THUHRILTU 10:12 - Pathien Lekhabu Inthieng (BSI)

¹² Mi var baua thuhai chu a zainêm hlak a, Mi invêt hmûrhai ruok chun ama chu lem a tih.

THUHRILTU 10:12 ပူးပေါင်းရင်းမြစ်များ

2 SAMUEL 1:16

Chun, David chun a kuomah, “Lalpa hrieknâl chu ka that a nih,’ tia nangma bâu ngeia in puong leiin i thisen chu nangma lu chung ngeiah um raw se,” a ta.

JOB LEKHABU (THE BOOK OF JOB) 16:5

Amiruokchu, ka bauin sukhrât ka ti cheu a, Ka hmûrhaia hnêmna chun i lungngaina chu suknêp a tih.

INPÂKNA HLABU 140:9

A mîn huolvêltuhai lu chu, Anni hmûra an thu suol hril chun inkhum raw se.

INPÂKNA HLABU 37:30

Mi fel bau chun varna thu a hril hlak a, A lei chun rorêl felna thu a hril bawk hlak.

INPÂKNA HLABU 64:8

Chuongchun, anni lei ngei chun anni a do leiin, sukkatin um an ta, Anni hmu taphawthai chun an lu thinkhum an tih.

THUVARHAI 10:10

Mi a mit sêp sêp vêltu chun lungngaina ân tlungtir a, Hmûr khêlinhlip ruok chu sukhnuoi nîng a tih.

THUVARHAI 10:8

Lungrila var chun thupêkhai pawm a ta, Hmûr khêlinhlip ruok chu sukhnuoi nîng a tih.

THUVARHAI 12:18

Kâwlhnâm isun anga tlahawltaka thuhril a um a, Mi var lei ruok chu a hrisêl a nih.

THUVARHAI 15:2

Mi var lei chun hrietna indik a hril suok hlak a, Mi invêt bau ruok chun invêtna a bun suok hlak.

THUVARHAI 15:23

Dawnna indik chun mi a suklâwm a, A huntaka thu a ni tak hril chu a va ṭha de!

THUVARHAI 19:5

Thuhretu indik naw chu hrem lo ni naw ni a, Thukhêl sâksuoktu chun pumpel bawk naw nih.

THUVARHAI 22:11

Lungril inthiengna ngainatu chu, A hmûrahai chun lunginsietna a nei a, lal chu ama ruolpa nîng a tih.

THUVARHAI 26:9

Mi invêthai baua tekhithu chu, Zu inrui kuta hling lût ang el hi a nih.

THUVARHAI 31:26

Varna leh a bau chu a ka a; Lunginsietna inchûktirna chu a leia chun a um a.

THUHRILTU 12:11

Mi var thuhai chu hmawl a hmawra thilzum um ang a na, chun, Berâm vêngtu pakhata inthawka pêk thuvar lâk khâwmhai chu thîrkil vuok det tlat ang chu a nih.

THUHRILTU 4:5

Mi invêt chun a kuthai a kuo a, ama taksa ngei chu a fâk a.

THUHRILTU 5:2

I bauin ti rawk rawk naw la, Pathien hmaa thil iengkhawm hril dingin inhmaw naw rawh; Pathien chu vânah a um a, nang chu hnuoia um i ni si a; chuleiin, i thu chu suktlâwm rawh.

THUHRILTU 5:6

I bauin suolna tieng a ṭhuoilût ding che phal naw la; Pathien mitirhai hmaa chun 'intiem suolpal a ni kha' ti bawk naw rawh; iengleiin am i ṭawngbauah Pathien chu lunginsenin, i kut sinthawhai chu a sukbohmang el a ta?

THUHRILTU 9:17

Mi var thu damtereka hril khawm chu invêthai laia rorêltu khêk nêk chun hriet a ni lem a.

MATTHAI 12:35

Mi ṭha chun a robâwm ṭhaa inthawkin thil ṭhahai a the dawk hlak, mi suol chun a robâwm siea inthawkin thil ṭha naw a the dawk hlak.

LUKA 19:22

“Chun, ama chun a kuomah, ‘Suok suol, i ṭawngbau suok ngeiin kân thiem naw che. Mi vîntak ka na, ka sie naw khawm ka lâk a, ka tu naw khawm ka sîk hlak ti i hriet maw?

LUKA 4:22

Chun, an rêngin ama an inpâk a, a bausuok lunginsietna thu dâm chu mak an ti hle a. “Hi pa hi Josef naupa a ni naw am a nih?” an ta.

EPHESI 4:29

Thu ṭhanaw hrim in bauah suok naw sien la, a ṭul zie ang peia siem ṭha dingin thu ṭha suok lem raw se, a ngaituhai dingin lunginsietna a hung ni theina dingin.

KOLOSSA 4:6

Mi tin iengtina dawn seng ding am a na ti in hriet theina dingin in ṭawng bausuok chu chia saw, lunginsietna ṭhang ni rawp raw se.