THILTHAWHAI 9:20 - Pathien Lekhabu Inthieng (BSI)

²⁰ Inkhâwmna inhaia chun Isu chu Pathien Naupa a nizie thu a khêkpui nghâl ta a.

THILTHAWHAI 9:20 ပူးပေါင်းရင်းမြစ်များ

INPÂKNA HLABU 2:12

Naupa chu fâwp ro, chuong naw chun lunginsen a ta, lam kârah bohmang rawi in tih: A lungsen chu a hung inthawk phut ding a ni si a. Amaa an ringna innghattuhai po po chu an hamṭha.

INPÂKNA HLABU 2:7

Thuruot chu ka hril ding a nih: Lalpa chun ka kuomah, “Nang chu ka naupa i nih; Vawisûn hin ka nei che a nih.

MATTHAI 27:43

Pathien a awi annâwm, ama hi a nuom chun tuhin sandam raw se, ‘Pathien Naupa ka nih,’ a ti si a,” an ta.

MATTHAI 27:54

Chun, sipai za hotu le a kuoma Isu vênga um vehai chun, simkhawleihnuoi inhnîng le thil umziehai chu an hmu chun an ṭi ta bêk bêk a, “Hi mipa hi Pathien Naupa a ni ngei el,” an ta.

MATTHAI 4:3

Chun, thlêmtu chu a hung a, a kuomah, “Pathien Naupa i ni chun, hieng lunghai hi beia inchang dingin thu pe rawh,” a ta.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 19:7

Judahai chun a kuomah, “Kan dân kawng khat a um, chu dân ang peiin Pathien Naua ân siem leiin, a thi ding a nih,” an ta, an dawn a.

JOHAN 20:28

Thoman a kuomah ,“Ka Lalpa le ka Pathien i nih,” a ta, a dawn a.

JOHAN 20:31

Nisienlakhawm, hieng hi, Isu chu, Krista, Pathien Naupa a nih ti in ringna ding le, in ring a, a hminga hringna in neina dinga ziek a nih.

THILTHAWHAI 13:14

Nisienlakhawm, anni chu Pergaa inthawkin an fe pei a, Pisidia rama Antiokei an tlung a; chun, Châwlniin inkhâwmna inah an lût a, an ṭhung a.

THILTHAWHAI 13:33

khânga Pathienin Isu a keitho khan, eini an nauhai lei hin chuong chu a hlen a nih, Inpâkna Hla pahninaah, ‘Ka naupa i ni ie, vawisûn hin ka nei che a nih,’ ti ziek ang bawk khan.

THILTHAWHAI 13:46

Chun, Paula le Barnaba chun huoitakin an hril dawk a, “Pathien thu hi nangni kuoma hril hmasak hrim ding a nih; nisienlakhawm, in lo dang kîr a, chatuona hring tlâk lova in inruot ta hnung chu, hre ro, Jentailhai kuom tieng ngha vê tâng kan tih.

THILTHAWHAI 13:5

Chun, Salamis khuoa an um laiin, Juda inkhâwmna inahai Pathien thu an hril hlak; Johan khawm kha an rawng bâwl dingin an ṭhuoi ve a.

THILTHAWHAI 14:1

Chun, Ikonioma chun Judahai inkhâwmna inah an lût rêl a, mi hne thei zâwng taka thu an hril leiin, Grik le Juda mi tamtak ringtu an hung ni ta a.

THILTHAWHAI 16:13

Chun, Châwlniin kul kawtkhâr puo tienga vadung panga, ṭawngṭaina hmun ni dinga kan ringa chun kan fe a; chun, kan ṭhunga nuhmei hung khâwmhai kuoma chun thu kan hril a.

THILTHAWHAI 17:10

Chun, unauhai chun a zân a zânin Paula le Sila chu Beroia khuoah an infetir nghâl ta a; chu hmun an va tlung chun, Judahai inkhâwmna inah an lût a.

THILTHAWHAI 17:17

Chuongchun, inkhâwmna inah Judahai le Pathien ngaisakhai a sêl hlak a, dâwr hmuna dâm khawm, chutaka hung um taphawthai chu ni tin a lo sêl bawk hlak a.

THILTHAWHAI 17:2

Chun, Paula, a dân pângngaiin, an kuomah a lût a, Châwlni vawi thum Pathien Lekha Thua inthawkin nguntakin a suipui a,

THILTHAWHAI 18:19

Chun, Ephesi chu an tlung a, chutaka chun anni chu a mâksan a; ama ruok chu inkhâwmna inah a lût a, Judahai chu Pathien thu a suipui a.

THILTHAWHAI 18:4

Châwlni po leh inkhâwmna inah ṭhahnemngaitakin thu a hril hlak a, Judahai le Grikhai chu inhmin a tum hlak a.

THILTHAWHAI 19:8

Chun, Paula chu inkhâwmna inah a lût hlak a, thla thum lai huoitakin thu a hril a, Pathien ram kawng thua chun a sêl a, mi ân hmin hlak a.

THILTHAWHAI 8:36

Chun, lampuia an fe malamin tui umna an tlung a; chun, mitillâk chun, “En ta, hitaka hi tui a um, baptisma chang dingin iengin am a mi hluo a?” a ta.

THILTHAWHAI 8:37

[Chun, Philip chun, “I lungril po poa i ring chun, i chang thei,” a ta. Ama chun, “Isu Krista chu Pathien Naupa a ni ka ring,” a ta, a dawn a].

THILTHAWHAI 9:22

Saula ruok chu a hung hrât nâwk zuol a, ama chu Krista a ni takzet ti a hrilfie a, Damaskaa Juda umhai chu a sêldawng rawp hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:4

inthiengna Thlarau tieng thua ruok chun mithi laia inthawka a thonâwkna chun Pathien Nau a ni zie thilthawtheina nasatakin ân hriettir a;

GALATI 1:16

Jentailhai laia Chanchin Ṭha ka hril theina dingin, a Naupa chu keimaa ân lârtir lai khan, tisa le thisen kân rawnpui naw a.

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta naw a, Krista chu keimaah a hring lem a nih; chun, tuta taksaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

THUPUONGSUO 2:18

Chun, Thuatiraa kohran tirko kuoma chun hieng hin ziek rawh: “ ‘Pathien Naupa, mit meichawk ang nei, a kephahai dâr tle mi ang khan, hieng thu hi a hril a nih: