THUHRILTU 11:8 - Pathien Lekhabu Inthieng (BSI)

⁸ Anih, mi chu kum tamtak a dam chun, chuonga po po chun ama chu hlim raw se; amiruokchu, inthim lai nihai chu hre zing raw se, tamtak an ni ding a ni si a. Chuong a hung tlunghai po po chu teplo el a nih.

THUHRILTU 11:8 ပူးပေါင်းရင်းမြစ်များ

JOB LEKHABU (THE BOOK OF JOB) 10:21

Ka hung kîr nâwk nawna dinga ka fe hma hin, Thina hlim le inthimna ram ngeia ka fe hma hin.

JOB LEKHABU (THE BOOK OF JOB) 10:22

Inthimna ngawta inthim sâmup ram, Thupêk hrim um lo, thina hlim ram; Var khawm inthimna ang nina hmun chu,” tiin.

JOB LEKHABU (THE BOOK OF JOB) 14:10

Nisienlakhawm, mihriem chu a thi a, a rîral ta a; Anih, mihriem chun a thlarau ân thla a, khâwlai am a um ta leh?

JOB LEKHABU (THE BOOK OF JOB) 14:12

Chuong ang chun mihriem chu a zâl a, a thonâwk ta nawh; Vânhai chu a um naw hmakhat chun, tho ta naw ni hai a, An innaa inthawk chun keitho ni bawk naw ni hai.

JOB LEKHABU (THE BOOK OF JOB) 15:23

‘Khâwlai am a um a?’ tiin bu zawngin ân vâk ân vâk a; Inthimna ni chu a kuta chun ân zo zing a nih ti a hriet a.

JOB LEKHABU (THE BOOK OF JOB) 18:18

Vara inthawkin inthimah hnawt hmang nîng a ta, Khawvêla inthawka hnawt suok ni bawk a tih.

INPÂKNA HLABU 49:20

Mihriem chawimawia uma, hrietthiemna nei si lo chu, Sa bohmang hlakhai ang el hi an nih.

THUHRILTU 11:2

Chan chu hmun sariah sem lem la, anih, hmun rieta khawm; Hnuoi chunga hin thil ṭha naw ieng am a hung ding ti i hriet si naw a.

THUHRILTU 2:15

Chun, ka lungrila chun, “Mi invêt chunga thil tlung ang bawk chu ka chunga khawm a tlung ve ding a na; chuong a ni chun ieng dinga var bîk hle am ka ni a?” kân ti a. Ka lungril ma chun, “Hi khawm hi teplo el a nih” ka ti a.

THUHRILTU 2:17

Chuleiin, nisa hnuoia sin thawa um chu ka ta dinga a lungzingthlâk leiin, nun hi ka chim a nih; thil po po chu teplo el, lungril rimsikna el a ni si a.

THUHRILTU 2:19

Chun, mi invêt a ni ding le mi var a ni ding tuin am hrieng a ta? Nisa hnuoia ka varna hmanga ka sininrimna po po ra neitu a la ni ding a ni si a. Hi khawm hi teplo bawk a nih.

THUHRILTU 2:26

Pathien chun ama suklungawitu kuoma chun varna le hrietthiem theina le hlimna a pêk a, mi suol kuoma ruok chun Pathien suklungawitu kuoma pêk dinga lâkkhâwmna le siekhâwlna sin a pêk a. Hi khawm hi teplo el a na, lungril rimsikna el a nih.

THUHRILTU 4:16

Mi an chunga a umnahai po po chu hriet sêng ruol an ni naw a, amiruokchu, ama hnunga hunghai chu amaa chun hlim chuong naw ni hai. Matheilovin hi khawm hi teplo el a na, lungril rimsikna el a nih.

THUHRILTU 4:8

Mi pakhat naupasal amanih, unaupa amanih khawm pakhat khawm nei lo a um a; ana hlak chu, a sininrimna po po chun tâwp hrim a nei naw a, a mithai chu hausaknaa chun a tlai ngai bawk naw a. “Tu ta ding taka hienga mâni inhawitirna chân raka sininrim am ka ni lie?” khawm a ti ngai nawh. Hi khawm hi teplo bawk a nih; anih, tuorna natak a ni chau a nih.

THUHRILTU 6:11

Thu a tam po leh teplo a tam pei a, mihriem ta dingin iem a ṭhat lemna?

THUHRILTU 6:6

Anih, kum sâng vawi hni dam sienla, thil ṭha a chang chuong naw chun, mi po po thuhmun vawng an ni naw am a nih?

THUHRILTU 7:14

Hlawtling nia chun hlim la, vângduoi nia chun ngaituo rawh; miin ama hnunga ding iengkhawm a hriet nawna dingin Pathien chun pakhat chu a dang ang bawkin a siem a nih.

THUHRILTU 8:12

Mi suol chun thil ṭha naw vawi za thawin a dam sûng nihai chu suksei tho sien khawm; matheilovin, Pathien ṭituhai ta ding chun, ama hmaa an ṭi leiin, a ṭha ding a nih ti ka hriet a;

THUHRILTU 8:15

Chun, miin hlima uma, fâka dâwn nêka nisa hnuoia hin thil ṭha lem a nei naw leiin, nuomsipna hi ṭha ka ti el a nih; nisa hnuoia Pathienin ama a lo pêk tah a dam sûng nihaia po po chun a sininrimna chu a kuoma chun a um ding a ni si a.

THUHRILTU 9:7

Fe la, i bei chu hlimin fa la, i uoin chu lungril hlimin dâwn rawh; Pathien chun i sinthawhai chu a pawm ta si a.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin Lalpa in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem ta a.

JOEL 2:2

inthimna le vâninnîmna ni, sûm zîng ni le inthim sâ ni, tlâng chunga vârtle var rên ruon ang; mipui nasatak le hrâttak, chuong ang la um ngai lo, chuong hnunga suon tamtak chen khawma um nâwk ta ngailo ding chu.

MATTHAI 22:13

Chun, lal chun a suokhai kuomah, ‘A kut le a ke khuop unla, tuol tieng inthimah pei dawk ro, chutaka chun ṭap le harâwt chu um a tih,’ ” a ta.

JOHAN 12:35

Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

DÂN PAHNINA 32:29

Var hai sien chu hieng hi hrethiem an ta, An tâwpna ding an ngaituo thiem ding bah.

JUDA 1:18

“Hun nuhnunga chun Pathien ngaisaknaw tieng anni châkna ang peia umin, nuisawtuhai la hung um an tih,” ti in kuoma an hrilziehai kha.