THUHRILTU 5:18 - Pathien Lekhabu Inthieng (BSI)

¹⁸ Ngai ta u, mi ta dinga ditum le ṭha âwma ka hmu chu, Pathienin ama a ipêk a dam sûng po poa, nisa hnuoia a sininrimna, a sininrimna po poa chun thil ṭha chu chên a, dâwna fâk hi a nih; chu chu ama chanpuol a ni si a.

THUHRILTU 5:18 ပူးပေါင်းရင်းမြစ်များ

INPÂKNA HLABU 42:8

Nisienlakhawm, Lalpain a ngilneina chu sûnah thu pêng a ta, A hla chun zânah mi umpui a tih, Ka hringna Pathien kuoma ṭawngṭaina chun.

THUHRILTU 11:9

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

THUHRILTU 2:10

Chun, ka mithaiin a châk taphawthai chu, chuonga inthawk chun kân sûm naw a, hlimna ienga inthawk khawmin ka lungril chu kân sûm ngai naw a, ka sininrimna po poa chun ka lungril chu a hlim a; ka sininrimna po poah hi hi ka chanpuol a nih.

THUHRILTU 2:24

Miin a sinthaw inrimnaah a lungril a sininrimna a dâwn a, a fâk nêka ṭha lem, mi ta dingin ieng dang khawm a um nawh. Hi khawm hi ka hmu ta a, Pathien kuta inthawk bawk a nih.

THUHRILTU 2:3

Ka lungril chun ka taksa chu uoina sukhlim ka tum a, invêtna chu chel tlatin, ka lungril chun varnain a mi ṭhuoi zing a, vânkhup hnuoia mihriem nauhai dam sûng tawitea an thaw dinga ṭha chu ieng am a na ti zawng hmu tumin.

THUHRILTU 3:22

Chuleiin, miin a sinthawhaia a hlim nêka ṭha lem iengkhawm ka hmu nawh; chu chu ama chanpuol a na, ama hnunga thil hung um dinghai chu hmu dingin tuin am ama chu hung ṭhuoi kîr tâng a ti leh?

THUHRILTU 6:2

Pathienin mi neinungna le hausakna le inzâumna a pêk a, chuongchun, a lungrilin a dit zâwng taphawt chu tlâksam hrim a nei naw a; amiruokchu, Pathien chun chuonghai fâk theina a pêk tlat naw a, amiruokchu, mikhuol chun a fâk ta lem a; hi khawm hi teplo el a na, natna ṭha lo a nih.

THUHRILTU 8:15

Chun, miin hlima uma, fâka dâwn nêka nisa hnuoia hin thil ṭha lem a nei naw leiin, nuomsipna hi ṭha ka ti el a nih; nisa hnuoia Pathienin ama a lo pêk tah a dam sûng nihaia po po chun a sininrimna chu a kuoma chun a um ding a ni si a.

THUHRILTU 9:7

Fe la, i bei chu hlimin fa la, i uoin chu lungril hlimin dâwn rawh; Pathien chun i sinthawhai chu a pawm ta si a.

JEREMIA 52:34

Chun, a hlaw ding khawm Babulon lal chun a pêk zing a, a dam sûng nihai po poa chun, a thi hmakhat chun ni tin a chanpuol a pêk a.

1 KORINTH 16:16

chuong ang mihai kuoma le sinthawa ṭhangpui le sin inrim taphawt kuoma chun intuklût dingin.

DÂN PAHNINA 12:18

Lalpa in Pathienin hmun a la ruot dingah, Lalpa in Pathien hmaah in fâk lem ding a nih, nangni le in naupasalhai le in naunuhmeihai le in suokpahai, in suoknuhai, in khuoa um Levi mihai leh; Lalpa in Pathien hmaah in kut rasuok taphawtah hlimtakin in um ding a nih.

DÂN PAHNINA 12:7

Chutaka chu, Lalpa in Pathien hmaa chun fâng in ta, in kut rasuok Lalpain mal a sâwmna cheua chun hlimtakin in um ding a nih, in sungkuoin.

DÂN PAHNINA 26:11

Lalpa in Pathienin in sûngkuohai, nangni dâm, Levi mihai dâm, nangni laia ram dang mihai thil ṭha a pêk po po cheua chun hlimtakin in um ding a nih.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat lova, thil po po lâwmna dinga mi petu Pathien chunga chun innghat lem dingin kâwk rawh.