THUHRILTU 11:6 - Pathien Lekhabu Inthieng (BSI)

⁶ Zingkâr chun i thlaichi chu thlâk la, zântienga khawm i kut chu la kîr naw rawh; a ieng lem am a hung hlawtling ding, a hi am a nih a kha am a nih, an pahni ve vein angkhat an ni ding am khawm i hriet si naw a.

THUHRILTU 11:6 ပူးပေါင်းရင်းမြစ်များ

THUHRILTU 11:7

Var chu ân hawi a, mithai ta dinga thil inhawi chu nisa hmu hi a nih.

THUHRILTU 9:1

Hi po po hi hmu suok dingin ka lungrila chun kân vawi tlat a, mi fel le mi var le an sinthawhai chu Pathien kutah a um a; an hmaa um chu ngainatum a ni le theidaum a ni tukhawmin an hriet nawh.

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna amanih, sinthawna amanih a um ta si naw a.

ISAI 55:10

Ruo le vûr chu vâna inthawkin a sûr hlak a, khitienga khin a kîr nâwk ngai naw a, hnuoi hi a châwm lem a, thil ân mâwngtirin ân dertir a, bu chi thetu kuoma chun bu chi a pêk a, fatu kuoma chun fâk ding a pêk hlak a.

HOSEA 10:12

Mâni ta dingin felnain tu unla, Chuongchun, lunginsietna ang peiin sîk ro; In hnuoi chuongtlâihai chu inlet ro, Lalpa chu a hunga in chunga felna ân sûrtir chenin Ama chu zawng hun a ni si a.

2 KORINTH 9:6

Amiruokchu, chuong ang kawnga chun, the tlâwm chun sîk tlâwm a ta, the tam chun sîk tam a tih.

2 TIMOTHE 4:2

Thu chu hril rawh, a huna khawm, a hun nawa dâm khawm thaw pei rawh; dawtheitaka inchûktir peiin an thiem nawna inhriettir la, infui la, kâwk rawh.