THUHRILTU 6:2 - Pathien Lekhabu Inthieng (BSI)

² Pathienin mi neinungna le hausakna le inzâumna a pêk a, chuongchun, a lungrilin a dit zâwng taphawt chu tlâksam hrim a nei naw a; amiruokchu, Pathien chun chuonghai fâk theina a pêk tlat naw a, amiruokchu, mikhuol chun a fâk ta lem a; hi khawm hi teplo el a na, natna ṭha lo a nih.

THUHRILTU 6:2 ပူးပေါင်းရင်းမြစ်များ

1 LALHAI 3:13

Chun, i hni naw hausakna le ropuina khawm ka pêk bawk che; Chuongchun, i dam sûngin lalhai lai chun nanga ang hrim hrim um naw ni hai.

1 CHANCHIN SUINA 29:25

Chuongchun, Lalpa chun Solomon chu Israel mihai po po mithmua chun nasatakin a chawimawi a; Israel rama ama hmaa lal tukhawm chunga um ngai lo, lal inlalna chu ama chunga chun a pêk a.

1 CHANCHIN SUINA 29:28

Ama chu upatakin, tarkûnin, hausatak le inzaumtakin a thi ta a; chuongchun, a naupa Solomon chun ama aia chun ro a rêl ta a.

2 CHANCHIN SUINA 1:11

Pathien chun Solomon kuomah, “Hi hi i lungrilah a um a, hausaknahai, neinungnahai le inzaumnahai amanih, nangma theidatuhai che hringna amanih, i hni naw a, dam sâwtna khawm i hni bawk naw a, amiruokchu, ka mihai, an chunga lala ka siemnahai che chu ro i rêlpêk theina dinga nangma ta dinga varna le hrietthiem theina i hni lem leiin;

INPÂKNA HLABU 17:14

Aw Lalpa, i kutin mihriemhaia inthawkin, Khawvêl mihriemhaia inthawk hin sanhim la, Anni chanvo chu hi dam sûnga an nei hi a na, An phîng chu i roin i suksippêk hlak a; Nauhai lungawi tâwk zetin an nei a, An sum hmang mahla chu an nautesenhai an thisanpêk hlak.

INPÂKNA HLABU 39:6

Mi tin hi hlim angin an lêng takmeu a, An buoi thlâwn takmeu a nih. Ro ân khâwl khâwm hlak a, a hluotu ding a hriet si naw a.

INPÂKNA HLABU 73:7

Thâu leiin an mit a pâwng a, Lungrila duthusam nêka nasa an nei a.

THUHRILTU 4:4

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmu a. Hi khawm hi teplo el, lungril rimsikna el a nih.

THUHRILTU 4:8

Mi pakhat naupasal amanih, unaupa amanih khawm pakhat khawm nei lo a um a; ana hlak chu, a sininrimna po po chun tâwp hrim a nei naw a, a mithai chu hausaknaa chun a tlai ngai bawk naw a. “Tu ta ding taka hienga mâni inhawitirna chân raka sininrim am ka ni lie?” khawm a ti ngai nawh. Hi khawm hi teplo bawk a nih; anih, tuorna natak a ni chau a nih.

THUHRILTU 5:13

Nisa hnuoia thil ṭha naw lungzingthlâktak ka hmu a um a; chu chu, hausaknahai a neituin ama le ama insuknatna ding chaua a kawl hi a nih;

THUHRILTU 5:16

Chun, hi khawm hi thil ṭha naw lungzingum tak chu a nih, a hung dân ang kawng tinrênga chun; chuong ang bawkin fêng a ta; a lungril sukrim saka a sininrimnaa chun ieng am hlâwkna a hmu leh?

THUHRILTU 5:18

Ngai ta u, mi ta dinga ditum le ṭha âwma ka hmu chu, Pathienin ama a ipêk a dam sûng po poa, nisa hnuoia a sininrimna, a sininrimna po poa chun thil ṭha chu chên a, dâwna fâk hi a nih; chu chu ama chanpuol a ni si a.

THUHRILTU 5:19

Mi tin Pathienin hausakna le neinungna a pêk a, chutaka fâk theina a pêk a, a sininrimnaa chun hlimna a pêk bawk a; hi hi Pathien thilthlâwnpêk a nih.

ISAI 55:2

Bu ni si lovah ieng dinga tangka in sêng am a na? Khawp le tlaina ni si lovah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.

ṬAP HLA 5:2

Kan rochan chu hnam danghai taah ân chang a, Kan inhai chu ram dang mihai kuomah.

DANIEL 5:18

Aw nang lalpa, Achunghnungtak Pathien chun i pa Nebukadnezzar chu ram dâm, ropuina dâm, nasatna dâm, inlalna dâm a pêk a;

HOSEA 7:9

Mikhuolhai chun a hrâtna an fâk zopêk a, Ama chun chu a hriet nawh; Hmul inṭuokin ama chu a bâwm nuol ta a, Ama chun chu a hriet nawh.

DÂN PAHNINA 28:33

In hnuoi râhai le in sin inrim râhai chu in hriet ngai naw hnamin fa zo an tih, nêksâwr ding le suknawmnat ni zawmzat in tih,

DÂN PAHNINA 28:43

Ram dang mi nangni laia umhai chun insâng khal tiel tiel an ti cheu a, nangni ruok chu inhnuoi tiel tiel in tih.

RORELTUHAI 18:10

In hang fe phawt chun râlmuonga um mihai a nih in hang hmu ding, a ram hlak chu a lien si a, Pathienin a pêk ta cheu a nih, hnuoia thil um chu iengkhawm tlâksam hlek lona hmun a nih,” an ti a.