THILTHAWHAI 9:39 - Pathien Lekhabu Inthieng (BSI)

³⁹ Chun, Peter chu a tho a, anni ruolin a fe ve ta a. Chun, a tlung phingleh pindan chunghnunga chun an ṭhuoi a; hmeithai po po chu a kâwla ngîrin, Dorka an kuoma a um laia a zakuo siemhai, a puon siemhai inentir pumin an ṭap tâwl a.

THILTHAWHAI 9:39 ပူးပေါင်းရင်းမြစ်များ

2 SAMUEL 1:24

Nangni Israel naunuhai, Saula chu ṭa ro, Puon sen mawihaia inthuom cheu a, In puonahai rângkachaka cheimawinahai belpêktu cheu chu.

THUVARHAI 10:7

Mi indik hriet zingna chu malsâwmin a um a, Mi khawhlo hming ruok chu thâm hmang a tih.

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna amanih, sinthawna amanih a um ta si naw a.

MATTHAI 17:17

Chun, Isûn, “Ruolthar ringna nei loa kawmawhai, ieng chen am in kuomah um ka ta, ieng chen am ngai thei ka ti cheu a? Ama chu ka kuoma hin hung ṭhuoi ro,” a ta, a dawn a.

MATTHAI 26:11

Pasiehai chu kumkhuoa in kuoma um an nih annâwm, kei ruok chu kumkhuoa in kuoma um ding ka ni nawh.

MARKA 14:8

A thaw thei ang tâwk a thaw a nih; ka taksa hi phûm dingin a lo nâl lâwk a ni hi.

LUKA 24:44

Chun, an kuomah, “Hieng hi ka thu kha a nih, Mosie Dâna hai, Zâwlnei Lekhabua hai, Inpâkna Hla bua hai ka chanchin ziek taphawt chu a hung tlung dingzie in kuoma ka um laia ka hril hlak cheu kha,” a ta.

JOHAN 12:8

Pasiehai chu kumkhuoin in kuoma um an nih, kei ruok chu kumkhuoa in kuoma um ding ka ni nawh,” a ta.

JOHAN 17:12

“An kuomah ka um sûng khan, anni chu i hmingin ka hum hlak, i hming mi pêk khan, anni chu ka vêng a, anni lai pakhat khawm an bohmang nawh, bohmang naupa naw kha chu; Lekha thu kha a hung tlungna dingin.

THILTHAWHAI 1:13

Chun, an lûtin an umna pindan chunghnunga chun an hang fe a, Peter le Johan leh, Jakob le Andri leh, Philip le Thoma leh, Bartholomai le Matthai leh, Alphai naupa Jakob leh, Simon Zelot pâwla mi le Jakob naupa Juda leh an nih.

THILTHAWHAI 20:35

Iengkim ka thaw taphawt ka thawhmu hlak cheu kha, chuonga sininrim pum le, Lalpa Isu thu hre zing pumin mi hrâtnawhai in ṭhangpui ding a nih; ama ngeiin, ‘Iengkhat lâk nêkin pêkin lukhâwng a nei lem’, a ti kha,” a ta.

THILTHAWHAI 6:1

Chun, chuong laia inchûktirhai an hung pung pei lai chun, an ni tin thil sema chun an hmeithaihai an ngaisak naw leiin Juda, Grik ṭawng hmanghai chu Juda, Hebrai ṭawng hmanghai chungah an lo chier ta a.

THILTHAWHAI 8:2

Chun, Pathien ngaisak tuhaiin amanih Stephan chu an phûm a, nasatakin an ṭap a.

THILTHAWHAI 9:41

Chun, Peter chun a kut a pêk a, a keitho ta a; chun, mi inthienghai le hmeithaihai chu a ko a, damin an kuomah a ṭhuoi ta a.

2 KORINTH 8:12

Inzona chu a um phawt chun, mi a nei naw sa ni lovin, a neizie ang peia a pêk chu lâwm tlâk a ni si a.

EPHESI 4:28

Inruhmang chun inru ta naw sien la, a tlasam kuoma pêk ding a nei theina dingin a kuta thil ṭha thawin inrim lem raw se.

1 THESSALONIKA 1:3

Ei Pathien le Pa hmaa ringna leia in sin thawzie dâm, hmangaina leia in sin inrimzie dâm, ei Lalpa Isu Krista beisei leia in selzie dâm kha theinghil lova hre zingin.

1 THESSALONIKA 4:13

Nisienlakhawm, unauhai, mi dang beiseina hrim nei nawhai anga in lungngai nâwna dingin, a inhai chanchin in hriet naw kan nuom nawh.

1 TIMOTHE 5:3

Hmeithai, hmeithai taktakhai chu chawimawi rawh.

1 TIMOTHE 5:5

Hmeithai taktak mâkhât chaua um chun Pathien chungah beiseina a nei tlat a, a sûn a zânin hni le ṭawngṭaiin a um rawp hlak.

1 JOHAN 3:18

Nauhai, thu chauin inhmangai nâwm ei niu, lei chauin inhmangai naw bawk ei tiu; thilthaw le titakzetin ni lem raw se.