THUHRILTU 5:10 - Pathien Lekhabu Inthieng (BSI)

¹⁰ Tangka ngainatu chu tangkaah lungawi naw ni a; hausakna ngainatu khawm hlâwknaa chun lungawi bawk naw nih: hi khawm hi teplo el a nih.

THUHRILTU 5:10 ပူးပေါင်းရင်းမြစ်များ

INPÂKNA HLABU 52:1

Aw mi hrât, iengdinga thil suksuol i suong am a na? Pathien zaidamna chu a um zing hlak a nih.

INPÂKNA HLABU 52:7

“En ta u, hi mi hi a nih, Pathien a kulbînga siem nuom lo a, A hausakna nasatak ring lem a, A suolnaa insukhrât vei chu,” tiin.

INPÂKNA HLABU 62:10

Nêksâwrna hi ring naw unla, Inrûknaa chun beiseina teplo innghat naw ro, Hausakna hung pung sien khawm, a chunga chun in lungril innghat bawk naw ro.

THUHRILTU 1:17

Chun, intlâwkna le invêtna hre dingin le, varna chu hre dingin ka lungril ka sêng a; hi khawm hi nuomhmanglo el a niin ka hriet ta a.

THUHRILTU 1:8

Thil po po hi inrimna el a nih; miin a hril thei nawh; A hmua hmuin mit chu a tlai ngai naw a, A hrieta hrietin na khawm chu a sip ngai bawk nawh.

THUHRILTU 2:10

Chun, ka mithaiin a châk taphawthai chu, chuonga inthawk chun kân sûm naw a, hlimna ienga inthawk khawmin ka lungril chu kân sûm ngai naw a, ka sininrimna po poa chun ka lungril chu a hlim a; ka sininrimna po poah hi hi ka chanpuol a nih.

THUHRILTU 2:11

Chun, ka kuthaiin sin a lo thaw ta po po chu ka en a, chuonghai thawa ka lo sininrimna tahai po po chu teplo el le, lungril rimsikna el a nih, nisa hnuoia hin hlâwkna hrim a lo um nawh ti ka hmu a.

THUHRILTU 2:26

Pathien chun ama suklungawitu kuoma chun varna le hrietthiem theina le hlimna a pêk a, mi suol kuoma ruok chun Pathien suklungawitu kuoma pêk dinga lâkkhâwmna le siekhâwlna sin a pêk a. Hi khawm hi teplo el a na, lungril rimsikna el a nih.

THUHRILTU 3:19

Chu thil mihriem nauhai chunga tlung chu ramsahai chunga khawm a tlung si a; pakhat a thi angin a dang khawm chu an thi a. Thuok angkhat nei seng an ni a, mihriem chun ramsahai nêka chunghnungbîkna a nei nawh; thil po po chu teplo el a ni si a.

THUHRILTU 4:16

Mi an chunga a umnahai po po chu hriet sêng ruol an ni naw a, amiruokchu, ama hnunga hunghai chu amaa chun hlim chuong naw ni hai. Matheilovin hi khawm hi teplo el a na, lungril rimsikna el a nih.

THUHRILTU 4:4

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmu a. Hi khawm hi teplo el, lungril rimsikna el a nih.

THUHRILTU 4:8

Mi pakhat naupasal amanih, unaupa amanih khawm pakhat khawm nei lo a um a; ana hlak chu, a sininrimna po po chun tâwp hrim a nei naw a, a mithai chu hausaknaa chun a tlai ngai bawk naw a. “Tu ta ding taka hienga mâni inhawitirna chân raka sininrim am ka ni lie?” khawm a ti ngai nawh. Hi khawm hi teplo bawk a nih; anih, tuorna natak a ni chau a nih.

THUHRILTU 5:9

Chu nawa khawm leihnuoi hlâwkna chu mi tin ta ding a na, lal khawm chu lohma ring mi tho a nih.

THUHRILTU 6:7

Mihriem sininrimna po po chu a bau ta ding a na, amiruokchu, phîngṭâmna chu suksip a ni chuong nawh.

MATTHAI 6:19

“Hnuoia hângthim le tuiêkin a fâk sietnaah, inruhaiin an verpawpa an inrûknaa hin in ta dingin rohai inkhâwl naw ro.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

LUKA 12:15

Chun, an kuomah, “Fimkhur unla, inhnarna hrim hrima inthawk chun invêng ro, sum hau hi mihriem dam san a ni nawh,” a ta.

1 TIMOTHE 6:10

Tangka sum ngainat hi suol tinrêng bul a ni si a; chu chu ṭhenkhatin an inhnar a, ringna chu an fe hmang san a, anni le anni lungngaina tamtakin an insun tlang ta nghuon a.