THUHRILTU 4:1 - Pathien Lekhabu Inthieng (BSI)

¹ Chun, ka thlîr a, nisa hnuoia nêksâwrna thawa umhai po po chu ka hmu a; chun, nêksâwra umhai mitthlihai chu ka hmu bawk a; thlamuontu hrim an nei nawh; nêksâwrtuhai tienga chun thilthawtheina a um a, nisienlakhawm, anni chun thlamuontu hrim an nei nawh.

THUHRILTU 4:1 ပူးပေါင်းရင်းမြစ်များ

JOB LEKHABU (THE BOOK OF JOB) 16:4

Ka nina hi in nina ni sienla chu, In ṭawng ang bawkin ka ṭawng thei a, In chungah thuhai ka zawmkhâwm thei a, In chungah ka lu ka thin el thei a nih.

JOB LEKHABU (THE BOOK OF JOB) 35:9

“Nêksâwrna tamtakhai lei chun an khêk a, Mi hrât bân leiin ṭhangpuina ngênin an khêk bawk a.

JOB LEKHABU (THE BOOK OF JOB) 6:29

Hung ngha ta u, ka ngên cheu hi, indik nawna hrim um naw raw se; Anih, hung ngha kîr ro, ka chungthu hi ân dik si a.

JOB LEKHABU (THE BOOK OF JOB) 9:24

Hnuoi hi mi khawhlo kuta chun pêk a na, Chu chun rorêltuhai hmaihai chu ama chun ân khum a nih. Ama a ni naw chun, tu am nîng a ta?

INPÂKNA HLABU 12:5

Lalpa chun, “Rimsihai an nêksâwr lei le, pasiehai inrûm lei chun, Tho nghâl el ka ta, An innuisan chu himtakin inumtir ka tih,” a ti a.

INPÂKNA HLABU 142:4

Ka changtieng hi thlêk la, en ta, tukhawm a mi hre hrim hrim an um ta naw hi; Kân humhimna a um ta naw a tukhawmin ka hringna hi an ngaisak ta nawh.

INPÂKNA HLABU 142:5

Aw Lalpa, ka ko che a “Nang chu kân humhimna, Mi hring rama ka chanvo i nih,” ka ti a.

INPÂKNA HLABU 42:3

Ka mitthli hi asûn azânin ka bu a nih, “Khâwlai am i Pathien teh?” an mi lo ti zawmzawt a.

INPÂKNA HLABU 42:9

Pathien ka lungpui kuoma chun, “Iengdinga i mi theinghil am? Iengdinga a mi dotuhai nêksâwrna leia lungngaia kân vâi ruoi hlak am a na?” tîng ka tih.

INPÂKNA HLABU 69:20

Mi mi hrilsietna hin lungriemin a mi thlâk a, nasatakin ka lungngai bawk a, Chuongchun, a mi lunginsiettu ding ka zawng a; nisienlakhawm, tukhawm an um si nawh; A mi thlamuontu dinghai ka zawng a; nisienlakhawm, tukhawm ka hmu si nawh.

INPÂKNA HLABU 69:21

Ka bu dingin thil kha an mi pêk nâwk nghâl a, Ka dang a châr hlakin uoin thûr dâwn dingin an mi pêk a,

INPÂKNA HLABU 80:5

Anni chu mitthli beiin i châwm a, Mitthli hi dâwn dingin inkhina lientakin i pêk hlak.

FESUOKNA 1:16

ama chun, “Hebrai nuhmeihai kuoma naudawmtu sin in va thaw a, nau piengna hmun ngeia in va hmu pha; naupasal an ni chun that unla, naunuhmei a ni ruok chun a hringin hla ro,” a ti a.

FESUOKNA 1:22

Chun, Pharao chun, “Naupasal hung pieng taphawt chu vadungah pei unla, naunuhmei taphawt chu a hringin hla ro,” tiin a mihai chu thu a pêk tlat a.

THUVARHAI 19:7

Mi pasie chu a unauhai po poin an theida a, A ruolhai lem chun ieng ang khieua hla am an fe san ding chu! Thuhaiin anni a hnawt pei a; nisienlakhawm, an fe hmang tah.

THUVARHAI 28:3

Mi tlasam mi pasie nêksâwrtu chu, Ruo pheisûr bu hla lo ang chu a nih.

THUVARHAI 29:2

Mi felhai chu an hung hlâwk pha chun mihaiin an lâwmpui a, Mi khawhloin, rorêlna chu a phur pha ruok chun mihai chu an kahâk.

THUHRILTU 3:16

Chu nawa khawm chun nisa hnuoia hin, rorêlna umnaa chun, rîtlona khawm a um a; felna umna hmuna chun rîtlona khawm a um ka hmu a.

THUHRILTU 5:8

Mi rimsi chu nêksâwra a um a, rambunga thawluina chun rorêlna le indikna chu lâk hmang i hmu chun, chu thila chun makti naw rawh, hotu insâng chu a nêka insâng lem chun a enthlit zing si a, anni nêka insâng lem khawm chu an la um pei a nih.

