THUHRILTU 2:7 - Pathien Lekhabu Inthieng (BSI)

⁷ suokpa le, suoknuhai kân châwk a, ka ina siehlaw pieng hrimhai dâm ka nei bawk a; ka hmaa Jerusalema lo um tahai po po nêk khan berâm ruol le bâwng ruol khawm ka nei nasa lem a.

THUHRILTU 2:7 ပူးပေါင်းရင်းမြစ်များ

INṬANNA 13:2

Chun, Abram chu ran dâm, tangka dâm, rângkachak dâmin a hausa êm êm a.

INṬANNA 14:14

Abramin a nau chu salah an ṭhuoi ti a hriet phingleh a ina pieng, ama mi, inchûk thiemsa tah, za thum le sâwmpariet a ṭhuoi suok a, Dan chenin a hnawt ta a.

INṬANNA 15:3

Abram bawk chun, “Ngai ta, chi hrim hrim i mîn thlatir si naw a; en ta, ka ina pieng siehlaw hi ka rohluotu ding a nih,” a ta.

1 LALHAI 4:23

chun, bâwngchal thâutak sâwm, bâwngchal tla mi sâwmhni leh, berâm za leh, chuong naw khawm chu sakhihai dâm, sangaihai dâm, sakhi chalhai dâm, âr châwm thâuhai leh a nih.

2 LALHAI 3:4

Chun, Moab lal Mesa chu berâm vai mi a na, Israel lal kuoma chun berâmchal nuoi khat hmul le berâmte nuoi khat leiman dingin a pêk hlak a.

2 CHANCHIN SUINA 26:10

Thlalêra dâm khawm vêngna in insânghai a bâwl a, tuisunsuohai tamtak a cho bawk a, ran ruol tamtak a nei si a, tlângṭhuta le phaizâwla dâm khawm chun; lo hmun ṭhahai le tlâng rama dâm chun huon puhai le grêp hrui enkawltuhai a nei a, huon siem vêl hi a châk zâwngtak a ni si a.

EZRA 2:55

Solomon siehlawhai thlahai chu: Sotai thlahai, Hassophereth thlahai, Peruda thlahai;

EZRA 2:58

Nethinim mi po po le Solomon siehlawhai thlahai po po chu za thum sâwmkuo pahni an nih.

NEHEMIA 7:57

Solomon siehlaw thlahai: Sotai thlahai, Sophereth thlahai, Perida thlahai,

JOB LEKHABU (THE BOOK OF JOB) 1:3

A ran ruol khawm chu berâm sâng sari, sanghâwngsei sâng thum, bâwngchal tuok za nga, sabengtungpui za nga le insûng ropuitak el leh a nih; chuongchun, chu mipa chu khawsak rama mihai po po laia a ropui tak a nih.

JOB LEKHABU (THE BOOK OF JOB) 42:12

Chuongchun, Lalpa chun Job chu a hun tâwp tieng chun a hun hmasa tieng nêk hmanin mal a sâwm ta a: berâm chu sîng khat le sâng li a nei a, sanghâwngsei sâng ruk leh, bâwngchal tuok sâng khat leh, sabengtungpui sâng khat a nei ta a.

LUKA 12:45

Amiruokchu, chu suok chun, a lungrilin ‘Ka pu hung vak naw ni,’ tiin suoknuhai, suokpahai lo vaw sienla, fain dâwnin lo inrui ta sienla;