THUHRILTU 1:6 - Pathien Lekhabu Inthieng (BSI)

⁶ Thli chu simtieng a hrâng a, hmartieng a kîr nâwk a. A vêl a vêlin thli chu a hrâng a, Chu thli chu a fe kuolnaa bawk chun a kîr nâwk a.

THUHRILTU 1:6 ပူးပေါင်းရင်းမြစ်များ

JOB LEKHABU (THE BOOK OF JOB) 37:17

Sim thli leia hnuoi chu a um ṭawk ṭawk laiin, Iengtin am i silfênhai chu suklumin a um a, ti i hriet am?

JOB LEKHABU (THE BOOK OF JOB) 37:9

Simtieng pindana inthawk chun thlipui a hung a, Hmârtienga inthawkin phalbi a hung bawk a.

INPÂKNA HLABU 107:25

Ama chun thu a pêk a, thlipui ân hrângtir a, Chu chun a tuifâwnhai chu a suksâng hlak.

INPÂKNA HLABU 107:29

Thlipui chu a sukma ṭhuop a, Chuongchun, a tuifâwnhai a re ṭhup hlak.

THUHRILTU 1:7

Vadunghai po po chu tuisuorietah an luong lût a, Anachu tuisuoriet chu a sip naw a: Vadunghai chu an hung suokna hmun tiengah, chutieng ma chun an kîr nâwk a.

THUHRILTU 11:5

Thli lampui chu khâwtieng am ti i hriet naw angin le, nau vawntu phîng sûnga chun iengtin am ruhai chu an inṭhanga ti i hriet naw angin, thil po po thawtu Pathien sinthaw chu i hriet nawh.

JONA 1:4

Nisienlakhawm, Lalpa chun thli natak el tuipuia chun ân hrângtir a, tuipuia chun thlipui nasatak el chu a hrâng ta a; chuongchun, lawng chu kawi ding ang elin a um ta a.

MATTHAI 7:24

“Chuongchun, mi tin hieng ka thu hrea zâwm taphawt chu, mi var lungpui chunga in bâwltu leh hrilkhi ding a nih.

MATTHAI 7:27

Ruo dâm a hung sûr a; tui dâm a hung lien a, thli dâm a hung hrâng a, chu in chu a hung nam sawk sawk a; a chim ta a; a chim chu nasatak a nih,” a ta.

JOHAN 3:8

Thli khâwlai khawm a nuom nuomin a hrâng hlak, a ri i hriet deh, nisienlakhawm, khâwtaka inthawka hung am, khâwlai am a fe ding ti i hriet si nawh; tûkhawm Thlaraua pieng chu chuong ang chu an nih,” a ta.