THUHRILTU 11:9 - Pathien Lekhabu Inthieng (BSI)

⁹ Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

THUHRILTU 11:9 ပူးပေါင်းရင်းမြစ်များ

INṬANNA 3:6

Chuongchun, nuhmei chun thing ra chu fâk dinga ṭha a nih ti le, mit latak a nih ti le, mi sukvar dingin thing ra inhnarumtak a nih ti a hriet chun a ra chu a lo a, a fâk ta a; a kâwla um a pasal kuoma khawm chun ṭhen khat a pêk a, ama khawm chun a fâk ta a.

INṬANNA 6:2

Pathien naupasalhai chun mihriem naunuhmeihai chu hmêl ṭhatakin an hmu a; chuongchun, an dit zâwng taphawthai chu nuhmeiah an nei tâwl hlak a.

1 LALHAI 18:12

Ka mâksan phing che hin Lalpa thlarauin ka hriet nawnaah la hmang sîng a ti che a, chuongchun, Ahab chu ka va hril a, a hung hmu thei si naw che chun a mi that el ding i sawnnaw; nisienlakhawm, i siehlaw hin ka tleirawla inthawk tah Lalpa chu ka ṭi hlak si a.

1 LALHAI 18:27

Chun, sûnlai tak chun Elija chun anni chu tielin, “Khêk inring ta unla, pathien a ni si a, ân ngaituo hri amanih, annawleh a in hlau a, sukṭhang ding amani khawm nîng a tih,” a ta.

1 LALHAI 22:15

Chun, lal kuoma a hang tlung chun, lal chun a kuomah, “Mikaia, Ramoth-gilead khuo thaw dingin ka hang inthawk ding am a ni, hang inthawk lo ding?” a ta. Chun, ama chun a dawn a, “Hang inthawk la, hang hlawtling raw khai, Lalpa chun lal kutah a pêk ding a nih,” a ta.

JOB LEKHABU (THE BOOK OF JOB) 31:7

Ka kalchawi chun lampui a pêtsan a, Ka lungrilin ka mithai chu a zui bawk chun, Ka kuthaiah kaidum hrim a um phawt chun;

INPÂKNA HLABU 81:12

Chuongchun, an lungril kâwmaw ang peia um dingin ka thlathlam a, Anni remruot anga an umna dingin.

THUHRILTU 12:1

I vânglai nihaia chun nangma Siemtu che chu hre zing la, kumhai a hung hnai a, ni ṭha nawhai a hung tlung hma le;

THUHRILTU 12:14

Pathien chun sin tinrêng chu rorêlnaah a hung lâk lût ding a ni si a, thil inthuphai po po le, a ṭha khawm a ṭha naw khawm chu.

THUHRILTU 2:10

Chun, ka mithaiin a châk taphawthai chu, chuonga inthawk chun kân sûm naw a, hlimna ienga inthawk khawmin ka lungril chu kân sûm ngai naw a, ka sininrimna po poa chun ka lungril chu a hlim a; ka sininrimna po poah hi hi ka chanpuol a nih.

THUHRILTU 3:12

An dam sûng poa thil ṭha thawa hlima um nêka an ta dinga ṭha lem iengkhawm a um nawh ti ka hriet a.

THUHRILTU 3:17

Ka lungril chun, “Pathien chun mi fel le rilo chunga chun ro rêl a tih; sin tinrêng le thiltum tinrênga dingin hun a um si a,” ka ti a.

THUHRILTU 6:9

Nuom zâwng ram tin nei nêk chun mithaia hmu chu a ṭha lem a; hi khawm hi teplo el, lungril rimsikna el a nih.

THUHRILTU 7:14

Hlawtling nia chun hlim la, vângduoi nia chun ngaituo rawh; miin ama hnunga ding iengkhawm a hriet nawna dingin Pathien chun pakhat chu a dang ang bawkin a siem a nih.

