THUHRILTU 1:14 - Pathien Lekhabu Inthieng (BSI)

¹⁴ Nisa hnuoia sin thawa um tahai po po chu ka hmu ta a; chun, ngai ta, thil po po chu teplo el, lungril sâwlna el a nih.

THUHRILTU 1:14 ပူးပေါင်းရင်းမြစ်များ

THUHRILTU 2:11

Chun, ka kuthaiin sin a lo thaw ta po po chu ka en a, chuonghai thawa ka lo sininrimna tahai po po chu teplo el le, lungril rimsikna el a nih, nisa hnuoia hin hlâwkna hrim a lo um nawh ti ka hmu a.

THUHRILTU 2:26

Pathien chun ama suklungawitu kuoma chun varna le hrietthiem theina le hlimna a pêk a, mi suol kuoma ruok chun Pathien suklungawitu kuoma pêk dinga lâkkhâwmna le siekhâwlna sin a pêk a. Hi khawm hi teplo el a na, lungril rimsikna el a nih.

THUHRILTU 2:17

Chuleiin, nisa hnuoia sin thawa um chu ka ta dinga a lungzingthlâk leiin, nun hi ka chim a nih; thil po po chu teplo el, lungril rimsikna el a ni si a.

THUHRILTU 6:9

Nuom zâwng ram tin nei nêk chun mithaia hmu chu a ṭha lem a; hi khawm hi teplo el, lungril rimsikna el a nih.

THUHRILTU 4:4

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmu a. Hi khawm hi teplo el, lungril rimsikna el a nih.

THUHRILTU 4:16

Mi an chunga a umnahai po po chu hriet sêng ruol an ni naw a, amiruokchu, ama hnunga hunghai chu amaa chun hlim chuong naw ni hai. Matheilovin hi khawm hi teplo el a na, lungril rimsikna el a nih.

THUHRILTU 8:16

Hnuoi chunga sin thawa umhai chu hmu ding le, varna chu hre dinga ka lungril ka hmang lai chu: (sûna manih zâna mani khawma mithaiin îmu a hmu nawzie dâm chu);

THUHRILTU 3:19

Chu thil mihriem nauhai chunga tlung chu ramsahai chunga khawm a tlung si a; pakhat a thi angin a dang khawm chu an thi a. Thuok angkhat nei seng an ni a, mihriem chun ramsahai nêka chunghnungbîkna a nei nawh; thil po po chu teplo el a ni si a.

THUHRILTU 4:6

Lungril rimsikna le sinrimnaa kut sip hni nêkin, dei zawta kut sip khat chu a ṭha lem.

THUHRILTU 12:8

“Teplohai teplo,” Thuhriltu chun a tih, thil po po hi teplo a nih.