THUHRILTU 3:3 - Pathien Lekhabu Inthieng (BSI)

³ Sukhlum hun le sukdam hun a um a, Ṭhiek hun le bâwl hun a um a;

THUHRILTU 3:3 ပူးပေါင်းရင်းမြစ်များ

INṬANNA 9:6

Tukhawm mihriem thisen insuotu chu mihriem vêkin ama thisen chu an insuo ve ding a nih: Pathienin ama angpuiin mihriem a siem si a.

ISAI 44:26

mâni siehlaw thu sukdet a, mâni palaihai remruot sukmuolsuotu, Jerusalem chungchâng thua, ‘Chutaka chun mi um nâwk an tih,’ titu le, Juda ram khawpuihai chungchâng thua, ‘Siemin um nâwk tâwl an ta, a sietna laihai chu siem ṭha nâwk ka tih,’ titu,

ISAI 6:10

Hi chihai lungril hi sukthâu la, an nahai suksêt la, an mithai insîmtir rawh; chuong naw chun an mitin hmûng an ta, an nain hrieng an ta, an lungrilin hre bawk an ta, nghakîr nâwk an ta, sukdamin um rawi an tih,” a ta.

JEREMIA 1:10

En ta, vawisûn hin, hnamhai chunga le ramhai chunga chun, Hrukbit ding le, sukchim ding le, Sukse ding le, Pei thla ding le, bâwl ding le Phun dingin ka sie ta che a nih,” a ta.

JEREMIA 31:28

Chun, anni chu hmalthla ding le, sukchim ding le, peithla ding le, sukse ding le, sukrinum dinga ka enkai zing ang khan, chuong ang bawk chun, anni chu bâwl ding le phun dingin enkai zing ka tih, Lalpa chun a tih.

JEREMIA 33:6

Ngai ta u, hrisêlna le sukdamna intlungtir ka ta, anni chu sukdam ka tih; chun, an kuoma chun thudik le thlamuongna tamtak chu suklang bawk ka tih.

JEREMIA 45:4

Chuongchun, ama kuoma chun hieng hin hril i tih: Lalpa chun hieng hin a tih: Ngai ta, ka rem ta chu sukchim ka ta, ka phun ta khawm chu phawidawk ka tih; hi hi ram pumpui sûnga hin:

EZEKIEL 13:14

Chuongchun, bang chirhak inhnâk lova in bel kha suksieng ka ta, hnuoiah hung la thlâng ka tih; chuongchun, a lung phûm chu inlang tâng a ta, tlûng a ta, chu sûnga chun sukbohmangin um in tih; chun, Lalpa ka ni mi hre tâng in tih.

HAGGAI 1:2

Sipaihai Lalpa chun hieng hin a tih: “Hieng mihai hin, ‘A hun a la tlung nawh, Lalpa in bâwl a ni hun ding chu’ an ti a,” tiin.

HAGGAI 1:4

“Hi in hi hienga se zing siin, nangni ta dingin in, inchungthuo inhaia chun chêng zing a hun ta am a nih?”tiin.

ZEKARIA 1:12

Chun, Lalpa vântirko chun a dawn a. ‘Aw sipaihai Lalpa, kum sâwmsari sûng rau an chunga nasataka lunginsenna i nei, Juda khawpuihai le Jerusalem chunga hin ieng chen am zângaina nei lovin i um ding a na?’ a ta.

DÂN PAHNINA 32:39

“Kei, keima ngei ka ni hre unla, Pathien dang an um nawh; Ka sukhlum hlak a, ka sukhring bawk hlak; Ka sukhliem hlak a, ka sukdam bawk hlak; Ka kuta inthawka mi lapêk thei hrim hrim an um nawh.

1 SAMUEL 2:25

Mi pakhat mi dang chunga a suol chu Pathienin rorêlpêk a ta, amiruokchu mi, Lalpa chungah a suol ruok chun tuin am ngênpui tâng a ta?” a ta. Chuong sa khawm chun an pa râwl chu an ngai nuom naw a, Lalpa chun anni chu a sukhlum ngei ding a ni si a.

1 SAMUEL 2:6

Lalpa chun a sukhlum hlak a, a sukhring bawk hlak, Thlânah ân fe thlâktir hlak a, a ṭhuoi suok bawk hlak.