THUHRILTU 2:22 - Pathien Lekhabu Inthieng (BSI)

²² Miin a sininrimna po po le a lungril rimsikna, nisa hnuoia a rimsiknaa chun ieng am a hmu a?

THUHRILTU 2:22 ပူးပေါင်းရင်းမြစ်များ

INPÂKNA HLABU 127:2

Zîngkâr in tho va, inhnutakin in châwl a, Sininrimna bu in fâk hlak hi, in ta dingin a thlâwn el a nih. Hieng ang hin a mi dittak chu a ininnghiltir hlak a nih.

THUVARHAI 16:26

Mi sininrim phîngṭâmna chun ama ta dingin sin a thaw a, A bau chun ama chu a tirlui si a.

THUHRILTU 1:3

Miin a sininrimna, nisa hnuoia a sininrimna po poa chun ieng am hlâwkna a hmu a?

THUHRILTU 2:11

Chun, ka kuthaiin sin a lo thaw ta po po chu ka en a, chuonghai thawa ka lo sininrimna tahai po po chu teplo el le, lungril rimsikna el a nih, nisa hnuoia hin hlâwkna hrim a lo um nawh ti ka hmu a.

THUHRILTU 3:9

Sinthawtu chun a sininrimnaah ieng hlâwkna am a hmu a?

THUHRILTU 4:6

Lungril rimsikna le sinrimnaa kut sip hni nêkin, dei zawta kut sip khat chu a ṭha lem.

THUHRILTU 4:8

Mi pakhat naupasal amanih, unaupa amanih khawm pakhat khawm nei lo a um a; ana hlak chu, a sininrimna po po chun tâwp hrim a nei naw a, a mithai chu hausaknaa chun a tlai ngai bawk naw a. “Tu ta ding taka hienga mâni inhawitirna chân raka sininrim am ka ni lie?” khawm a ti ngai nawh. Hi khawm hi teplo bawk a nih; anih, tuorna natak a ni chau a nih.

THUHRILTU 5:17

A dam sûng po po chun inthim hnuoiah a fâk a, a lunginsen êm êm a, natna le lunginsenna a nei a.

THUHRILTU 8:15

Chun, miin hlima uma, fâka dâwn nêka nisa hnuoia hin thil ṭha lem a nei naw leiin, nuomsipna hi ṭha ka ti el a nih; nisa hnuoia Pathienin ama a lo pêk tah a dam sûng nihaia po po chun a sininrimna chu a kuoma chun a um ding a ni si a.

MATTHAI 16:26

Mîn khawvêl hi a pumin nei sien, ama hringna chân si sienla, a ta dingin ieng am ṭhahnem a ta? Annawleh, mîn a hringna sikin ieng am pêng a ta?

MATTHAI 6:11

Nitin kan fâk khawpin bu mi pe la,

MATTHAI 6:25

“Chuleichun, ka hril cheu hi, ‘Ieng am dâwnin ieng am fa tâng ka ta?’ tiin, in hringna thu le, ‘Ieng am silin bil ka ta aw?’ tiin, in taksa thu lungkham naw ro. Fâkding nêkin hringna a hlu lem a ni naw am a nih? Silfên nêkin taksa khawm a hlu lem a ni naw am a nih?

MATTHAI 6:34

Chuongchun, a zînga dingin lungkham naw ro, a zîng chun ama ding chu a lungkham fâwm ding a ni si a. Ni khat dingin ni khat rimsik a hun a nih.

LUKA 12:22

Chun, a inchûktirhai kuomah, “Chuleiin, ka hril cheu hi, ‘Ieng am fâng ka ta aw?’ tiin in hringna thu le, ‘Ieng am silin bil ka ta aw?’ tiin in taksa thu lungkham naw ro.

LUKA 12:29

“Chun, in fâk dinghai, in dâwn dinghai zawng naw ro; lungâwpinkaiin um bawk naw ro.

1 KORINTH 16:16

chuong ang mihai kuoma le sinthawa ṭhangpui le sin inrim taphawt kuoma chun intuklût dingin.

PHILIPPI 4:6

Iengkimah ṭawngṭaina le hninain, lâwmthu hrilsa peiin in dithai chu Pathien kuomah inhriettirin um lem raw se.

1 TIMOTHE 6:8

Nisienlakhawm, fâk ding le sil ding neiin, chuonga chun lungawi ei tih.

1 PETER 5:7

amain a ngaisak hlak cheu leiin in lunginzîngna po po ama chungah innghat vawng ro.