THILTHAWHAI 8:39 - Pathien Lekhabu Inthieng (BSI)

³⁹ Tuia inthawk chu an hang suok phingleh, Lalpa Thlarau chun Philip chu a lâk hmang ta a; mitillâk chun ama chu a hmu nâwk ta naw a, nisienlakhawm, hlimtakin a fe ta pei a.

THILTHAWHAI 8:39 ပူးပေါင်းရင်းမြစ်များ

1 LALHAI 18:12

Ka mâksan phing che hin Lalpa thlarauin ka hriet nawnaah la hmang sîng a ti che a, chuongchun, Ahab chu ka va hril a, a hung hmu thei si naw che chun a mi that el ding i sawnnaw; nisienlakhawm, i siehlaw hin ka tleirawla inthawk tah Lalpa chu ka ṭi hlak si a.

2 LALHAI 2:16

Chun, anni chun a kuomah, “Ngai ta, tuhin pasal hrât i siehlawhai kuoma hin sâwmnga an um a, kan ngên che hi, anni chu tir la i hotupa chu inzawngtir rawh, ama chu Lalpa thlarau chun lain, tlâng khaw laia manih, ruom khaw laia manih a lo inthlâk hlau rawi mawh,” an ta. Ama chun, “infetir lo ding,” a ta.

INPÂKNA HLABU 119:111

I thuinhriettirhai chu kumkhawtluonga ka ro dingin ka lâk a, Ka lungril suklâwmtu a ni si a.

INPÂKNA HLABU 119:14

I thuinhriettir kawnga chun ka hlim a, Hausakna po poa ka hlim ang elin,

ISAI 61:10

Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

EZEKIEL 11:1

Chu nawa chun thlarau chun a mi hang dawm kâng a. Lalpa in dâi saktieng kawtkhâr, saktieng sawnga chun a mi ṭhuoi ta a; chun, ngai ta, chu dâi kawtkhâra chun mi sâwmhni panga an um a; chun, anni laia chun Azzur naupa Jaazania le Benaia naupa Pelatia, mipuihai hotuhai chu ka hmu a.

EZEKIEL 11:24

Chun, thlarau chun a mi dawmkâng a, Pathien thlaraua thilhmulâwknaa chun Kaldaia sal intânghai kuoma chun a mi ṭhuoi ta a. Chuongchun, ka thilhmulâwk hmu chun chungtieng a mi fesan ta a.

EZEKIEL 37:1

Lalpa kut chu ka chungah a um a, Lalpa thlarau chun a mi ṭhuoi suok a, phairuoma hin a mi sie ta a; rua sip a na;

EZEKIEL 43:5

Thlarau chun a mi dawm kâng a, huon sûng tuollai sungril lema chun a mi ṭhuoi ta a; chun, ngai ta, Lalpa ropuina chun in chu a suksip ta a.

EZEKIEL 8:3

Chun, kut ang tak hi a hang ban suok a, ka samtawma chun a mi man a, chuongchun, thlarau chun vân le hnuoi kâra chun a mi dawm kâng a, Pathien thil hmulâwknahai chun Jerusalemah, tuolsûng sûngril lem dâi kawtkhâr hmâr tieng sawnga chun a mi ṭhuoi ta a; chutaka chun îtthîkna milim, îtthîk dinga chawktho hlaktu ṭhungpha chu a um a.

MATTHAI 13:44

“Vân ram chu loa ro phûmrûk ang a nih; chu chu miin a hmu a, a thup hmang a, a lâwm leiin a fe a, a nei po po chu a va zawr a, chu lo chu ân châwk ta a.

MATTHAI 3:16

Chun, Isu baptisma a chang phingleh, tuia inthawk chun a suok nghâl ta a; chun, ngai ta, a ta dingin vân a hung inhawng a, Pathien Thlarau chu vaṭhu anga hung ṭuma a chunga hung fu a hmu a.

MARKA 1:10

Chuongchun, tuia inthawka a hung suok phingle chun, vân inhawnga Thlarau vâṭhu angin ama chunga hung ṭum a hmu ta a.

THILTHAWHAI 13:52

Chun, închûktirhai chu lâwmna le Thlarau Inthiengin an sip tâwl a.

THILTHAWHAI 16:34

Chun, a inah a hang ṭhuoi a, fâk ding a pêk a, chun, Pathien an ring leiin, ama chu, a sûnghai po po le chun an hlim ta bêk bêk a.

THILTHAWHAI 8:29

Chun, Thlarau chun Philip kuomah, “Saw tawlailîr saw va hnai la, va pâwl rawh,” a ta.

THILTHAWHAI 8:38

Chun, tawlailîr chu ân ngîrtir a, an pahni chun, Philip le mitillâk chu tuia chun an zu fe a; chun, Philip chun ama chu a baptis ta a.

THILTHAWHAI 8:8

Chun, chu khuoa chun nasatakin an lâwm ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:2

ama lei bawk chun hi lunginsietnaa ei ngir detnaa hin ringnain ei lût ta a, Pathien ropuina beiseiin lâwmin ei um bawk a nih.

PHILIPPI 3:3

Eini Pathien Thlarau zâra Pathien bie le, Krista Isu suong le, taksa chunga ringna innghat nawhai hi, Sertanhai ei ni lem si a.

PHILIPPI 4:4

Lalpaa chun lâwm rawp ro, ti nâwk hlak ka tih lâwm ro. In dawtheizie mi po po hriet ni raw se.

JAKOB 4:16

Nisienlakhawm, in uongnahai hi in suong lem si a; chuong ang suongna po po chu suol a nih.