THUHRILTU 5:8 - Pathien Lekhabu Inthieng (BSI)

⁸ Mi rimsi chu nêksâwra a um a, rambunga thawluina chun rorêlna le indikna chu lâk hmang i hmu chun, chu thila chun makti naw rawh, hotu insâng chu a nêka insâng lem chun a enthlit zing si a, anni nêka insâng lem khawm chu an la um pei a nih.

THUHRILTU 5:8 ပူးပေါင်းရင်းမြစ်များ

2 CHANCHIN SUINA 26:10

Thlalêra dâm khawm vêngna in insânghai a bâwl a, tuisunsuohai tamtak a cho bawk a, ran ruol tamtak a nei si a, tlângṭhuta le phaizâwla dâm khawm chun; lo hmun ṭhahai le tlâng rama dâm chun huon puhai le grêp hrui enkawltuhai a nei a, huon siem vêl hi a châk zâwngtak a ni si a.

JOB LEKHABU (THE BOOK OF JOB) 24:23

Hima um dingin Pathien chun anni a pêk a, chutaka chun an sâwldam hlak, Chun, a mithai khawm chu an lampuihaia chun a um zing hlak.

INPÂKNA HLABU 12:5

Lalpa chun, “Rimsihai an nêksâwr lei le, pasiehai inrûm lei chun, Tho nghâl el ka ta, An innuisan chu himtakin inumtir ka tih,” a ti a.

INPÂKNA HLABU 55:9

Aw Lalpa, an lei chu suksiein sukthlêr la, Khawpuia chun inpâwngnêkna le inkhîkinkhalna ka hmu si a.

INPÂKNA HLABU 82:1

Pathien chu Pathien inkhâwmna siema chun a ngîr a; Pathienhai lai chun ro a rêl a.

INPÂKNA HLABU 83:18

Nangma chau hi JEHOVAH hming put, Hnuoi chung po poa Achunghnungtak i nih ti an hriet theina dingin.

INPÂKNA HLABU 95:3

Lalpa chu Pathien ropuitak a ni si a, Pathien po po chungah Lal ropuitak a nih.

THUVARHAI 22:16

A hlâwkna dinga mi pasie nêksâwr a, Mi hausa kuoma pe hlaktu chu a hung hlawsam tei hlak.

THUVARHAI 24:12

“Ngai ta u, hi mi hi kan hriet nawh,” in ti chun, Lungrilhai ngaituo bûktu chun a ngaituo naw ding am a nih? I lungril vawng ṭhatu chun a hriet naw ding am a nih? Mi tin kuomah a sinthaw ang peiin a pêk ding a ni naw am a nih?

THUVARHAI 8:17

A mi hmangaituhai chu ka hmangai ve a, Chun, nguntaka a mi zawngtuhai chun mi hmu suok bawk an tih.

THUHRILTU 3:16

Chu nawa khawm chun nisa hnuoia hin, rorêlna umnaa chun, rîtlona khawm a um a; felna umna hmuna chun rîtlona khawm a um ka hmu a.

THUHRILTU 4:1

Chun, ka thlîr a, nisa hnuoia nêksâwrna thawa umhai po po chu ka hmu a; chun, nêksâwra umhai mitthlihai chu ka hmu bawk a; thlamuontu hrim an nei nawh; nêksâwrtuhai tienga chun thilthawtheina a um a, nisienlakhawm, anni chun thlamuontu hrim an nei nawh.

THUHRILTU 5:9

Chu nawa khawm leihnuoi hlâwkna chu mi tin ta ding a na, lal khawm chu lohma ring mi tho a nih.

THUHRILTU 7:7

Matheilovin, nêksâwrna chun mi var chu a sukvêt a, Thamna chun lungril a suksiet.

THUHRILTU 8:9

Hi po po hi ka hmu ta a; nisa hnuoia sin po pohaia chun ka lungril chu ka hmang ta a; mi pakhatin mi dang chungah ama le ama ân suknatna ding elin thuneina a nei hun chu a nei a nih.

