THUHRILTU 1:3 - Pathien Lekhabu Inthieng (BSI)

³ Miin a sininrimna, nisa hnuoia a sininrimna po poa chun ieng am hlâwkna a hmu a?

THUHRILTU 1:3 ပူးပေါင်းရင်းမြစ်များ

THUHRILTU 2:11

Chun, ka kuthaiin sin a lo thaw ta po po chu ka en a, chuonghai thawa ka lo sininrimna tahai po po chu teplo el le, lungril rimsikna el a nih, nisa hnuoia hin hlâwkna hrim a lo um nawh ti ka hmu a.

THUHRILTU 2:18

Chuongchun, mi keia hnunga la hung um ding ta dingin ka mâksan el ding a ni ti ka hmuin nisa hnuoia ka sininrim, chu ka sin thawinrimna po po chu ka theida a nih.

THUHRILTU 2:19

Chun, mi invêt a ni ding le mi var a ni ding tuin am hrieng a ta? Nisa hnuoia ka varna hmanga ka sininrimna po po ra neitu a la ni ding a ni si a. Hi khawm hi teplo bawk a nih.

THUHRILTU 2:22

Miin a sininrimna po po le a lungril rimsikna, nisa hnuoia a rimsiknaa chun ieng am a hmu a?

THUHRILTU 3:9

Sinthawtu chun a sininrimnaah ieng hlâwkna am a hmu a?

THUHRILTU 4:3

anih, chuhai ve ve nêk chun, nisa hnuoia thawa um sin rilo la hmulo le, la um ngailo ni chu a ṭha lem a nih.

THUHRILTU 4:7

Chun, ka thlîr nâwk a, nisa hnuoia chun teplo el chu ka hmu a.

THUHRILTU 5:16

Chun, hi khawm hi thil ṭha naw lungzingum tak chu a nih, a hung dân ang kawng tinrênga chun; chuong ang bawkin fêng a ta; a lungril sukrim saka a sininrimnaa chun ieng am hlâwkna a hmu leh?

THUHRILTU 5:18

Ngai ta u, mi ta dinga ditum le ṭha âwma ka hmu chu, Pathienin ama a ipêk a dam sûng po poa, nisa hnuoia a sininrimna, a sininrimna po poa chun thil ṭha chu chên a, dâwna fâk hi a nih; chu chu ama chanpuol a ni si a.

THUHRILTU 6:12

A dam sûnga dingin tuin am mihriem ta dinga thil ṭha chu a hriet a, a dam sûng teplo nihai po po chu hlim angin a hmangral el a ni naw maw? Nisa hnuoia hin ama hnungah ieng am a hung um ding tuin am mi a hril thei a?

THUHRILTU 7:11

Varna hi rochan ang bawka ṭha a na, Anih, nisa hmutuhai ta ding lem chun a ṭha nasa zuol a nih.

THUHRILTU 9:13

Hieng ang kawng bawka hin nisa hnuoia chun varna chu a hmu a, ka ta ding chun ropuitakin ân lang a.

THUHRILTU 9:3

Nisa hnuoia thawa um po po lai hi hi thil suol a nih: mi po po chunga thiltlung hmunkhat vawng a ni hi; anih, mihriem nauhai lungril chu thil ṭha nawa sip a na, an dam lai chun an lungrila chun invêtna a um a, chu hnung hlak chun mithi kuomah an fê ta a.

THUHRILTU 9:6

An ngainat zâwng dâm, an theida zâwng dâm, an inhnar zâwng dâm chu a bohmang vawng ta a; nisa hnuoia thil thawa um tinrênghaia chun kumkhuoin chan ding hrim an nei nawh.

ISAI 55:2

Bu ni si lovah ieng dinga tangka in sêng am a na? Khawp le tlaina ni si lovah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.

HABAKKUK 2:13

En ta u, hnamhai chu teploah anni an insuklungkham a, Chi tinhai chun mei ta dinga sin an inrim hi, Sipaihai Lalpaa inthawk ni lo am a nih?

HABAKKUK 2:18

Milem a kera ker, a siemtuin a iker chun Ieng am ṭangkaina a nei? Milim a sunga sung le khêlhlip inchûktirtu, Milim ṭawng thei nawhai siem a, A siemtuin ama sinthaw nâk nâk a ringzoa hin, Ṭangkâina ieng am a um a?

MATTHAI 16:26

Mîn khawvêl hi a pumin nei sien, ama hringna chân si sienla, a ta dingin ieng am ṭhahnem a ta? Annawleh, mîn a hringna sikin ieng am pêng a ta?

JOHAN 6:27

Bu bohmang nâwk el hlak zawng hin inlap rak rak naw ro, chatuona hringna chena um zing ding bu, Mihriem Naupain a pêk ding cheu chu zawng lem ro; Pa Pathien chun ama chu ân chik ta si a,” a ta, a dawn a

1 KORINTH 16:16

chuong ang mihai kuoma le sinthawa ṭhangpui le sin inrim taphawt kuoma chun intuklût dingin.