THUHRILTU 5:9 - Pathien Lekhabu Inthieng (BSI)

⁹ Chu nawa khawm leihnuoi hlâwkna chu mi tin ta ding a na, lal khawm chu lohma ring mi tho a nih.

THUHRILTU 5:9 ပူးပေါင်းရင်းမြစ်များ

INPÂKNA HLABU 115:16

Vânhai khi Lalpa vânhai a na, Leihnuoi ruok hi chu mihriem nauhai kuomah a pêk a nih.

THUVARHAI 13:23

Mi pasie hnuoi inletnaa chun bu tamtak a um a, Amiruokchu, remruot fel naw leia suksiet chutaka chun a um.

THUVARHAI 28:19

Ama ram inlettu chun bu tamtak nei a ta, Mi teplo mei meihai zuitu ruok chun, pasietna a huntâwk zet nei a tih.

THUHRILTU 4:8

Mi pakhat naupasal amanih, unaupa amanih khawm pakhat khawm nei lo a um a; ana hlak chu, a sininrimna po po chun tâwp hrim a nei naw a, a mithai chu hausaknaa chun a tlai ngai bawk naw a. “Tu ta ding taka hienga mâni inhawitirna chân raka sininrim am ka ni lie?” khawm a ti ngai nawh. Hi khawm hi teplo bawk a nih; anih, tuorna natak a ni chau a nih.

THUHRILTU 5:10

Tangka ngainatu chu tangkaah lungawi naw ni a; hausakna ngainatu khawm hlâwknaa chun lungawi bawk naw nih: hi khawm hi teplo el a nih.

THUHRILTU 5:8

Mi rimsi chu nêksâwra a um a, rambunga thawluina chun rorêlna le indikna chu lâk hmang i hmu chun, chu thila chun makti naw rawh, hotu insâng chu a nêka insâng lem chun a enthlit zing si a, anni nêka insâng lem khawm chu an la um pei a nih.

THUHRILTU 6:7

Mihriem sininrimna po po chu a bau ta ding a na, amiruokchu, phîngṭâmna chu suksip a ni chuong nawh.