THUHRILTU 7:1 - Pathien Lekhabu Inthieng (BSI)

¹ Hming ṭhat chu hriek hlutak nêkin a ṭha lem a; Mi a thi ni chu a pieng ni nêkin a ṭha lem bawk.

THUHRILTU 7:1 ပူးပေါင်းရင်းမြစ်များ

JOB LEKHABU (THE BOOK OF JOB) 3:17

Chutaka chun mi rilo chun a sukbuoina chu ma tâng a ta, Chutaka chun rimsi chu sâwldam tâng a tih.

INPÂKNA HLABU 133:2

Lua hriek hlutak, Khâkhmula luong thla, Aron khâkhmul ngeia luong thla a, A zakawfuol hmawra luong thla ang kha a nih.

THUVARHAI 15:30

Mithai varna chun lungril a suklâwm a, Chanchin ṭhahai chun ruhai a suktlawr.

THUVARHAI 22:1

Hausakna nasatakhai nêkin hming ṭha hi thlang lem ding a na, Ditsakna ngainatum chu tangka le rângkachak nêka thlang lem ding a nih.

THUVARHAI 25:10

Chu chu lo hretu chun sukzak rawi a ti che a, I hming sietna chu bo naw hlau rawi a tih.

THUVARHAI 27:9

Hriek le riminhnik hin lungril a suklâwm ang bawkin, Lungril taka inthawka suok ruolpa thurâwn ṭha chun a suklâwm hlak,

THUHRILTU 10:1

Tho thihai chun rim inhnik siemtu hriek chu rim thu an innamsuoktir a. Chuong ang bawk chun, invêtna chite chun varna le inzâkaina chu a suksietpêk.

THUHRILTU 4:2

Chuleiin, mi hring la dam zinghai nêk hmanin, mi thi, thi ta hnunghai chu vângnei lemah ka ngai ta a;

THUHRILTU 7:8

Thil chu a ṭanna nêkin a tâwp chu a ṭha lem a; Lungrila zaidawthei mi chu lungrila chapo nêkin a ṭha lem.

HLAHAI HLA 1:3

I hriekhai chun rim inhnikna tak a nei a; I hming chu hriek bun suok ang a nih; Chuleichun, nunghâkhaiin an hmangai che a nih.

HLAHAI HLA 4:10

I hmangaina chu a vân hawi ngei, ka farnu, ka mo! I hmangaina chu uoin nêkin a va ṭha lem nasa de! Riminhnik chi po pohai nêkin i hriek rim chu a vân hnik ngei!

ISAI 56:5

an kuomah ka in sûnga le ka kul sûnghaia chun naupasalhai le naunuhmeihai neituhai nêk chun hriet zingna ṭha lem le hming ṭha lem pêng ka tih; an kuomah kumkhaw hming, sukbohmang nâwk ta naw ding pêng ka tih.

JONA 4:3

Chuleichun, Aw Lalpa, tuhin ka hringna hi mi lâkpêk el dingin ka ngên che; keia ta ding chun dam nêkin thi a ṭha lem si a,” a ta.

LUKA 10:20

Nisienlakhawm, khawhrihai in thu thua an um leiin lâwm naw ro; vâna in hming ziek a ni leiin lâwm lem ro,” a ta.

JOHAN 13:2

Chun, zânbu fâk laiin, (chu hma khawm chun diebolin Simon naupa Iskariot Juda chu Isu inmantir dingin ân lungriltir a,)

2 KORINTH 5:1

Ei umna hnuoia in hi ṭiek sien khawm, vânah, in kuta bawl lo, kumkhuoa um zing ding, Pathien kuoma in nghet chu ei nei ti ei hriet si a.

2 KORINTH 5:8

muongtakin ei um ka ti a nih, taksaa um lova Lalpa kuoma um ei nuom lem.

HEBRAIHAI 11:2

Chutaka chun upahai khan inpâk an hlaw si a.

HEBRAIHAI 11:39

Chun chuonghai po po chun an ringna leiin inpâk an lo hlawh a, thiltiem chu an chang nawh.

THUPUONGSUO 14:13

Chun, vâna inthawkin rawlin, “Hienghin ziek rawh: Tuta hnung chu mithi, Lalpaa thihai chu, an hamṭha. Thlarau chun, ‘Anih, an sininrimnahai chu châwl san tâng an tih; an thilthawhai chun a hung zui ve ding a ni si a,’ a tih,” a ti ka hriet a.

RUTH 3:14

Chuongchun, zingkâr chenin a ke thluona chun a zâl ta a, chun tukhawm lân hmu chieng thei hmain a tho a; chun, ama chun, “Hrizâwla chun nuhmei chu a hung ti tukhawmin hre naw raw se,” a ti a.