THUHRILTU 4:16 - Pathien Lekhabu Inthieng (BSI)

¹⁶ Mi an chunga a umnahai po po chu hriet sêng ruol an ni naw a, amiruokchu, ama hnunga hunghai chu amaa chun hlim chuong naw ni hai. Matheilovin hi khawm hi teplo el a na, lungril rimsikna el a nih.

THUHRILTU 4:16 ပူးပေါင်းရင်းမြစ်များ

2 SAMUEL 19:9

Israelhai ruok chu anni puon in sengah an fe ta a. “Lal chun ei hmêlmahai kuta inthawkin a mi sansuok a, Philistin mihai kuta inthawkin a mi sandam ta a; chun, tuhin hi rama inthawk hin Absalom chu a tlân hmangsan a.

1 LALHAI 1:40

Chun, mipuihai po po chun ama chu an zui a, mipuihai chun theihle dâm an mût a, an lâwm nasa khawp a, an rihâu chun hnuoi chu a nghawr kak hiel a.

THUHRILTU 1:14

Nisa hnuoia sin thawa um tahai po po chu ka hmu ta a; chun, ngai ta, thil po po chu teplo el, lungril sâwlna el a nih.

THUHRILTU 2:11

Chun, ka kuthaiin sin a lo thaw ta po po chu ka en a, chuonghai thawa ka lo sininrimna tahai po po chu teplo el le, lungril rimsikna el a nih, nisa hnuoia hin hlâwkna hrim a lo um nawh ti ka hmu a.

THUHRILTU 2:17

Chuleiin, nisa hnuoia sin thawa um chu ka ta dinga a lungzingthlâk leiin, nun hi ka chim a nih; thil po po chu teplo el, lungril rimsikna el a ni si a.

THUHRILTU 2:26

Pathien chun ama suklungawitu kuoma chun varna le hrietthiem theina le hlimna a pêk a, mi suol kuoma ruok chun Pathien suklungawitu kuoma pêk dinga lâkkhâwmna le siekhâwlna sin a pêk a. Hi khawm hi teplo el a na, lungril rimsikna el a nih.

THUHRILTU 4:15

Nisa hnuoia mi hring inzi nuoi nuoi po po chu lal aia la hung ngîr ding tleirâwl zui ruokin ka hmu a.