THILTHAWHAI 9:17 - Pathien Lekhabu Inthieng (BSI)

¹⁷ Chun, Anania chu a va fe a, ina chun a lût a; a chungah kut ân nghat a, “Unau Saula, i mit varna ding le Thlarau Inthienga sipa i um theina dingin, Lalpa, i hungna lampuia i kuoma inlâr Isu khan a mi hung tir a nih,” a ta.

THILTHAWHAI 9:17 ပူးပေါင်းရင်းမြစ်များ

INṬANNA 45:4

Josef bawkin a unauhai kuomah, “Lunginsiettakin mi hung hnai ta u,” a ti a. Chuongchun, an va hnai a. Ama chun, “In unaupa Josef, Aiguptaa lûtpui dinga in izawr kha ka nih.

MATTHAI 19:13

Chun, an chunga a kut innghat a, a iṭawngṭaipêk dingin a kuomah naupangtêhai an hung ṭhuoi a; chun, inchûktirhai chun an lo hal a.

MARKA 5:23

“Ka naunu naupangte a thi vâng vâng a, a hung hara, a hung dam theina dingin, hunga a chunga i kut innghat dingin ka ngên che,” tiin a ngên ṭal a.

MARKA 6:5

Chun, mi damnaw tlâwmte chunga kut innghata a sukdam ti chau naw chu, chu hmuna chun thilmak dang hrim a thaw thei naw a.

LUKA 1:41

Chun, Elizabethin Mari chibai bûk chu a hriet phingleh, a phîng sûnga naute chu a châng a; chun, Elizabeth chu Thlarau Inthiengin a sip ta a;

LUKA 1:67

Chun, a pa Zakaria chu Thlarau Inthiengin a sip a, a hrillâwk a,

LUKA 1:76

Anih, Bawipu, nang hi Achunghnungtak zâwlnei tîng an ti che. A lampuihai siem dingin Lalpa hmaah i fe ding a ni si a;

LUKA 15:30

Nisienlakhawm, hi i naupa nawchizawrhai kâwla i sum fa zo vawngtu hi a hung phingleh ama ta dingin sebâwngtê thâutak kha i lo thatpêk vei a,’ a ta, a dawn a.

LUKA 15:32

Hlimtak le lâwmtaka um ding a ni hrim annâwm; hi i sang hi a thi a, a hung hring nâwk ta a; ân hmang a, ei hmu nâwk tah a ni si a,’ a ti a,” a ta.

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

THILTHAWHAI 10:36

Ama chun thlamuongna Chanchin Ṭha Isu Krista baua hrilin Israel mipuihai kuomah thu ân phur a, (Isu chu mi po po Lal a nih).

THILTHAWHAI 13:3

Chuongchun, bu nghei a, an ṭawngṭai zo chun an chungah kut an innghat a, an infetir ta a.

THILTHAWHAI 13:52

Chun, închûktirhai chu lâwmna le Thlarau Inthiengin an sip tâwl a.

THILTHAWHAI 19:6

Chun, Paulain an chungah a kut ân nghat a, Thlarau Inthieng chu an chungah a hung tlung ta a; chuongchun ṭawng hrietnaw haiin thu an hril a, Pathien thu khawm an hril ta a.

THILTHAWHAI 2:4

Chun, an chungah a chuong seng a, an rêngin Thlarau Inthiengin an sip ta vawng a, Thlarauin ân ṭawngtir ang peiin ṭawng danghaiin an hung ṭawng ta a.

THILTHAWHAI 21:20

Chun, unauhai chun chuong thu chu an hrietin Pathien an chawimawi a; chun, Paula kuoma chun, “Unau, Judahai laia ringtu tamzie i hmu a; an rêngin Dân chungah ṭhahnem an ngai bawk a.

THILTHAWHAI 26:15

Chun, keiin, ‘Tu am i na Lalpa?’ ka ta. Lalpa chun, ‘Isu i suknawmnat hi ka nih.

THILTHAWHAI 4:31

Chun, an ṭawngṭai zo chun an umna in chu a hung inhnîng a, an rêngin Thlarau Inthiengin an hung sip a, huoitakin Pathien thu an hril ta a.

THILTHAWHAI 6:6

Chuhai chu tirkohai hmaa chun an inngîrtir a, chun, anni chu an ṭawngṭai a, an chungah an kut an innghat a.

THILTHAWHAI 8:17

Chun, an chungah an kut an innghat a, Thlarau Inthieng an hmu ta a.

THILTHAWHAI 9:18

Chun, kârlovin a mita inthawk chun phuhlip ang ieng amanih a tla nghâl ta a, a mit a var nâwk ta a; chun, a tho a, baptisma a chang ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:7

Chuleiin, Krista chun Pathien sukropuina dinga a lâwm cheu ang bawk khan, inlâwm tuo seng ro.

1 KORINTH 15:47

Mihriem hmasatak chu hnuoia mi pila siem a nih; mihriem pahnina chu vâna mi a nih.

1 KORINTH 15:8

chun, a tâwptaka chun, a hun nawa pieng ang keima kuoma khawm ân lâr a.

1 KORINTH 9:1

Zalên ka ni naw am a nih? Tirko ka ni naw am a nih? Ei Lalpa Isu chu ka hmu ta naw am a nih? nangnirawi chu Lalpaa ka sinthaw in ni naw am a nih?

1 TIMOTHE 4:14

Nangmaa um, thilpêk hril lâwk ta anga, upahai kut innghata, Pathienin ân neitir che kha thlathlam naw.

1 TIMOTHE 5:22

Tû chunga khawm kut innghat thut naw la, mi dang suolnahaia chun ṭhang bawk naw; insukthieng zing rawh.

2 TIMOTHE 1:6

Chuleiin, ka kut innghat leia Pathien thilpêk nangmaa um kha mût chawk dingin ka hril nawn che a nih.

PHILEMON 1:16

ama chu suok ang ni lova, suok nêka ṭha, unau dittak ang lemin ka ta dingin dittak a ni bîk a, nanga ta ding lem chun tisaa le Lalpaa chun a va ni nâwk zuol âwm de!

HEBRAIHAI 6:2

baptismahai le, kut innghat le, mithi thonâwkna le, chatuona rorêlna kawng thu inchûktirna lungphûm chu.

2 PETER 3:15

Chun, ei Lalpa dawtheizie chu sandamnaa ruot ro; ei unaupa dittak Paula khawmin, a kuoma varna pêk ang peia in kuoma a ziek ang khan.