THUHRILTU 2:10 - Pathien Lekhabu Inthieng (BSI)

¹⁰ Chun, ka mithaiin a châk taphawthai chu, chuonga inthawk chun kân sûm naw a, hlimna ienga inthawk khawmin ka lungril chu kân sûm ngai naw a, ka sininrimna po poa chun ka lungril chu a hlim a; ka sininrimna po poah hi hi ka chanpuol a nih.

THUHRILTU 2:10 ပူးပေါင်းရင်းမြစ်များ

INṬANNA 3:6

Chuongchun, nuhmei chun thing ra chu fâk dinga ṭha a nih ti le, mit latak a nih ti le, mi sukvar dingin thing ra inhnarumtak a nih ti a hriet chun a ra chu a lo a, a fâk ta a; a kâwla um a pasal kuoma khawm chun ṭhen khat a pêk a, ama khawm chun a fâk ta a.

INṬANNA 6:2

Pathien naupasalhai chun mihriem naunuhmeihai chu hmêl ṭhatakin an hmu a; chuongchun, an dit zâwng taphawthai chu nuhmeiah an nei tâwl hlak a.

JOB LEKHABU (THE BOOK OF JOB) 31:1

“Ka mit leh thuthlung ka siem a, Iengtin am nunghâk chu en tâng ka ta?

INPÂKNA HLABU 119:37

Thil teplo mei mei en lo dingin ka mithai mîn lâkhmangtir la, I lampuihaia chun mi sukhar rawh.

INPÂKNA HLABU 128:2

I kut sininrim ra chu i fâk ding a ni si a, Lâwmtakin um i ta, thawvengin um bawk i tih.

THUVARHAI 23:5

A um naw chunga chun i mithai chu infûktir naw la, Hausaknahai chun thlahai an insiempêk ngei ngei hlak si a; Muvânlai vântienga vuong hlak ang el chun.

THUHRILTU 11:9

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

THUHRILTU 2:1

Ka lungrilin, “Khaw he, inhawi chênin, hlimhlapna hang fie hrim ka tih” kân ti a; hi khawm hi teplo el bawk a nih.

THUHRILTU 2:22

Miin a sininrimna po po le a lungril rimsikna, nisa hnuoia a rimsiknaa chun ieng am a hmu a?

THUHRILTU 2:24

Miin a sinthaw inrimnaah a lungril a sininrimna a dâwn a, a fâk nêka ṭha lem, mi ta dingin ieng dang khawm a um nawh. Hi khawm hi ka hmu ta a, Pathien kuta inthawk bawk a nih.

THUHRILTU 3:22

Chuleiin, miin a sinthawhaia a hlim nêka ṭha lem iengkhawm ka hmu nawh; chu chu ama chanpuol a na, ama hnunga thil hung um dinghai chu hmu dingin tuin am ama chu hung ṭhuoi kîr tâng a ti leh?

THUHRILTU 5:10

Tangka ngainatu chu tangkaah lungawi naw ni a; hausakna ngainatu khawm hlâwknaa chun lungawi bawk naw nih: hi khawm hi teplo el a nih.

THUHRILTU 5:17

A dam sûng po po chun inthim hnuoiah a fâk a, a lunginsen êm êm a, natna le lunginsenna a nei a.

THUHRILTU 5:18

Ngai ta u, mi ta dinga ditum le ṭha âwma ka hmu chu, Pathienin ama a ipêk a dam sûng po poa, nisa hnuoia a sininrimna, a sininrimna po poa chun thil ṭha chu chên a, dâwna fâk hi a nih; chu chu ama chanpuol a ni si a.

THUHRILTU 6:2

Pathienin mi neinungna le hausakna le inzâumna a pêk a, chuongchun, a lungrilin a dit zâwng taphawt chu tlâksam hrim a nei naw a; amiruokchu, Pathien chun chuonghai fâk theina a pêk tlat naw a, amiruokchu, mikhuol chun a fâk ta lem a; hi khawm hi teplo el a na, natna ṭha lo a nih.

THUHRILTU 6:9

Nuom zâwng ram tin nei nêk chun mithaia hmu chu a ṭha lem a; hi khawm hi teplo el, lungril rimsikna el a nih.

THUHRILTU 8:15

Chun, miin hlima uma, fâka dâwn nêka nisa hnuoia hin thil ṭha lem a nei naw leiin, nuomsipna hi ṭha ka ti el a nih; nisa hnuoia Pathienin ama a lo pêk tah a dam sûng nihaia po po chun a sininrimna chu a kuoma chun a um ding a ni si a.

THUHRILTU 9:6

An ngainat zâwng dâm, an theida zâwng dâm, an inhnar zâwng dâm chu a bohmang vawng ta a; nisa hnuoia thil thawa um tinrênghaia chun kumkhuoin chan ding hrim an nei nawh.

THUHRILTU 9:9

Nisa hnuoia a pêk che i teplo dam sûng nihai po poah nuhmei i hmangai le chun hlimtakin um rawh; chu chu nisa hnuoia i sininrimnaa le i dam sûnga i chan a nih.

1 JOHAN 2:16

Khawvêla thil um po po, tisa châkna dâm, mit châkna dâm, dam sûng ropuina tehlêm dâm hi Paa inthawka suok a ni naw a, khawvêla suok a ni lem si a.

RORELTUHAI 14:2

A hung nâwk chun a nu le pa chu a hril a, “Timna khuoah Philistin mihai naunuhai laia mi nuhmei pakhat ka hmu a, ka nuhmei dingin mi neipêk ro,” a ti a.