ISAI 10:12

Chu lei chun Lalpa chun, Zion tlâng le Jerusalem chunga sinthaw ding po po a thaw zo pha chun, Assuria lal a lungril chapo ra le a mit chapo ropuina chu la hrem ka tih.

ISAI 3:15

mi rimsihai kuoma inthawka sum lâk chu in inah a ni a um chu; iengtiziea ka mihai chu in namsâwr a, rimsihai hmai chu in râwtnawi am a ni leh?” a ta.

ISAI 37:36

Chuongchun, Lalpa vântirko chu a va suok a. Assuria mihai riekhmuna chun mi nuoi khat, sing riet sâng nga a sukhlum a; chun, zîngkâra mi an hang tho chun ngai ta, mithi ruong khât ngawt a lo ni ta a.

ISAI 5:7

Sipaihai Lalpa grêp huon chu Israel sûngkuo hi a na, Juda mihai hi a kûng ditumtak chu an ni si a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

EZEKIEL 18:18

A pa chungthua chun, ama chun rilotakin a lo nêksâwr ta a, thawluinain a unau chu a lo suksiet ta a, a mihai laia thil ṭha naw chu a lo thaw leiin ngai ta, a suolnaa chun thi ngei a tih.

AMOS 5:12

In bawsietnahai tamzie le, in suolnahai a nasatzie ka hriet si a; mi felhai suknawmna a, thamna la a, kawtkhâra tlasamhai an chantâwk nghatsantuhai.

AMOS 6:12

Sakawrhai chu lungpui chungah an tlân ding am a nih? Chutaka chun miin sebâwngin hnuoi an inlet ding am a nih? Nangnîn rorêlna chu thina hloa le, felna chu sairam thingah in inchangtir hi;

MIKA 2:9

Ka mi nuhmeihai chu an in inhawitaka inthawkin in hnawt dawk a, an naupangtêhaia inthawkin ka ropuina chu in lâk hmang sawng a nih.

ZEKARIA 8:6

Sipaihai Lalpa chun hieng hin a tih, “Chuong nihaia chun hi chi hlaa umhai mithmua hin a mak hle chun, keia mithmua khawm a mak hle naw ding am a nih?” sipaihai Lalpa chun a tih.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

LUKA 1:32

Ama chu mi lien la nîng a ta, Achunghnungtak Naupa tîng an tih; Lalpa Pathienin a thlatu David ṭhungpha chu pêng a ta;

LUKA 1:35

Chun, vântirko chun a dawn a, a kuomah, “Thlarau Inthieng i chungah hung tlung a ta, Achunghnungtak thilthawtheina chun hliekhûng a che; chuleiin, naupang hung pieng ding khawm chu mi inthieng, Pathien Naupa tîng an tih.

LUKA 1:76

Anih, Bawipu, nang hi Achunghnungtak zâwlnei tîng an ti che. A lampuihai siem dingin Lalpa hmaah i fe ding a ni si a;

THILTHAWHAI 12:23

Ama chun Pathien kuomah chawimawina chu a pêk naw leiin kârlovin Lalpa vântirkoin a man a, rulrukûtin a fâk a, a thi ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:33

Pathien hausakzie, a varna le hrietna hauzie chu a vân thûk de! A rorêlnahai chu hriet thei ruol le, a lampuihai chu sui thei ruol a va ni naw de!

JAKOB 2:13

Mi chunga lunginsietna nei naw chu, lunginsietna ṭhang lova rorêl pêkin um a tih, lunginsietna chu rorêlna chunga chun ân suong hlak a nih.

1 PETER 4:12

Dittakhai, nangni laia fiena nasatak hung um, nangni fiena dinga in chunga hung tlung hi, thil mak in chunga tlung angin makti naw ro.

1 JOHAN 3:13

Unauhai, khawvêlin an theida cheu chun mak ti naw ro.