THILTHAWHAI 8:7 - Pathien Lekhabu Inthieng (BSI)

⁷ khawhri inthiengnawhai chu mi tamtak an imanhai sûnga inthawkin rawl inringtaka khêka an suok leiin le, zeng le keinbai tamtak khawm an hung dam ta leiin.

THILTHAWHAI 8:7 ပူးပေါင်းရင်းမြစ်များ

ISAI 35:6

Chu pha chun kebaihai chu sakhi angin inchâwm an ta, ṭawng theinawhai lei chun hlimtakin hla sak a tih; thlalêra chun tuihai chu hung inkhaw suok huou huou a ta; ram ṭâwla chun vadunghai tui chu hung inchik suok hur hur bawk a tih.

MATTHAI 10:1

Chun, a inchûktir sâwm le pahnihai chu a ko a, anni hnawt dawk theina dingin khawhri inthiengnawhai chunga thuneina a pêk a; damnawna tinrêng le natna tinrêng sukdam theina dingin thuneina a pêk bawk a.

MATTHAI 11:5

mitdelhai an mit a lo var tah, kebaihai kein an lâwn tah, phârhai an lo inthieng tah, nasêthai an na a lo var tah, mithihai keithoin an um tah, pasiehaiin Chanchin Ṭha thu hril an dawng tah.

MATTHAI 4:24

Chun, Suria ram po poah a chanchin ân thang ta a; chuongchun, mi damnaw po po, damnawna le natna tinrênga nahai, khawhri imanhai, hringawl invawihai, zenghai a kuomah an hung ṭhuoi a, a lo sukdam tâwl a.

MARKA 9:26

Chuongchun, a khêk suok a, nasataka a sawisak zo chun a hung suok ta a, chun, naupang chu thi ang elin a um a, chuongchun, mi tam lem chun, “A thi a nih,” an ti a.

LUKA 10:17

Chun, sâwmsarihai chu lâwmtakin an hung a, “Lalpa, khawhrihai khawm i hming leiin kan thu thuin an um,” an ta.

JOHAN 14:12

Titakzetin, ka hril cheu hi, tûkhawmin a mi ring chun thil ka thawhai hi ama khawmin thaw vêng a tih; hienghai nêka thil ropui lemhai khawm la thawng a tih, Pa kuoma ka fe ding leiin.

THILTHAWHAI 5:16

Chun, Jerusalem kâwl vêl khuoa inthawkin mipuihai khawm chu damnawhai, khawhri inthiengnaw isawisakhai hung ṭhuoiin an hung khâwm a; chuonghai khawm chu an hung dam ta seng a.

THILTHAWHAI 8:6

Mipuihaiin a thu an hriet a, a thilmak thawhai an hmu chun Philip thu hril chu lungril hmunkhatin an ngaisak a,

HEBRAIHAI 2:4

Pathien khawmin inchiknahai le thilmakhai le, thilthawtheina tinrênghai le, ama dit zâwng ang peia Thlarau Inthieng thil semhai le chun, anni chu a hrietpui a.