah a lâwn; amiruokchu, an rênga chungah khawrêl angkhat a tlung tho ti ka hmu a.

THUHRILTU 2:16

Mi invêt ang thoin mi var khawm chu kum khuoa hriet zingna um naw nih. Mi invêt ang bawka mi var khawm chu a thi ngei dingzie chu aw!

THUHRILTU 3:19

Chu thil mihriem nauhai chunga tlung chu ramsahai chunga khawm a tlung si a; pakhat a thi angin a dang khawm chu an thi a. Thuok angkhat nei seng an ni a, mihriem chun ramsahai nêka chunghnungbîkna a nei nawh; thil po po chu teplo el a ni si a.

THUHRILTU 3:20

An rêngin hmun pakhatah an fe a; an rêngin pilvuta inthawk an na, an rêngin pilvut an inchang nâwk a.

THUHRILTU 6:6

Anih, kum sâng vawi hni dam sienla, thil ṭha a chang chuong naw chun, mi po po thuhmun vawng an ni naw am a nih?

THUHRILTU 9:2

Thil po po chu mi po po chungah angkhatin a hung tlung vawng a; mi fel le mi rilo chunga thil tlung khawm thuhmun a nih, mi ṭha le mi suol, mi inthieng le mi inthieng naw chunga khawm; inthâwi hlak le inthâwi ngailo mi chunga khawm; mi ṭha chunga ang bawkin mi suol chunga khawm a nih, inkhâmtu chunga ang bawkin inkhâmna ṭitu chunga khawm chun.

THUHRILTU 9:3

Nisa hnuoia thawa um po po lai hi hi thil suol a nih: mi po po chunga thiltlung hmunkhat vawng a ni hi; anih, mihriem nauhai lungril chu thil ṭha nawa sip a na, an dam lai chun an lungrila chun invêtna a um a, chu hnung hlak chun mithi kuomah an fê ta a.

THUHRILTU 9:5

Mi hring chun an la thi ding a nih ti an inhriet si a; mi thi ruok chun iengkhawm an hriet nawh, lâwmna iengkhawm an nei ta naw bawk a, anni chu hriet zing an ni ta bawk nawh.

ISAI 47:7

Chun, “Kei hi kumkhuoin lalnuah um ka tih,” i ti a; chuongchun, chuong thilhai chu i lungrilin i ngaituo naw a, a tâwpna ding hlak chu i hriet zing bawk naw a.

JEREMIA 16:8

Anni le ṭhunga, faa, dâwn dingin ruoiṭhena inah i fe ding a ni nawh.

HAGGAI 1:5

Chuleiin, tuhin sipaihai Lalpa chun hieng hin a tih, “In lampuihai chu ngaituo ro.

MALAKI 2:2

In ngai a, ka hming sukropui dinga, in lungrila in sie tlat naw chun, Sipaihai Lalpa chun hieng hin a tih, in chunga chun ṭawngsie hung tir ka ta, in malsâwmnahai chu ṭawngsie inphur ka tih; anih, lungrila in sie tlat naw leiin, ṭawngsie kân phur nghâl tah a nih.

NAMBAR 23:10

Jakobrawi pilvut zât hiel chu tuin am tiem thei a ta? Israelhai hmun lia ṭhea hmun khat chu tuin am tiem thei a ta? Mi fel thi angin thi ve thei lang, Ka tâwpna chu a tâwpna ang ni sien,” a ta.

MATTHAI 5:4

“Thlainvaihai chu an hamṭha; thlamuongin an la um ding a ni si a.

DÂN PAHNINA 32:29

Var hai sien chu hieng hi hrethiem an ta, An tâwpna ding an ngaituo thiem ding bah.

DÂN PAHNINA 32:46

“Tuta in kuoma ka thu inhriettira cheu hin, in lungril innghat tlat unla, hieng dân thuhai po po hi fîmkhurtaka zâwm dingin in nauhai chu thu pe ro.

PHILIPPI 3:19

Chuonghai tâwpna chu bohmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.

HEBRAIHAI 9:27

Chun, mihriem ta dingin vawi khat thi ruot a nih, chu hnunga chun rorêlna um a tih;