THUHRILTU 2:3 - Pathien Lekhabu Inthieng (BSI)

³ Ka lungril chun ka taksa chu uoina sukhlim ka tum a, invêtna chu chel tlatin, ka lungril chun varnain a mi ṭhuoi zing a, vânkhup hnuoia mihriem nauhai dam sûng tawitea an thaw dinga ṭha chu ieng am a na ti zawng hmu tumin.

THUHRILTU 2:3 ပူးပေါင်းရင်းမြစ်များ

INṬANNA 47:9

Jakob chun Pharao kuomah, “Ka khuol inzin kum chen chu kum za le sâwmthum a ni a, ka dam sûng kumhai hi a tlâwmin a rimsikthlâk a nih, a mi thlatuhai an khuol inzin laia an dam sûng kum khawm a zât ve bawk nawh,” a ti a.

JOB LEKHABU (THE BOOK OF JOB) 14:14

Mi a thi chun a hring nâwk ding am a nih? Ka nihai po po chu nghâk ka tih, Insuoa ka umna chu a hung tlung hmakhat chun.

INPÂKNA HLABU 104:15

Mihriem lungril suklâwmna uoin leh, A hmai suktlawrna ding hriek leh, Mihriem lungril sukhrâtna bei leh.

THUVARHAI 20:1

Uoin hi nuisantu a na, zu hi mi risie a nih, Tukhawm chutaka suksuoltu chu a var naw a nih.

THUHRILTU 1:17

Chun, intlâwkna le invêtna hre dingin le, varna chu hre dingin ka lungril ka sêng a; hi khawm hi nuomhmanglo el a niin ka hriet ta a.

THUHRILTU 10:19

Ruoiṭhena chu innuina dinga siem a na, Uoin chun nun chu a suklâwm a; Tangka ruok chun iengkim a thaw thei.

THUHRILTU 12:13

Hi hi thil tâwp chu a nih; thil po po chu hriet a ni ta a; Pathien ṭî la, a thupêkhai chu zâwm rawh; hi hi mihriem thilthaw ding pumpui chu a nih.

THUHRILTU 2:24

Miin a sinthaw inrimnaah a lungril a sininrimna a dâwn a, a fâk nêka ṭha lem, mi ta dingin ieng dang khawm a um nawh. Hi khawm hi ka hmu ta a, Pathien kuta inthawk bawk a nih.

THUHRILTU 5:18

Ngai ta u, mi ta dinga ditum le ṭha âwma ka hmu chu, Pathienin ama a ipêk a dam sûng po poa, nisa hnuoia a sininrimna, a sininrimna po poa chun thil ṭha chu chên a, dâwna fâk hi a nih; chu chu ama chanpuol a ni si a.

THUHRILTU 6:12

A dam sûnga dingin tuin am mihriem ta dinga thil ṭha chu a hriet a, a dam sûng teplo nihai po po chu hlim angin a hmangral el a ni naw maw? Nisa hnuoia hin ama hnungah ieng am a hung um ding tuin am mi a hril thei a?

THUHRILTU 7:18

Hi hi i chel tlat hi a ṭha a nih, chutaka inthawk chun i kut khawm la kîr naw rawh; Pathien ṭîtuhai chun an la hung suoksan vawng ding a ni si a.

THUHRILTU 7:25

Ka ngha kîr a, ka lungril chun, hre ding le, zawng ding le, varna zawng suok dingin le; rîtlona hi invêtna a nih ti hre ding le, invêtna chu intlâwkna a nih ti hre dingin ka thlîr vêl a.

THUHRILTU 8:15

Chun, miin hlima uma, fâka dâwn nêka nisa hnuoia hin thil ṭha lem a nei naw leiin, nuomsipna hi ṭha ka ti el a nih; nisa hnuoia Pathienin ama a lo pêk tah a dam sûng nihaia po po chun a sininrimna chu a kuoma chun a um ding a ni si a.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

EPHESI 5:18

Chun, uoin inruiin um naw ro, chutaka chun insûm nawna a um si a; Thlaraua sipin um lem ro.

RORELTUHAI 9:13

Grêphrui ruok chun an kuomah, ‘Pathien le mihriem suklâwm hlaktu ka uoin hi suoksanin thinghai chungah khingtieng khingtieng kan zâm el ding maw chu?’ a ti a.

1 SAMUEL 25:36

Chun, Abigail chu Nabal kuoma chun a hang fe a; chun, ngai ta, a ina chun lal ruoiṭhe ang elin ruoi a lo ṭhe a, ân rui hle leiin Nabal chu a hlim huom el a; chuleiin, a zîng khawvar hmakhat chun iengkhawm, a hril naw a.