THUHRILTU 12:1 - Pathien Lekhabu Inthieng (BSI)

¹ I vânglai nihaia chun nangma Siemtu che chu hre zing la, kumhai a hung hnai a, ni ṭha nawhai a hung tlung hma le;

THUHRILTU 12:1 ပူးပေါင်းရင်းမြစ်များ

ṬAP HLA 3:27

Mîn a tleirâwl laiin rîngkawl chu a phur chun a ṭha a nih.

THUHRILTU 11:8

Anih, mi chu kum tamtak a dam chun, chuonga po po chun ama chu hlim raw se; amiruokchu, inthim lai nihai chu hre zing raw se, tamtak an ni ding a ni si a. Chuong a hung tlunghai po po chu teplo el a nih.

THUVARHAI 22:6

Naupang chu a hraw ding lampuiah chun inchûktir la, A hung upat hnung khawma chutaka inthawk chu pêt ngai naw nih.

LUKA 18:16

Nisienlakhawm, Isu chun a ko a, “Naupangtêhai ka kuomah inhungtir unla, khap naw ro; Pathien ram chu hieng ang mihai ta a ni si a.

INPÂKNA HLABU 34:11

Hung ro, naupanghai ka thu ngai ta u, Lalpa ṭi dân lo inchûktir ka ti cheu.

2 TIMOTHE 3:15

Krista Isua ringna um lei chun sandamna hmu khawpa sukvar thei che Lekha Inthienghai chu i naupang laia inthawka hre tah i ni kha.

INPÂKNA HLABU 90:10

Kan dam sûng kumhai chu kum sâwmsari a na, Hrâtna leiin kum sâwmriet khawm a ni thei. Nisienlakhawm, a sâwtna chu sininrimna le lungngaina chau a nih; A bo vak a, keini khawm kan vuong hmang hlak a ni hi.

THUHRILTU 11:10

Chuleiin, i lungrila inthawkin lungngaina chu sie hmang la,i taksaa inthawkin natna chu sie hmang bawk la, tlangvâl lai le vânglai nihai hi teplo el a ni si a.

THUVARHAI 8:17

A mi hmangaituhai chu ka hmangai ve a, Chun, nguntaka a mi zawngtuhai chun mi hmu suok bawk an tih.

2 SAMUEL 19:35

Tuhin kum sâwmriet mi ka na, a sie le ṭha khawm thlier thei am ka la nih? I siehlaw hin ka thil fâk le dâwn hi ân hnik naw khawm ka hriet hran thei ta am a nih? Nuhmei le pasal hla sak ri khawm ka hriet hran thei ta am a nih? Chuleiin, i siehlaw hi iengdingin am ka pu ta ding hin phurrik ni el ka ta?

1 SAMUEL 2:26

Chun, naupang Samuel chu ân ṭhanglien deu deu a, Pathien le mihriemhai dit zâwngin a um ta a.

INṬANNA 39:2

Lalpa chu Josef kuomah a um a; chuongchun, ama chu mi hlawtlingtak a hung ni ta a, a pu Aigupta mi ina chun a um a.

LUKA 1:15

Lalpa ngaiin mi lien nîng a ta, uoin le zu hrim hrim dâwn naw ni a; a nu phing sûnga inthawkin Thlarau Inthiengin hung sip a tih,

1 SAMUEL 16:7

Nisienlakhawm, Lalpa chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, Lalpa chun mihriem en dân angin a en ve si naw a, mihriem chun puotienga inlang dân an en hlak a, Lalpa ruok chun lungril tieng a en lem hlak a nih,” a ta.

INṬANNA 39:23

Lalpa chu Josef kuomah a um a, a thilthaw taphawt Lalpa chun ân hlawtlingtir hlak leiin intângna in vêngtu chun a kuta thil um hrim hrim chu ama ngaisak ṭûl a ti ta naw a.

EPHESI 6:4

Chun, nangni pahai, in nauhai suklungsen naw unla, Lalpa thununna le kâwknaa chun enkawl lem ro.

DANIEL 1:17

Chun, hieng tleirâwlhai pali hi Pathien chun varna le thiemna po poa bengvarna le hrietna a pêk a; chun, Daniel chun thilhmulâwkhai le manghai chung po poa chun hrietthiemna a nei a.

ISAI 26:8

Anih, Aw Lalpa, i rorêlna lampuia chun kan nghâk zing che a, kan hringna dit zâwng chu i hming tieng le i hriet zingna tieng hi a nih.

1 SAMUEL 2:18

Samuel chu naupang ni sien khawm, puonzai inhmi zakawsîng hâkin Lalpa hmaah rawng a bâwl a.

1 LALHAI 18:12

Ka mâksan phing che hin Lalpa thlarauin ka hriet nawnaah la hmang sîng a ti che a, chuongchun, Ahab chu ka va hril a, a hung hmu thei si naw che chun a mi that el ding i sawnnaw; nisienlakhawm, i siehlaw hin ka tleirawla inthawk tah Lalpa chu ka ṭi hlak si a.

1 SAMUEL 1:28

Chuleiin, kei khawma Lalpa kuomah kân hlân a nih; a dam sûng poa Lalpa ta dinga inhlân a nih,” a ta. Chun, chutaka chun Lalpa chu a biek a.

HOSEA 7:9

Mikhuolhai chun a hrâtna an fâk zopêk a, Ama chun chu a hriet nawh; Hmul inṭuokin ama chu a bâwm nuol ta a, Ama chun chu a hriet nawh.

JOB LEKHABU (THE BOOK OF JOB) 30:2

Anih, an kut thahrâthai chun a ieng chun am mi sukhlâwk a ta? Mi an vânglai hun fe liem ta hi.

1 LALHAI 14:13

Chuongchun, Israelhai po po chun sûn an ta, vui an tih; Jeroboam sûngkuo lai chun ama chau chu thlâna sie ding a ni ding a ni si a; Jeroboam sûngkuo lai hin ama chaua hin Lalpa Israelhai Pathien chunga ṭhatna ieng amanih ân lang leiin.

DÂN PAHNINA 8:18

Tuta a nghet anga in pi le puhai kuoma inkhâmna thu a thlung chu a suknghetna dingin Lalpa in Pathien chu hre zing ro, sum le pai themsuok theina petu cheu chu ama chu a ni lem a nih.

NEHEMIA 4:14

Chun, ka hang en vêl a, ka tho a, mi ṭhahai le rorêltuhai le mi danghai kuoma chun, “Anni chu ṭi dêr naw unla, Lalpa ropuitak le, ṭiumtak el chu hre zingin in unauhai, in naupasalhai, in naunuhmeihai, in nuhmeihai, in inhai hum dingin thaw ro khai,” ka ti a.

INPÂKNA HLABU 63:6

Ka khumlaizâwlah ka hriet zing che a, Zâna i chungchâng thu ka suongtuo lai chun.

INPÂKNA HLABU 119:55

Aw Lalpa, zâna chun i hming ka hriet zing hlak a, I dân khawm ka zâwm hlak.

THUHRILTU 11:2

Chan chu hmun sariah sem lem la, anih, hmun rieta khawm; Hnuoi chunga hin thil ṭha naw ieng am a hung ding ti i hriet si naw a.

2 SAMUEL 19:36

I siehlaw hin lal kuoma Jordan râl kai ve chau hi ka tum a nih; iengdingin am lal chun chuong ang chun ṭhat man chu mi thung ve kher a ta?