THILTHAWHAI 8:27 - Pathien Lekhabu Inthieng (BSI)

²⁷ Chuongchun, a tho a, a fe ta a. Chun, ngai ta, Ethiopia rama mi pakhat, Ethiopia lalnu Kandaki hnuoia mitillâk inlaltak, a ro po po enkawltu, Jerusalemah Pathien be dingin a hang fe a.

THILTHAWHAI 8:27 ပူးပေါင်းရင်းမြစ်များ

1 LALHAI 10:1

Chun, Lalpa hming dinga a thilthaw chungchâng thua Solomon hming inthangzie chu Seba lalnuin a lo hriet chun thu khirtak taka fie tumin a kuomah a fe a.

INPÂKNA HLABU 68:29

Jerusalema i biekin leiin, Lalhaiin lâwmmanhai la hung chawipêk an ti che.

INPÂKNA HLABU 68:31

Aiguptaa inthawkin mi lienhai hung suok an ta, Ethiopiahai chu an kut Pathien tienga phar dingin inhmâwng an tih.

INPÂKNA HLABU 87:4

A mi hretuhai lai an ṭhang ve ti, Rahab le Babulon chungchâng thu hril ka tih; Philistin le Tura hi, Ethiopia le hin, en ta u; Hi mi hi chutaka pieng chu a nih.

ISAI 18:7

Chu pha chun sipaihai Lalpa hming umna hmun Zion tlânga chun, sipaihai Lalpa kuoma pêk dingin mi insâng thler thlawr innâmtakhai kuoma inthawkin, an suok phuta inthawka tu chena mi ṭiumtakhai kuoma inthawk chu, lâwmman hung chawi an tih; chu hnam chun ram an sem hlak a, an sir thlûk bawk hlak a, an ram chu vadunghai chun a semdar a nih.

ISAI 43:6

hmârtieng kuoma chun, ‘Inthla ro,’ tîng ka ta, simtieng kuoma chun, ‘Hrên zing naw ro,’ tîng ka tih; ka naupasalhai chu hlataka inthawkin hung ṭhuoi unla, ka naunuhmeihai chu leihnuoi tâwpa inthawkin hung ṭhuoi ro;

ISAI 45:14

Lalpa chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 60:3

Chuongchun, hnam tin chu i var tieng chun hung an ta, lalhai khawm i hung suok varna tieng chun hung bawk an tih.

ISAI 60:6

Sanghâwngsei tamtak el chun tuom dûl dûl an ti che, Midian le Epha rama sanghâwngsei tuoihai chun: chuong po pohai chu Seba rama inthawkin hung an tih; rângkachak le beraw hung phur an ta, Lalpa inpâkna thu inhriettir an tih.

ISAI 66:19

Chun, anni lai chun inchikna inumtir ka ta, chuongchun, anni laia hremna khêltuhai taphawt chu hnam tin kuomah Tarsis dâm, Pul dâm, thalngul kuoihai Lud kuoma dâm, Tubal le Javan mihai dâm, thlierkâr hlatak, ka hminginthang la hre ngai lova ka ropuina la hmu ngai lohai kuoma chun tir ka tih; chuongchun, hnam tin lai chun ka ropuina thu hril an tih.

JEREMIA 13:23

Ethiopia mi chun a vun chu a thlengin, keitê khawma a zie chu a thleng thei am a nih? Thil ṭha naw thaw ngaia hmanghai hin thil ṭha chu in thaw ding am a nih?

JEREMIA 38:7

Chun, Ethiopia mi, Ebed-melek, mi tillâk, lal ina um chun Jeremia chu khurthim sûnga chun an sie ti a hriet chun chu lai chun lal chu Benjamin dai kawtkhâra khan a ṭhung a.

JEREMIA 39:16

“Fe la, Ethiopia mi Ebedmelek kuoma khan hieng hin va hril rawh, Sipaihai Lalpa, Israel Pathien chun hieng hin a tih: Ngai ta, thil ṭha tiengah ni lovin, thil ṭha naw tiengah hi khawpui chunga hin ka thuhai chu ka hung intlungtir ding a nih; chun, chu nia chun nanga hmaa chun sukkim nîng an tih.

ZEPHANIA 3:10

Ethiopia vadunghai khêla inthawk chun ka riminhnik râwtuhai, ka hnawtdarhai naunuhmeihai ngei chun, ka thil inhlânhai chu hung chawi an ta.

MATTHAI 12:42

Simtieng lalnu kha ngaituo pha chun tulai ruoltharhai lai hin tho vêng a ta, thiemnaw inchangtir a tih; Solomon varna ngai ding hmanin kâwlkawdawnga inthawkin a hung si a; ngai ta u, Solomon nêka ropui lem hitaka hin a um in sawnnaw.

JOHAN 12:20

Chun, ruoiṭhenaa Pathien chibai bûk dinga hang fehai lai Grik tuhai amanih an um a.

THILTHAWHAI 8:28

A hung tieng chun a tawlailîra ṭhung pumin zâwlnei Isai lekhabu a tiem pei a.

DÂN PAHNINA 30:13

‘kan hrieta kan zâwm theina dingin tu am râlah mi fepêk a ta, mi hung lapêk ding?’ ti dingin tuisuoriet râla mi khawm a ni chuong nawh.

HEBRAIHAI 11:8

Ringnain Abraham chu koa a um lai khan, a rohluo ding hmuna lût dingin fe suok thu chu a pawm ta a; chun, a fena ding tieng khawm hre lovin a fe suok ta a.