THUHRILTU 3:14 - Pathien Lekhabu Inthieng (BSI)

¹⁴ Pathienin a thaw taphawt kumkhuoa ding a nih ti ka hriet a; chutaka chun iengkhawm belsa thei ni naw ni a, iengkhawm lâkṭhe thei ni naw nih; Ama hmaa mihriemhai chu an ṭit theina dingin Pathien chun a thaw tah a nih.

THUHRILTU 3:14 ပူးပေါင်းရင်းမြစ်များ

2 SAMUEL 22:31

Pathien chu a lampui a ṭha famkim a, Lalpa thutiem chu ândikzie sukchieng a ni tah. Ama ringtuhai po po ta dingin ama chu phaw a nih.

INPÂKNA HLABU 33:11

Lalpa remruot ruok chu kumkhuoin um det a ta, A lungrila a ngaituohai chu suon po po chenin umdet a tih.

INPÂKNA HLABU 64:9

Chuongchun, mi po poin ṭîng an ta, Pathien sinthaw chu hril an tih; A thilthaw khawm chu vartakin ngaituong an tih.

INPÂKNA HLABU 76:10

Matheilovin mihriem lunginsenna hin la hung inpâk ngei a ti che, Lunginsenna mahla chun inkhit i tih.

THUVARHAI 19:21

Mihriem lungrila chun remruotna tamtak a um a, Amiruokchu, Lalpa thurâwn chau chu ngîrsuok a tih.

THUVARHAI 21:30

Lalpa kal zâwnga thurâwn amanih, Hrietthiemna amanih, varna amani khawm a um nawh.

THUVARHAI 30:6

A thuhai chu nang chun belsa naw la, Kâwk rawi a ti che a, khêlinhlip i nih ti hmu suok ni rawi a tih.

THUHRILTU 12:13

Hi hi thil tâwp chu a nih; thil po po chu hriet a ni ta a; Pathien ṭî la, a thupêkhai chu zâwm rawh; hi hi mihriem thilthaw ding pumpui chu a nih.

THUHRILTU 5:6

I bauin suolna tieng a ṭhuoilût ding che phal naw la; Pathien mitirhai hmaa chun 'intiem suolpal a ni kha' ti bawk naw rawh; iengleiin am i ṭawngbauah Pathien chu lunginsenin, i kut sinthawhai chu a sukbohmang el a ta?

THUHRILTU 5:7

Mang tamtak le, thu tamtakhaia chun teplo tamtak a um a; nang ruok chun Pathien ṭi rawh.

THUHRILTU 7:18

Hi hi i chel tlat hi a ṭha a nih, chutaka inthawk chun i kut khawm la kîr naw rawh; Pathien ṭîtuhai chun an la hung suoksan vawng ding a ni si a.

ISAI 46:10

keiin a tâwp ding chu a tira inthawk hrimin ka hril hlak a, thil la thaw nawhai chu tienlaia inthawk khan ka hril ta hlak; “Ka remruot chu ngîrsuok a ta, ka dit zâwng po po chu thaw vawng ka tih,” ka ti a,

DANIEL 8:8

Chun, kêlchal chu ama le ama nasatakin ân chawimawi a, a hrât hle lai chun a ki ropuitak chu a tliek ta a; a aia chun vân thli palihai tienga chun ki maktak pali a hung suok a.

THILTHAWHAI 2:23

Nangni ngeiin in hriet ang khan; kha mipa kha Pathien rêl tlat le hriet lâwk angin an inmantir a, nangnîn mi suolhai kutin krawsah in hemde a, in sukhlum ta a.

THILTHAWHAI 4:28

i kut le i lungrilin tlung dinga i ruot lâwk taphawthai kha thaw dingin.

THILTHAWHAI 5:39

amiruokchu, Pathien ithaw suok a ni chun anni sukbohmang thei naw ti niu; chuong naw chun, Pathien do ni hlau rawi in tih,” a ta. Chun, a hril chu rem an ti ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:36

Amaa inthawk le ama zâr le, ama ta dinga thil po po a hung um a ni si a; ama kuoma chun chatuonin ropuina chu um raw se. Amen.

EPHESI 3:11

ei Lalpa Isua thaw a itum, a chatuon remruot ang pei chun.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

TITA 1:2

Chatuona hringna beiseina chu Pathien khêl hril thei naw chun leilung insieng hmain a tiem a;

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun danglamna le inherna hlim hrim hrim a um thei nawh.

THUPUONGSUO 15:4

Aw Lalpa, tu am i hming inza naw a, Chawimawi naw ding? Nang chau în thieng si; I thilthaw felhai chu suklang a ni ta leiin, Hnam tinrêngin chibai hung bûk an ti che,” tiin.