THUHRILTU 2:14 - Pathien Lekhabu Inthieng (BSI)

¹⁴ Mi var mithai chu a lua chun a um a, mi invêt ruok chu inthimah a lâwn; amiruokchu, an rênga chungah khawrêl angkhat a tlung tho ti ka hmu a.

THUHRILTU 2:14 ပူးပေါင်းရင်းမြစ်များ

INPÂKNA HLABU 19:10

Chuong chu rângkachak nêka ditum a na; anih, rângkachak inthieng tamtak nêk khawmin. Khuoizu le khuoithlâr nêk khawmin a thlum lem bawk a nih.

INPÂKNA HLABU 49:10

Mi varhai khawm an thi a Mi invêt le mi ngawnghai khawm an bohmang ve ve a An sum mi danghai an mâksanpêk hlakhai chu an hriet si a.

INPÂKNA HLABU 49:11

An lungril ngaituo dân chu, An inhai chu kumkhuoa um ding ang le, An umnahai chu suon po po chena um ding ang a nih. An ramhai chu anni hming ruok an inputtir hlak.

THUVARHAI 14:8

Mi var varna chu a lampui hrietthiem chu a na, Mi invêt invêtna ruok chu khêlthu chu a nih.

THUVARHAI 17:24

Varna chu hrietthiemna neitu hmaihmaa chun a um a, Invêt mithai ruok chu leihnuoi tâwpa chun an um.

THUHRILTU 2:16

Mi invêt ang thoin mi var khawm chu kum khuoa hriet zingna um naw nih. Mi invêt ang bawka mi var khawm chu a thi ngei dingzie chu aw!

THUHRILTU 3:19

Chu thil mihriem nauhai chunga tlung chu ramsahai chunga khawm a tlung si a; pakhat a thi angin a dang khawm chu an thi a. Thuok angkhat nei seng an ni a, mihriem chun ramsahai nêka chunghnungbîkna a nei nawh; thil po po chu teplo el a ni si a.

THUHRILTU 6:6

Anih, kum sâng vawi hni dam sienla, thil ṭha a chang chuong naw chun, mi po po thuhmun vawng an ni naw am a nih?

THUHRILTU 6:8

Mi var chun mi invêt nêkin ieng am hlâwkna a hmu chuong leh? Annawleh, mi hringhai hmaa fê dân hrie mi rimsi chun ieng am a nei a?

THUHRILTU 7:2

Ruoiṭhena ina fe nêkin, lusûnna ina fe chu a ṭha lem; Chu chu mi po po tâwpna a ni si a: Mi dam chun a lungrilah sie tlat a tih.

THUHRILTU 8:1

Mi var ang hi tu am a um a? Thil umze hrie tu am a um a? Mi a varna chun a hmêl chu a sukvar a. A hmêl inrumna khawm chu a danglam tah.

THUHRILTU 9:11

Ka thlîr nâwk a, nisa hnuoia chun intlânsiekna chu a hrâthai ta ding chau a ni naw a, indona chu a hrâthai ta ding chau a ni naw a, bei chu mi varhai ta ding chau a ni naw a, hausakna chu hrietthiemna nei mihai ta ding chau a ni naw a, ditsakna chu themthiemhai ta ding chau a ni nawh; amiruokchu, hun le remchâng chu an rênga kuomah a tlung seng a ni lem ti ka hmu a.

THUHRILTU 9:16

Chun, kei chun, “Hrâtna nêkin varna hi a ṭha lem a ni hi, mi pasetak varna chu hmusit niin, a thuhai chu ngaisak ni naw sien khawm,” ka ti a.

1 JOHAN 2:11

Mâni unau theidatu ruok chu inthimah a um a, inthimah ân vâk bawk a nih; inthimin a mit a sukdel ta leiin a fena khawm a hriet ngai nawh.