THUHRILTU 4:10 - Pathien Lekhabu Inthieng (BSI)

¹⁰ An tlu chun, a pakhat chun a ruolpa chu a keitho ding a ni si a; makhâta um ruok chu a chung a rik, a tlûk lai khawma ama keithotu ding khawm nei lo chu.

THUHRILTU 4:10 ပူးပေါင်းရင်းမြစ်များ

INṬANNA 4:8

Kaina chun a sang Abel kuomah, “Thaw ta, lo tieng va fêng ei tih” a ta; loa an um lai chun Kaina chun a sang Abel chu a thaw a, a that ta el a.

2 SAMUEL 11:27

Chun, a sûn hunbi a bo hnung chun David chun ama in tieng ân ṭhuoitir a, a nuhmeiah a nei ta a, naupasal a neipêk a. Nisienlakhawm, David thilthaw chun Lalpa a suklungni naw a.

2 SAMUEL 14:6

Chun, i suoknu hin naupasal pahni ka nei a, an pahni chun loah an insuol a, tukhawm a ṭheltu ding an um si naw a, a pakhat chun pakhat dang chu a vuok a, a sukhlum ta a.

FESUOKNA 32:21

Mosie chun Aron kuomah, “Hi mipui hin i kuomah ieng am an thawa hienga an chunga suol nasatak în tlungtir hi?” a ti a.

THUHRILTU 4:11

Chunawa khawm mi pahni zâl hmunkhat chu an insuklum a; pakhat chau ruok chu iengtin am insuklum a ta?

THUHRILTU 4:9

Pakhat nêk chun pahni chu an ṭha lem a, an sininrimnaa chun lâwmman ṭhatak an hmu leiin.

GALATI 6:1

Unauhai, mi suol iengkhawm a thaw laia phâwkin um sien la, nangni thlarau mihai, “Thlemna tuok ve rawi ka tih,” tia invêng ṭha pumin chuong ang mi chu thuhnuoirawltakin tungding nâwk ro.

1 THESSALONIKA 4:18

Chuleiin, hieng thu hin inthlamuon tuo ro.

1 THESSALONIKA 5:11

Chuleiin, infui tuoin insukṭhahnem tuo seng ro, in thaw hrim hlak ang khan.

1 SAMUEL 23:16

Chun, Saula naupa Jonathan chu a tho a, Horeshah David kuoma chun a fe a. Pathienah a kut chu a sukhrâtpêk a.