THUHRILTU 1:13 - Pathien Lekhabu Inthieng (BSI)

¹³ Vânkhuphnuoia thil thawa um ta po po chungthu chu varnaa zawnga zawng suok dingin ka lungril ka lo hmang ta a; Pathienin mihriem nauhai buoipui dinga a pêk chu sin rinumtak a nih.

THUHRILTU 1:13 ပူးပေါင်းရင်းမြစ်များ

INṬANNA 3:19

hnuoia i kîr nâwk hmakhat chu, i hmaiah thlan luong rak khawpin bu fa tâng i tih; hnuoia inthawka lâk suok i ni si a, pilvut i ni a, pilvutah i kîr nâwk ding a nih,” a ti a.

JOB LEKHABU (THE BOOK OF JOB) 28:3

Mihriemin inthimna a suktâwp a, Thina hlim le inthimna lung sâmuphai chu, A hmun hlatakahai chun a zawng suok hlak.

INPÂKNA HLABU 111:2

Lalpa thilthawhai chu a ropui a, A chunga lâwmhai poin zawng suok a ni hlak.

THUVARHAI 18:1

Mi mâni insuktum chun, mâni nuom zâwng ngei chu a zawng a, Varna indik po po a sêlkal hlak.

THUVARHAI 18:15

Mi var lungril chun hrietna a nei a, Mi var na chun thiemna a zawng bawk.

THUVARHAI 23:26

Ka naupa, i lungril mi pe ta, Chun, ka lampuihaia chun i mithai khawm chu fu bawk raw se.

THUVARHAI 25:2

Thil thup hri hi Pathien ta ding chun ropuina a na, Lalhai ropuina ruok chu thilpawi zawng suok chu a nih.

THUVARHAI 4:7

Varna chu thil bulpui tak a na, chuleiin, varna nei rawh; Anih, i nei tasahai po poa chun hrietthiemna nei rawh.

THUHRILTU 1:17

Chun, intlâwkna le invêtna hre dingin le, varna chu hre dingin ka lungril ka sêng a; hi khawm hi nuomhmanglo el a niin ka hriet ta a.

THUHRILTU 11:5

Thli lampui chu khâwtieng am ti i hriet naw angin le, nau vawntu phîng sûnga chun iengtin am ruhai chu an inṭhanga ti i hriet naw angin, thil po po thawtu Pathien sinthaw chu i hriet nawh.

THUHRILTU 12:12

Chun, chu bâka chun, ka naupa, infuiin um la, lekhabu tamtak siem hin tâwp lêm a nei naw a; inchûk tam khawm hi taksa inrimna chau a nih.

THUHRILTU 2:23

A nihai po po chu nat tuornaa sip a ni a, a sininrimna hlak lungzîngna ruok a ni a; anih, zâna chen khawm a lungril chun châwl hrim a hmu nawh. Hi khawm hi teplo bawk a nih.

THUHRILTU 2:26

Pathien chun ama suklungawitu kuoma chun varna le hrietthiem theina le hlimna a pêk a, mi suol kuoma ruok chun Pathien suklungawitu kuoma pêk dinga lâkkhâwmna le siekhâwlna sin a pêk a. Hi khawm hi teplo el a na, lungril rimsikna el a nih.

THUHRILTU 3:10

Chutaka an buoipui ngei ding mihriem nauhai kuoma chun Pathien chun sin dinga a pêk chu ka hmu a.

THUHRILTU 3:11

Thil tinrêng chu mâni hun senga mawi dingin a siem a; a bula inthawka a tâwp chena Pathienin sin a thaw chu mihriemin a hriet suok thei nawna dingin, an lungrilah khawvêl chu a ruotdet bawk a.

THUHRILTU 4:4

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmu a. Hi khawm hi teplo el, lungril rimsikna el a nih.

THUHRILTU 4:8

Mi pakhat naupasal amanih, unaupa amanih khawm pakhat khawm nei lo a um a; ana hlak chu, a sininrimna po po chun tâwp hrim a nei naw a, a mithai chu hausaknaa chun a tlai ngai bawk naw a. “Tu ta ding taka hienga mâni inhawitirna chân raka sininrim am ka ni lie?” khawm a ti ngai nawh. Hi khawm hi teplo bawk a nih; anih, tuorna natak a ni chau a nih.

THUHRILTU 7:25

Ka ngha kîr a, ka lungril chun, hre ding le, zawng ding le, varna zawng suok dingin le; rîtlona hi invêtna a nih ti hre ding le, invêtna chu intlâwkna a nih ti hre dingin ka thlîr vêl a.

THUHRILTU 8:9

Hi po po hi ka hmu ta a; nisa hnuoia sin po pohaia chun ka lungril chu ka hmang ta a; mi pakhatin mi dang chungah ama le ama ân suknatna ding elin thuneina a nei hun chu a nei a nih.

1 TIMOTHE 4:15

Mi po po kuomah i ṭhathnemna ân lang theina dingin chuongahai chun taima la, chuonga chun inhmang zo rawh.