THILTHAWHAI 8:26 - Pathien Lekhabu Inthieng (BSI)

²⁶ Chun, Lalpa vântirko pakhatin Philip chu a biek a, “Tho la, sim tienga Jerusalema inthawka Gaza zuk sun lampuia khan fe rawh, chu lampui chu thlalêra fe thleng a nih,” a ta.

THILTHAWHAI 8:26 ပူးပေါင်းရင်းမြစ်များ

INṬANNA 10:19

Chun, Kanaan hnamhai ramri chu Zidona inthawkin Gerar pan zâwngin Gaza chenin; Sodom, Gomorra, Adma le Zeboiim pan zâwngin, Lasa chenin a nih.

2 LALHAI 1:3

Nisienlakhawm, Tisbe mi Elija kuoma chun Lalpa vântirkoin, “Tho la, Samari lal tirtâwnhai chu intuokpui dingin fe rawh; chun, an kuoma chun, Israel rama hin Pathien a um ta naw leiin amanih Ekronhai pathien Baal-zebub chu râwn dinga in fe chu?

1 CHANCHIN SUINA 22:16

rângkachak le, tangkaruo le, thîr le dârsena themthiemhai, nizât hriet sêng lo rau an na; tho la, thaw el rawh, Lalpa chu i kuomah um a tih,” tiin.

ZEKARIA 9:5

Askelon chun hmûng a ta, ṭîng a tih; Gaza khawmin hmûng a ta, nasataka suknatin um a tih; chun, Ekron khawm, a beiseina chu a thlâwn ding a ni si a; Gazaa inthawk chun lal chu bohmang a ta; Askelon khawm chu hluo ni ta naw ni.

THILTHAWHAI 10:22

Anni chun, “Vântirko inthieng pakhatin, Korneli, sipai za hotu mi feltak, Pathien ṭi Juda hnam po pohai khawma an ingaisâng kuoma chun, i thu hril a hrietna dingin, a inah nang ko ding chein a hril a nih,” an ta.

THILTHAWHAI 10:7

Chun, vântirko a betu chu a fe phingleh, Korneli chun, a siehlawhai laia mi pahni le a rawngbâwl rawphai laia Pathien ngaisak sipai pakhat a ko a;

THILTHAWHAI 12:23

Ama chun Pathien kuomah chawimawina chu a pêk naw leiin kârlovin Lalpa vântirkoin a man a, rulrukûtin a fâk a, a thi ta a.

THILTHAWHAI 27:23

A ta ka na, a rawng ka bâwl hlak Pathien kha, ama vântirko pakhat vawizân hin ka kâwlah a hung ngîr a, ka kuomah,

THILTHAWHAI 5:19

Nisienlakhawm, Lalpa vântirko pakhatin, kawtkhârhai chu a hung hawng a, a ṭhuoi suok ta a,

THILTHAWHAI 8:29

Chun, Thlarau chun Philip kuomah, “Saw tawlailîr saw va hnai la, va pâwl rawh,” a ta.

THILTHAWHAI 8:5

Chun, Philip chu Samari khuoah a zu fe a, an kuomah Krista thu a khêk pui a.

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

JOSUA 13:3

(Aigupta ram bula um Sihora inthawka hmartieng panga Ekron ramri chenin, chu chu Kanaan mihai rama ngai a nih; Philistin mi panga, Gaza mihai, Asod mihai, Askelon mihai, Git mihai, Ekron mihai lalhai ram) le,

JOSUA 15:47

Asdod le a sîrvêla khuohai le a khaw chînhai chu: Gaza le a sîrvêl khuohai le a khaw chînhai chu; Aigupta vadung le Mediterranean Tuipui le a kam chenin.