THUHRILTU 11:5 - Pathien Lekhabu Inthieng (BSI)

⁵ Thli lampui chu khâwtieng am ti i hriet naw angin le, nau vawntu phîng sûnga chun iengtin am ruhai chu an inṭhanga ti i hriet naw angin, thil po po thawtu Pathien sinthaw chu i hriet nawh.

THUHRILTU 11:5 ပူးပေါင်းရင်းမြစ်များ

JOB LEKHABU (THE BOOK OF JOB) 37:23

Iengkimthawthei chu ei hmu suok thei nawh, Thilthawtheina le indiknaah a ropui a, Felna a hau a, nêksâwr naw nih.

JOB LEKHABU (THE BOOK OF JOB) 38:4

Hnuoi lungphûmhai ka phûm laiin nang chu khaw lai am i um a? Hriethiemna i nei chun mi hril rawh.

JOB LEKHABU (THE BOOK OF JOB) 5:9

Thil ropuitakhai le zawng suok ruol lohai chu thaw a; Thil maktakhai tiem sêng lo thawtu chu.

INPÂKNA HLABU 104:24

Aw Lalpa, i thilthawhai chu a va tam de! Varnain i siem vawng a nih: Leihnuoi hi i hausaknain a sip a ni hi.

INPÂKNA HLABU 40:5

Aw Lalpa ka Pathien, nangin thilmak i thawhai le, Keini tieng i ngaituonahai hi a tam bêk bêk a, Chuong chu i hmaa suklang sêng ruol a ni naw a, Inhriettirin hril ding ni lang, Ṭiemsêng ruol ni naw ni.

INPÂKNA HLABU 92:5

Aw Lalpa, i thilthawhai chu a va ropui de! I ngaituonahai chu ân thûk êm êm a nih.

THUHRILTU 1:13

Vânkhuphnuoia thil thawa um ta po po chungthu chu varnaa zawnga zawng suok dingin ka lungril ka lo hmang ta a; Pathienin mihriem nauhai buoipui dinga a pêk chu sin rinumtak a nih.

THUHRILTU 1:6

Thli chu simtieng a hrâng a, hmartieng a kîr nâwk a. A vêl a vêlin thli chu a hrâng a, Chu thli chu a fe kuolnaa bawk chun a kîr nâwk a.

THUHRILTU 11:4

Thli nghâktu chun thlaichi thlâk naw ni a, Sûmhai pawisatu chun sîk ngai bawk naw nih.

THUHRILTU 3:10

Chutaka an buoipui ngei ding mihriem nauhai kuoma chun Pathien chun sin dinga a pêk chu ka hmu a.

THUHRILTU 3:11

Thil tinrêng chu mâni hun senga mawi dingin a siem a; a bula inthawka a tâwp chena Pathienin sin a thaw chu mihriemin a hriet suok thei nawna dingin, an lungrilah khawvêl chu a ruotdet bawk a.

THUHRILTU 7:24

Chuong a hlata hla le nasataka inthûk chu tuin am hmu suok thei a ta?

THUHRILTU 8:17

nisa hnuoia sin thawa um, mihriemhaiin an hmu suok thei naw, Pathien sinthaw chu ka hmu a; ieng ang khawmin, miin zawngin nasatakin thaw inrim sien khawm, hmu suok chuong naw nih; mi var khawma hriet inring sien khawm hmu suok chuong bawk naw nih.

ISAI 40:28

In lungrilin in hriet zing hlak nâwm a nih? In nain in hriet ngai nâwm a nih? Kumkhaw Pathien, Lalpa, kâwlkawdawng chen Siemtu chu, a châu ngai naw a, a sâwl ngai bawk nawzie hi; a hrietthiemzie chu zawng suok ruol a ni nawh.

JOHAN 3:8

Thli khâwlai khawm a nuom nuomin a hrâng hlak, a ri i hriet deh, nisienlakhawm, khâwtaka inthawka hung am, khâwlai am a fe ding ti i hriet si nawh; tûkhawm Thlaraua pieng chu chuong ang chu an nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:33

Pathien hausakzie, a varna le hrietna hauzie chu a vân thûk de! A rorêlnahai chu hriet thei ruol le, a lampuihai chu sui thei ruol a va ni naw de!