THUHRILTU 7:7

Matheilovin, nêksâwrna chun mi var chu a sukvêt a, Thamna chun lungril a suksiet.

THUHRILTU 8:9

Hi po po hi ka hmu ta a; nisa hnuoia sin po pohaia chun ka lungril chu ka hmang ta a; mi pakhatin mi dang chungah ama le ama ân suknatna ding elin thuneina a nei hun chu a nei a nih.

ISAI 5:7

Sipaihai Lalpa grêp huon chu Israel sûngkuo hi a na, Juda mihai hi a kûng ditumtak chu an ni si a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.

ISAI 51:23

chuongchun, nangma sukrimsituhai kuta chun sieng ka ta, anni chun i hringna kuomah, ‘Kan hraw ding chein bawkkhup rawh,’ an ti kha; chuongchun, nangin a hrawtuhai kuoma chun i ruongzâng chu leilâk ang le kawthlêr angin i daw kha,” tiin.

ISAI 59:7

An kehai chu thil ṭha naw tieng a tlân hlak a, pawitâwklo thisen insuo dingin an inhmaw hlak; an ngaituohai chu khawhlona ngaituonahai a ni hlak a; râusanna le sietna chu an lampuia chun a um hlak.

JEREMIA 16:7

mithihai leia anni thlamuon dingin, mihai chun sûnna dingin bei khawi naw ni hai a; an nuhai amanih, an pahai amanih dâwn dingin sûnpuina nohai chu pe bawk naw ni hai.

ṬAP HLA 1:16

Hieng thilhai lei hin ka ṭap a; ka mit chu tuiin a luongthla a, Thlamuongtu ka lungril sukhartu ding kha keimaa inthawka a hlat êm leiin. Hmêlmahai chun an hne ta leiin, ka nauhai chu râusanin an um ta a.

ṬAP HLA 1:17

Zion chun a bânhai a phar vêl a, ama thlamuongtu ding tukhawm an um nawh, Lalpa chun Jakob chungthua chun, ama vêl hnaia umhai po chu a hmêlmahai nîng an tih tiin thu a lo pêk ta a; Jerusalem chu anni laia chun thil thiengnaw ang a lo ni tah.

ṬAP HLA 1:2

Zâna chun a ṭap ngâwi ngâwi a, a mitthli chu a bienga chun a luong a, A hmangaituhai po po lai tukhawm ama thlamuongtu ding a nei nawh; A ruolhai po po chun khawhlotakin ama an sawisak a; A hmêlmahai an hung ni vawng el ta ie.

ṬAP HLA 1:9

A tirdakumna chu a puonah a kai a, a tâwpna ding hrim a ngaituo nawh, Chuleiin, maktakelin a tlâwm a, thlamuongtu hrim a hmu nawh; En ta, aw Lalpa, ka rimsikzie hi, ka hmêlma chu ama le ama ân chawimawi si a!

AMOS 3:10

An lal inahai pâwngnêkna le suomhmangna siekhâwmtuhai chun sukdik dân an thiem si nawh,” Lalpain a ti a.

AMOS 3:9

Asdod lal inhaia le Aigupta ram lal inhaia chun hril unla, “Samari tlâng chunghaia chun inkhâwm unla, chun, chutaka buoina lientak umhai le nêksâwrna umhai chu en ro.

MALAKI 2:13

Chun, hi khawm hi in thaw nâwk bawk a, Lalpa maichâm chu mitthli le, ṭapna le, thuokdawngnain in inkhum a, chuong lei chun thil inhlân chu a ngaisak ta nawin, in kuta inthawkin ṭhain a pawm ta naw hrim hrim a nih.

MALAKI 3:18

Chun, hung kîr tâng in ta, Pathien rawng bâwl mi le a bâwl naw mi, thil khawhlo le thil fel chu thlier tâng in tih,” a ta.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

MATTHAI 26:56

Nisienlakhawm, zâwlnei lekha thuhai a tlung theina dingin hieng po po hi a hung tlung tah a ni hi,” a ta. Chu lai chun, inchûktirhai po po chun ama an thlathlam a, an tlân hmang ta vawng a.

DÂN PAHNINA 28:33

In hnuoi râhai le in sin inrim râhai chu in hriet ngai naw hnamin fa zo an tih, nêksâwr ding le suknawmnat ni zawmzat in tih,

DÂN PAHNINA 28:48

nangni thaw dinga Lalpain a la hung tir ding in hmêlmahai rawng chu, phîngṭâm pum dâm, dangchâr pum dâm, saruok pum dâm, thil iengkim tlasam pum dâmin la bâwl in tih; an sukbohmang hmakhat cheu chun in rîngah thîr rîngkawl inbâttir an tih.

JAKOB 5:4

Ngai ta u, in lova bu sîka inhlawfahai hlaw, hlêma in pêk naw kha, a khêk a, a sîktuhai lunginzing khêk ri khawm chu Mipuihai Lalpa naah a hung lût ta a.

RORELTUHAI 4:3

Israel thlahai chun Lalpa an ko a, Jabin chun thîr tawlailîr za kuo zet a nei si a; kum sâwmhni sûng zet Israel thlahai chu nasatakin a nêksâwr a.