THUHRILTU 3:4 - Pathien Lekhabu Inthieng (BSI)

⁴ Ṭap hun le innui hun a um a, Sûnna hun le lâm hun a um a;

THUHRILTU 3:4 ပူးပေါင်းရင်းမြစ်များ

INṬANNA 21:6

Chun, Sara chun, “Pathienin a mi suknui tah; mi tin a hre taphawt chun mîn nuipui an tih,” a ti a.

2 SAMUEL 6:16

Chun, Lalpa bâwm chu David khuoa a lût lai chun Saula naunu Mikal chun tukvera inthawk hin a lo thlîr a; Lalpa hmaa David lâm le inchâwm chu a zuk hmu a, a hmusit lungril ta a.

INPÂKNA HLABU 30:11

Ka mithi ngaina chu ka ta dingin lâmnaah în changtir a, Ka saiip puon chu i mi hlîppêk a, ka kâwngah hlimnain i mi khit ta a:

INPÂKNA HLABU 30:5

A lungsen chu mitkhap kâr chaua ding a ni si a; A ditsakna ruok chu dam sûnga ding a nih. Ṭapna chun zânkhuo a dai thei a, Hlimna ruok chu zîngkâr a hung tlung hlak.

FESUOKNA 15:20

Chun zâwlneinu Miriam, Aron farnu chun khuongtê a lâk a, nuhmei po po chun khuongtêhai le lâmin an zui a.

THUHRILTU 3:5

Lung peihâwn hun le lung lâk khâwm hun a um a, Pawm hun le pawmnaa inthawk insûm hun a um a;

THUHRILTU 7:14

Hlawtling nia chun hlim la, vângduoi nia chun ngaituo rawh; miin ama hnunga ding iengkhawm a hriet nawna dingin Pathien chun pakhat chu a dang ang bawkin a siem a nih.

ISAI 40:1

Thlamuon ro, ka mihai hi thlamuon ro, in Pathien chun a tih.

ISAI 40:2

Jerusalem mihai kuomah thlamuongna tieng pangah thu hril unla, an indona chu a tâwp a, an suolna chu ngaidam an ni a, an thil suksuol po po aiah Lalpa kuta inthawkin a let hniin an hmu tah ti hril ro.

MATTHAI 11:17

‘Theihle kan mût pêk cheu a, in lâm si naw a, Kan ṭap rak a, âwm in chum si naw a,’ tihai ang hi an nih.

MATTHAI 9:15

Isûn an kuomah, “Mo ṭhuoituhai kuoma a pasal ding chu a um sûng phawt chun mo ṭhuoituhaiin an sûn thei am a nih? Nisienlakhawm, a pasal ding chu an kuoma inthawka ṭhuoi hmang nihai la tlung a ta, chu pha ruok chun la nghei an tih.

LUKA 1:58

Chun, a vênghai le a laibunghai chun, Lalpân a lunginsiet ti an lo hriet a, an lâwmpui a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:15

Lâwmhai chu lâwmpui unla, ṭaphai chu ṭappui ro.

2 KORINTH 7:10

Pathien dit zâwng anga lungngaina chun, sandamna dingin, insîrna um ta lo simna chu a siem si hlak a; khawvêl lungngaina ruok chun thina a siem lem hlak.

JAKOB 4:9

Rimsi unla, lungngai unla, ṭap ro; in innui chu lungngaiah inchang sienla, in hlim nguiah inchang raw se.