JEREMIA 23:17

Lalpa thuhai hmusittuhai kuoma chun, Lalpa chun, ‘Thlamuongna nei in tih, a tih,’ an ti zing zing hlak a, chun, mi mâni lungril ngarzie ang peia um hlaktu kuoma khawm chun, ‘In chungah thil ṭha naw hung tlung naw nih,’ an ti bawk hlak a.

JEREMIA 7:24

Nisienlakhawm, an ngai naw a, an na khawm an sit bawk naw a, amiruokchu, anni remruotnaa le, an lungril rilo kâwmâwna chu hrawin, hmatiengah ni lovin an kîr nâwk ta lem a.

ṬAP HLA 3:27

Mîn a tleirâwl laiin rîngkawl chu a phur chun a ṭha a nih.

NAMBAR 15:30

Amiruokchu, ân dittâwk leia thaw a ni ruok chun, chu rama pieng amanih, hnam dang amanih khawm ni sienla, Lalpa hrilsie a nih; ama chu a chipuihai laia inthawk tuithlâr ding a nih.

NAMBAR 15:39

chu rei chu in en hlak a, Lalpa thupêk po po in hriet zinga in zâwmna ding le nawchizawra in um hlak anga in lungril dit zâwng le in mit la zâwng hnawta in um nawna dingin le,

NAMBAR 22:32

Chun, Lalpa vântirko chun a kuomah, “Iengdinga hienga vawi thum rau i sabengtung i vuok am? Ngai ta, i thaw dân chu ka mithmua hin sietna a ni leiin lo dang ding chein ka hung suok a nih;

MATTHAI 5:28

Kei ruok chun, tukhawm nuhmei dit ena en taphawt chun, a lungrilah a uire zing a nih ti ka hril cheu hi.

LUKA 12:19

Chun, ka thlarau kuomah, Thlarau, kum tamtak sûnga dingin sum tamtak în khâwl hi; châwl la, fain dâwn rawh, tîng ka tih,’ a ta.

THILTHAWHAI 14:16

Chu Pathien chun, tienlaiin hnam tin mâni lampui seng hraw a phal hlak a.

THILTHAWHAI 24:25

Paula chun, felna thu dâm, insûm thu dâm, ro a la rêl ding thu dâm ṭhahnemngaitaka a hril laiin Felik chun ṭium a ti bêk a, “Fe nâwk phawt ta rawh, hun remchâng ka nei pha ko ka ti che,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:10

Nisienlakhawm, nangin ieng dinga i unau i sawisêl am a na? annawleh, nangin ieng dinga i unau i hmusit am a na? Pathien rorêlna ṭhungpha hmaah ei rêngin ei la ngîr ding a ni si a.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

2 KORINTH 5:10

Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni si a.

DÂN PAHNINA 29:19

Hi inkhâmna thu ngaithlatu po poin, ‘Lulultakin ei lampui hraw chu hraw zing inla khawm him tho ei tih,'tia lungrila ngaidân siem a, inthlamuontu um hlau rawi an tih. (Chu chun ram hnâwng le ram ṭâwt chungah sietna intlun a tih).

HEBRAIHAI 9:27

Chun, mihriem ta dingin vawi khat thi ruot a nih, chu hnunga chun rorêlna um a tih;

JOSUA 7:21

râllâk laia mi Babulon ram puon ṭhatak le, tangka shekel za hni le, rângkachak tlang shekel sâwmnga bûk ka hmu a, kân hnar êm a, ka lâk el a nih; chun, ngai ta, ka puon in sûngah hnuoiah thuphmang a na, tangka chu chu hnuoia chun a um,” a ti a.

2 PETER 3:7

nisienlakhawm, tuta vânhai le hnuoi umhai hi chu thu bawk lei chun Pathien ngaisak naw mihai rorêl le bohmang nia dingin khêkin, meia dinga inkhâwl khâwm a ni tah.