1 Pathien ina i fe pha chun i ke vêng ṭha rawh, invêthai inthâwina inhlân nêk chun ngai dinga va hnai chu a ṭha lem si a; thil ṭha naw an thaw ti an hriet si naw a.
Nisienlakhawm, a hung hrât chun, a lungril a hung uong a, khawhlotakin a thaw ta a, a Pathien Lalpa chunga chun a bawsiet ta a; riminhnik rawna maichâm chunga riminhnik raw dingin Lalpa biek ina chun a fe ve ta a.
Ama chun, “Hitaka hi ka um,” a ti a. Pathien chun a kuomah, “Hi tieng hi hung hnai naw rawh: i kephaa inthawkin i kekawkhai kha hlîp rawh; i ngîrna hmun kha hnuoi inthieng a ni si a,” a ti a.
“Insâwpna dingin, dâr maihûn, a ṭhut khawm dârin i siem bawk ding a nih. Maichâm le intuokna puon in inkâra chun sieng i ta, a sûnga chun tui sie bawk i tih.
Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.
Chuongchun, Mosie chun Aron kuomah, “Hi hi a nih Lalpain, ‘A mi hnaituhaia chun inthiengin inlang ka ta, mipui po po hmaa chun chawimawiin um ka tih,’ tia a hril kha,” a ti a. Aron chu a to zing a.
Chuleiin, i kuomah mi ka hung tir nghâl tah a nih; i hung hi a ṭha ie. Chuongchun, Lalpain thu a pêk taphawt che hre dingin tuhin Pathien mithmuin kan rêngin hitaka hin kan um a ni hi,” a ta.
Chutaka mihai chu Thessalonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.
Iengtizie am a na? Fâk le dâwnna dingin in in nei seng an naw am a ni? Annawleh, Pathien kohran hmusitin, iengkhawm nei nawhai chu in sukzak el hlak am a ni? In kuomah ieng am hril tâng ka ta? Kân pâk ding cheu am a ni? Hi kawnga hin chun kân pâk thei naw cheu.
Chun Lalpa sipaihai hotu chun Josua kuomah, “I kephaa inthawkin i kekawk kha hlîp rawh, i ngîrna hmun kha ân thieng a nih,” a ta. Chuongchun, Josua chun chuong ang chun a thaw ta a.