THUHRILTU 3:8 - Pathien Lekhabu Inthieng (BSI)

⁸ Hmangai hun le theida hun a um a, Indo hun le inrem hun a um a;

THUHRILTU 3:8 ပူးပေါင်းရင်းမြစ်များ

1 LALHAI 5:4

Tu ruok hin chu Lalpa ka Pathien chun kil tinah muongna a mîn neitir ta a, hmêlmahai khawm an um ta naw bawk a.

2 LALHAI 9:22

Chun, Joramin Jehu a hei hmu chun, “Ṭha tieng thu am a nih, Jehu?” a hei ti a. Chun, ama chun a lo dawn a, “I nu Jezebel hin uiret le dâwi a chîng sûng chu ṭha tieng thu ieng am um thei a ta?” a ta.

2 CHANCHIN SUINA 19:2

Chun, Hanani naupa zâwlnei Jehu chu ama tuok dingin a lo va fe suok a, lal Jehosaphat kuoma chun, “Mi rilo chu ṭhangpuiin, Lalpa theidatu chu i hmangai ding a ni maw? Hi thil lei hin Lalpa lungsenna chu i chungah a um a nih.

INPÂKNA HLABU 101:3

Thil ṭha naw hrim hrim ka mithmua chun sie naw ninga a, Fe pêthai thilthaw chu ka theida a nih; Keimaah kawp naw nih.

INPÂKNA HLABU 105:25

A mihai theida dingin an lungril ân lêttir a, A siehlawhai chunga vervêktaka thaw dingin.

INPÂKNA HLABU 139:21

Aw Lalpa, nangma theidatuhai chu ka theida naw am a nih? Nangma thawtuhai chunga chun ka lungninaw naw am a nih?

THUVARHAI 13:5

Mi fel chun khêl hril a theida a, Mi khawhlo ruok chun inzakna a siemin kâwkna a lâk lût hlak.

EZEKIEL 16:8

Chun, i sîr ka hung khêl a, ka hung en che chun, ngai ta, i hun chu hmangaina hun a ni ta a; ka puon chu i chunga chun ka keiphar a, i saruokna chu kân khum ta a; anih, i kuoma chun kân khâm a, nangma le chun thuthlung ka lo siem ta a, Lalpa Pathien chun a tih; chun, ka ta i hung ni ta a.

LUKA 14:26

“Tûkhawm ka kuoma hung chun a pa dâm, a nu dâm, a nuhmei dâm, a nauhai, a unauhai, a farnuhai, ama hringna chenin a theida naw chun, ka închûktir ni thei naw ni.

EPHESI 3:19

Krista hmangaina hriet phâk lo hriet theina nei a, Pathien famkimna tinrênga suksipa in um theina dingin.

EPHESI 5:25

Pasalhai, in nuhmeihai hmangai ro, Kristain kohran a hmangai a, a aia ama ân pêk ang khan,

TITA 2:4

la nunghâk deuhai chu an pasalhai hmangai ding dâm, an nauhai hmangai ding dâm,

JOSUA 11:23

Chuongchun, Lalpain Mosie kuoma a hril po po ang khan Josua chun ram pumpui chu a lâk ta a; chun, Josua chun Israel mihai chu an hnam inṭhe dân ang peiin an rochan dingin a pêk tâwl a; chuongchun, ram chu râlmuongin a um ta a.

THUPUONGSUO 2:2

I thilthawzie dâm, i sininrimzie dâm, i selzie dâm, mi suolhai i ngaitheinawzie dâm ka hriet. Tirko ni si lova tirko intihai chu I fie bawk a, khêlhlip an nih ti i lo hriet ta a.