THUHRILTU 3:11 - Pathien Lekhabu Inthieng (BSI)

¹¹ Thil tinrêng chu mâni hun senga mawi dingin a siem a; a bula inthawka a tâwp chena Pathienin sin a thaw chu mihriemin a hriet suok thei nawna dingin, an lungrilah khawvêl chu a ruotdet bawk a.

THUHRILTU 3:11 ပူးပေါင်းရင်းမြစ်များ

INṬANNA 1:31

Chun, Pathienin a thilsiem tinrêng chu a en a, ngai ta, ṭha a ti êm êm a. Chuongchun, zântieng a um a, zîngtieng a um bawk a, chu chu a ni rukna a nih.

JOB LEKHABU (THE BOOK OF JOB) 11:7

A zawnga zawng ngawtin Pathien thil inthûkhai chu i hmu suok thei ding am a nih? Iengkimthawthei chu a famkimin i hmu suok thei ding am a nih?

JOB LEKHABU (THE BOOK OF JOB) 37:23

Iengkimthawthei chu ei hmu suok thei nawh, Thilthawtheina le indiknaah a ropui a, Felna a hau a, nêksâwr naw nih.

JOB LEKHABU (THE BOOK OF JOB) 5:9

Thil ropuitakhai le zawng suok ruol lohai chu thaw a; Thil maktakhai tiem sêng lo thawtu chu.

INPÂKNA HLABU 104:24

Aw Lalpa, i thilthawhai chu a va tam de! Varnain i siem vawng a nih: Leihnuoi hi i hausaknain a sip a ni hi.

THUVARHAI 16:4

Lalpa chun thil tinrêng hi san nei sengin a siem a, Anih, mi khawhlo ngei khawm chu ni ṭha nawa dingin.

THUHRILTU 1:13

Vânkhuphnuoia thil thawa um ta po po chungthu chu varnaa zawnga zawng suok dingin ka lungril ka lo hmang ta a; Pathienin mihriem nauhai buoipui dinga a pêk chu sin rinumtak a nih.

THUHRILTU 11:5

Thli lampui chu khâwtieng am ti i hriet naw angin le, nau vawntu phîng sûnga chun iengtin am ruhai chu an inṭhanga ti i hriet naw angin, thil po po thawtu Pathien sinthaw chu i hriet nawh.

THUHRILTU 7:13

Pathien sinthaw chu ngaituo ta; A kâwia a siem ta chu tuin am suktlûn thei a ta?

THUHRILTU 7:23

Hi po po hi varnaa chun ka lo fie ta a, “Var tâng ka tih,” ka ta; amiruokchu, keimaa inthawk chun hlatak a nih.

THUHRILTU 7:29

Ngai ta, hi chau hi ka hmu suok a, Pathien chun mi chu mi ngîl ni dingin a siem a, amiruokchu, anni chu mâni nuom dân dânin an khawsa ta lem a.

THUHRILTU 8:17

nisa hnuoia sin thawa um, mihriemhaiin an hmu suok thei naw, Pathien sinthaw chu ka hmu a; ieng ang khawmin, miin zawngin nasatakin thaw inrim sien khawm, hmu suok chuong naw nih; mi var khawma hriet inring sien khawm hmu suok chuong bawk naw nih.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a puong nuomnahai chau naw chun tukhawmin Pa chu an hriet bawk nawh.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra lovin a um hlak.

MARKA 7:37

“Ama chun iengkim ṭhatakin a thaw a; nasêt dâm a sukvarpêk a, ṭawng thei naw dâm khawm ân ṭawngtir hlak,” an ta, mak an ti nasa bêk bêk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan ta a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:33

Pathien hausakzie, a varna le hrietna hauzie chu a vân thûk de! A rorêlnahai chu hriet thei ruol le, a lampuihai chu sui thei ruol a va ni naw de!

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.