THUHRILTU 5:6 - Pathien Lekhabu Inthieng (BSI)

⁶ I bauin suolna tieng a ṭhuoilût ding che phal naw la; Pathien mitirhai hmaa chun 'intiem suolpal a ni kha' ti bawk naw rawh; iengleiin am i ṭawngbauah Pathien chu lunginsenin, i kut sinthawhai chu a sukbohmang el a ta?

THUHRILTU 5:6 ပူးပေါင်းရင်းမြစ်များ

INṬANNA 48:16

suol po poa inthawka a mîn tlantu vântirko chun naupanghai hi malsâwm raw se; chun ka hming le a mi thlatu Abraham le Isak hming chu anni hmingah put raw se: chun, hnuoia hin mipui nasatak hung ni dingin hung pung raw hai se,” a ti a.

THUVARHAI 23:17

I lungril chun misuolhai inhnar naw raw se, Sûnnithlâkin Lalpa ṭînaa chun um zing lem rawh.

THUHRILTU 10:12

Mi var baua thuhai chu a zainêm hlak a, Mi invêt hmûrhai ruok chun ama chu lem a tih.

THUHRILTU 3:14

Pathienin a thaw taphawt kumkhuoa ding a nih ti ka hriet a; chutaka chun iengkhawm belsa thei ni naw ni a, iengkhawm lâkṭhe thei ni naw nih; Ama hmaa mihriemhai chu an ṭit theina dingin Pathien chun a thaw tah a nih.

LEVI DÂN 4:2

“Israel mihai chu hril la, an kuomah, ‘Lalpain thawlo dinga thu a pêkhaia hin, a ienga khawm mîn suksuol palin, a ieng ieng khawm hi lo thaw ta sienla,

LEVI DÂN 4:22

“Rorêltuin thil a suksuol a, Lalpa a Pathienin thaw lo dinga thu a pêkhai po po kha a ieng ieng khawm a thaw pal a, thiemnaw a chang a,

MALAKI 2:7

Thiempu hmûrhai chun hrietthiemna a vawng ding a na, a baua inthawk chun miin dân chu an zawng ding a ni si a: ama chu sipaihai Lalpa mitir chu a ni si a.

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, Lalpa in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai Lalpa chun a tih.

NAMBAR 15:25

Chun, thiempu chun Israel mipui pungkhâwm po po ta ding chun inremna siem a ta, ngaidam nîng an tih, thawpal a ni lei le, an thilinhlân Lalpa ta dinga meia thilinhlân le an suol aia suol thâwina an inhlân ta leiin.

1 KORINTH 11:10

Vântirkohai leiin, nuhmei chu a pasal thuhnuoia um a nih ti inchikna dingin a lu ân khum ding a nih.

1 TIMOTHE 5:21

Hieng thu hi thlier bîk nei lovin, thlier bîk neia iengkhawm thaw lovin, Pathien le Krista Isu le Vântirko thlanghai mithmuin zâwm dingin ṭhahnemngaitakin kân hriettir che.

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

JAKOB 1:26

Tûkhawm sakhaw ngaisak nia inringa, a lei vêng ṭha si lova, mâni lungrila inhlêm lemtu chu, chu mi sakhaw biek dân chu iengkhawm a ni nawh.

JAKOB 3:2

Thil tamtaka chun ei rêngin ei suol hlak si a. Tûkhawm thuhril kawnga a suol naw chun, ama chu puitling a nih, a taksa pum khawm vêng thei mi a nih.

2 JOHAN 1:8

Ei thaw suok sahai kha in inhmang naw a, a man chu a kima in hmu thei lemna dingin invêng ṭha ro.